740. இதன் (739வது ஹதீஸின்) மூலம் அபூ ஹுரைரா(ரலி) வாயிலாக முஸ்லிமில் உள்ளது.

742. இராக் வாசிகளின் இஹ்ராம் கட்டுமிடம் `தாத்து இர்க்' எனும் மலைக்குன்று அருகே என இறைத்தூதர்(ஸல்) நிர்ணயித்தார்கள் என ஆயிஷா(ரலி) அறிவித்தார்கள்.
நூல்கள்: அபூ தாவூத், நஸயீ

744. `தாத்து இர்க்' என்னும் இடத்தை இஹ்ராம் கட்டும் இடமாக உமர்(ரலி) அவர்களே ஆக்கினார்கள் என புகாரீயில் உள்ளது.

746. ஹஜ்ஜதுல் வதா ஆண்டில், இறைத்தூதர்(ஸல்) அவர்களுடன் நாங்கள் சென்றோம். அப்போது, எங்களில் சிலர் உம்ராவுக்காக இஹ்ராம் கட்டினார்கள். மற்றும் சிலர் ஹஜ்ஜுக்காகவும் உம்ராவுக்காவும் இஹ்ராம் கட்டினார்கள். வேறு சிலர் ஹஜ்ஜுக்காக (மட்டும்) இஹ்ராம் கட்டினர். இறைத்தூதர்(ஸல்) ஹஜ்ஜுக்காக இஹ்ராம் கட்டினார்கள். உம்ராவுக்காக இஹ்ராம் கட்டியவர்கள் மக்காவை அடைந்தவுடன் (உம்ரா செய்து) இஹ்ராமைக் கலைந்தார்கள். ஹஜ்ஜுக்காக இஹ்ராம் கட்டியவர்கள் அல்லது ஹஜ் உம்ரா இரண்டையும் ஒன்று சேர்த்து கிரான் எனும் ஹஜ்ஜுக்கு இஹ்ராம் கட்டியவர்கள், குர்பானீ கொடுக்கும் நாள் வரை இஹ்ராமைக் கலைந்து ஹலால் ஆகவில்லை என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

748. ``என்னிடம் ஜிப்ரீல்(அலை) வந்து, என் தோழர்கள். அவர்களின் லப்பைக் முழக்கத்தை உயர்த்தும்படி நான் கட்டளையிட வேண்டுமாறு எனக்குக் உத்தரவிட்டார்கள்'' என்று இறைத்தூதர்(ஸல்) கூறினார்கள் என கல்லாத் இப்னு அஸ்ஸாயிபு தம் தந்தையிடமிருந்து அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா.
இமாம் திர்மிதீ மற்றும் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

750. ``இஹ்ராம் கட்டுபவர்கள், எத்தகைய ஆடை அணிய வேண்டும்? என இறைத்தூதர்(ஸல்) அவர்களிடம் கேட்கப்பட்டது.
``சட்டை, தலைப்பாகை, காலுறை மற்றும் தலையில் மூடும் அளவிற்கான நீண்ட அங்கி ஆகியவற்றை அணியவேண்டாம். காலணி இல்லாதவர் காலுறை அணிந்து கொள்ளட்டும். ஆனால், அதனை (மேலிருந்து) கரண்டைக் காலுக்குக் கீழ் கத்தரித்துக் கொள்ளட்டும். காவி (அல்லது குங்குமப்பூச்சாயம்) மேலும், `வர்ஸ்' எனும் செடியின் இலையின் சாயம் பூசப்பட்ட ஆடைகளை அணிய வேண்டாம்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

752. இஹ்ராம் கட்டியவர் நிக்காஹ் (திருமணம்) செய்யவோ திருமணம் செய்து வைக்கவோ, இன்னும் அதற்காக உரை நிகழ்த்தவோ கூடாது என்று நபி(ஸல்) கூறினார்கள் என உஸ்மான் இப்னு அஃப்பான்(ரலி) அறிவித்தார்கள்.
நூல்: முஸ்லிம்

754. இறைத்தூதர்(ஸல்) அப்வா அல்லது வத்தான் எனும் இடத்தில் இருந்தபோது அவர்களுக்கு ஒரு காட்டுக் கழுதையை அன்பளிப்பாகக் கொடுத்தேன். அதனை அவர்கள் என்னிடமே திருப்பிக் கொடுத்து, நாங்கள் இஹ்ராம் கட்டியிருப்பதாலேயே இதனைத் திரும்பத் தருகிறோம்'' என்று கூறினார்கள் என ஸஅப் இப்னு ஜஸ்ஸலாமா அல் லைஸி(ரலி) அறிவித்தார்கள்.
நூல்கள்: புகாரீ, முஸ்லிம்

756. இறைத்தூதர்(ஸல்) இஹ்ராம் கட்டிய நிலையில், இரத்தம் குத்தி எடுத்துக் கொண்டார்கள் என இப்னு அப்பாஸ்(ரலி) அறிவித்தார்.
நூல்கள்: புகாரீ, முஸ்லிம்

758. அல்லாஹ் தன் தூதருக்கு மக்கா வெற்றியை அளித்ததும், அவர்கள் எழுந்து நின்று, அல்லாஹ்வைப் புகழ்ந்து போற்றி, அல்லாஹ் யானைகளை மக்காவை விட்டுத் தடுத்தான். இன்னும், தன் தூதர் மற்றும் முஸ்லிம்களுக்கு அதன் மீது வெற்றியைக் கொடுத்தான். நிச்சயமாக மக்காவில் போர் புரிவது எனக்கு முன்பு யாருக்கும் அனுமதிக்கப்படவில்லை. நிச்சயமாக எனக்குப் பின்னரும் மக்காவில் போர் புரிதல் யாருக்கும் அனுமதிக்கப்படாது.
அதன் வேட்டைப் பிராணிகளை விரட்டக் கூடாது. அதில் முள் மரங்களையும் வெட்டக் கூடாது. அங்கு கீழே விழும் பொருளை பொது அறிவிப்புச் செய்பவர் தவிர, வேறு யாரும் எடுக்கக் கூடாது.
கொலை செய்யப்பட்டவனின் சாராருக்கு (ஈட்டுத் தொகை வாங்கிக் கொள்ளும் அல்லது பழிதீர்க்கும்) இரண்டு உரிமைகளில் சிறந்தது ஒன்று தரப்பட்டுள்ளது எனக் கூறினார்கள்.
அப்போது, ``நம் இல்லங்கள், அடக்க ஸ்தலங்களில் நாம் பயன்படுத்தக் கூடிய `இத்கிர்' எனும் புல்லில் மட்டும் சலுகை அளியுங்கள் இறைத்தூதர் அவர்களே!'' என அப்பாஸ்(ரலி) கேட்டார்.
``இத்கிரைத் தவிர'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்