79. ``தன் மர்ம உறுப்பைத் தொட்டவர் (மீண்டும்) `உளூ'ச் செய்து கொள்ளட்டும்'' என்று இறைத்தூதர்(ஸல்) கூறினார்கள் என புஸ்ராஹ் பின்த் ஸஃப்வான்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இதனை இமாம் திர்மிதீ மற்றும் இப்னு ஹிப்பான்(ரஹ்) ஆகியோர் இதனை ஆதாரப்பூர்வமான ஹதீஸ் எனக் குறிப்பிட்டுள்ளார்கள். இமாம் புகாரீ(ரஹ்) இதுதான் இது தொடர்பாக வந்துளள ஹதீஸ் களில் சரியானதாகும் எனக் கூறியுள்ளார்.
குறிப்பு: மர்ம உறுப்பை இச்சையுடன் ஆடைக்கு மேலாகவோ அல்லது நேரடியாகவோ எப்படித் தொட்டாலும் `உளூ' முறிந்துவிடும். யதார்த்தமாகத் தொட்டால் `உளூ' முறியாது. இந்த அடிப்படையில், 78 ஆம் ஹதீஸிற்கு 79 ஆம் ஹதீஸ் எந்த வகையிலும் முரணில்லை.

81. ``நான் ஆட்டிறைச்சி உண்டால் `உளூ'ச் செய்ய வேண்டுமா?'' என நபி(ஸல்) அவர்களிடம் ஒருவர் கேட்டார்.
``நீ விரும்பினால்'' என நபி(ஸல்) பதிலளித்தார்கள்.
``நான் ஒட்டக இறைச்சி உண்டால் `உளூ'ச் செய்ய வேண்டுமா?'' என அவர் கேட்டார்.
``ஆம்'' என்று பதிலளித்தார்கள் என ஜாபிர் இப்னு ஸமுரா(ரலி) அறிவித்தார்.
நூல்: முஸ்லிம்

83. அம்ர் இப்னு ஹஸ்ம்(ரலி) அவர்களுக்கு இறைத்தூதர்(ஸல்) எழுதிய கடிதத்தில், ``தூயவர் தவிர வேறு யாரும் குர்ஆனைத் தொடவேண்டாம்'' என்று எழுதியிருந்தார்கள் என அப்துல்லாஹ் இப்னு அபீ பக்ர்(ரலி) அறிவித்தார்.
இதனை இமாம் மாலிக்(ரஹ்) `முர்ஸல்' எனும் தரத்தில் பதிவிட்டுள்ளார்கள். இமாம் நஸயீ மற்றும் இமாம் இப்னு ஹிப்பான்(ரஹ்) இதனை மஃலூல் எனக் குறிப்பிட்டுள்ளார்கள்.

85. இறைத்தூதர்(ஸல்), இரத்தம் குத்தி எடுத்துவிட்டு, `உளூ'ச் செய்யாமல் தொழுதார்கள் என அனஸ்(ரலி) அறிவித்தார்.
நூல்: தார குத்னீ
இமாம் தார குத்னீ(ரஹ்) இதனைப் பதிவிட்டதோடு அல்லாமல் இது பலவீனமான ஹதீஸ் எனக் கூறியுள்ளார்.

87. ``தூங்கியவரின் `உளூ' முறிந்துவிடும். எனவே, அவர் மீண்டும் `உளூ'ச் செய்யட்டும்'' எனும் வாசகம் முஆவியா(ரலி) வாயிலாக அபூ தாவூதில் இந்த ஹதீஸில் அதிகப்படியாக உள்ளது.
அலீ(ரலி) வாயிலாகவும் இவ்வாறே பதிவாகியுள்ளது. மேற்கண்ட இரண்டு அறிவிப்புகளும் `ளயீஃப்' - பலவீனமானது எனும் தரத்தில் பதிவிடப்பட்டுள்ளன.

89. ``உங்களில் ஒருவர் தொழுகையில் இருக்கும்போது அவரிடம் (ஷைத்தான்) வந்து அவரின் ஆசனப் பகுதியில் ஊதுகிறான். எனவே, அவர் தனக்கு `உளூ' (முறியாத நிலையிலும்) முறிந்துவிட்டதாய் எண்ணுகிறார். இவ்வாறு (உங்களில் யாருக்கேனும்) நிகழ்ந்தால், அவர் சத்தத்தைக் கேட்காத, அல்லது நாற்றத்தை உணராத வரையில் (தொழுகையை விட்டு) திரும்ப வேண்டாம்!'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்: பஜ்ஜார்.

91. இங்கு 89வது ஹதீஸ் போன்றே அபூ ஹுரைரா(ரலி) வாயிலாக முஸ்லிமிலும் உள்ளது.

93. நபி(ஸல்) மலஜலம் கழிக்கச் சென்றால், தம் மோதிரத்தை (கழற்றி) வைப்பார்கள் என அனஸ்(ரலி) அறிவித்தார்.
நூல்கள்: அபூ தாவூத், நஸயீ, திர்மீதி மற்றும் இப்னு மாஜா.
இது மஃலூல் எனும் தரத்தில் பதிவிடப்பட்டுள்ளது.

95. நபி(ஸல்) மலஜலம் கழிக்கச் செல்கையில், நானும் என் போன்ற மற்றொரு சிறுவரும் (தோலால் செய்யப்பட்ட) தண்ணீர் பாத்திரத்தையும், (பூணி போடப்பட்ட) சிறுபாத்திரத்தையும் தூக்கிச் செல்வோம். இறைத்தூதர்(ஸல்) தண்ணீரால் சுத்தம் செய்வார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம்

97. ``மக்களின் வழியிலும், அவர்கள் (தங்கும் மர) நிழலிலும், மலஜலம் கழிப்பதால் ஏற்படும் இரண்டு சாபங்களை அஞ்சுங்கள்!'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்.