911. பணியாள் ஒருவர் தம் மனைவி விபச்சாரம் செய்ததைப் பற்றிக் கூறுகையில், ``உனைஸே! இவரின் மனைவியிடம் செல்! அவள் (தன் குற்றத்தை) ஒப்புக் கொண்டால், கல் எறிந்து (கொன்று) விடு!'' என்று கூறினார்கள் என அபூ ஹுரைரா(ரலி) அறிவித்தார். (ஹதீஸ் சுருக்கம்)
நூல்: புகாரீ, முஸ்லிம்
குறிப்பு: ஹதீஸ் முழுவதையும் அறிவதற்கு இந்நூலின் 1232 ஆம் ஹதீஸைக் காண்க!

913. ``பிறரிடமிருந்து ஒரு பொருளை வாங்கியவர் அதைத் திரும்பக் கொடுக்காதவரை, அவரே அதற்குப் பொறுப்பாளியாவார்'' என்று இறைத்தூதர்(ஸல்) கூறினார்கள் என ஸமுரா இப்னு ஜுன்துப்(ரலி) அறிவித்தார்.
நூல்கள்: அஹ்மத் அபூ தாவூத், நஸயீ, திர்மிதீ மற்றும் இப்னு மாஜா
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

915. ``உன்னிடம் என் தூதர்கள் வந்தால், அவரிடம் நீ முப்பது கேடயங்களைக் கொடுத்தனுப்பு'' என்று இறைத்தூதர்(ஸல்) என்னிடம் கூறினார்கள்.
``இறைத்தூதர் அவர்களே! இந்த இரவலுக்கு விலை கொடுக்கப்படுமா? அல்லது இது திரும்பக் கொடுக்கப்படும் இரவலா?'' என நான் கேட்டேன்.
``திரும்பக் கொடுக்கப்படும் இரவல்தான்'' என்று கூறினார்கள் என யஃலா இப்னு உமையா(ரலி) அறிவித்தார்.
நூல்கள்: அஹ்மத், அபூ தாவூத் மற்றும் நஸயீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

917. ``மேற்கண்ட ஹதீஸிற்குச் சான்றாக இப்னு அப்பாஸ்(ரலி) வாயிலாக `ளயீஃப்' எனும் தரத்தில் ஹதீஸ் ஒன்றையும் இமாம் ஹாகிம்(ரஹ்) பதிவிட்டுள்ளார்.

919. இறைத்தூதர்(ஸல்) தம் மனைவியர்களில் ஒருவருடன் இருந்தபோது, அவர்களின் மற்றொரு மனைவி தன் பணிப்பெண்ணிடம் ஒரு தட்டில் அவர்களுக்காக உணவு கொடுத்தனுப்பினார். அதனை அவர் (நபியின் மனைவி) கையால் தட்டிவிட்டார். அதனால் அந்தத் தட்டு உடைந்தது. இறைத்தூதர்(ஸல்) அந்தத் தட்டை ஒன்று சேர்த்து, உணவை அதில் போட்டு ``இதனைச் சாப்பிடு!'' என்றார்கள். பின்னர் கொண்டு வந்தவரிடம் ஒரு நல்ல தட்டைக் கொடுத்து விட்டு உடைந்த தட்டை வைத்துக் கொண்டார்கள்.
நூல்கள்: புகாரீ, திர்மிதீ
திர்மிதீயில், ``உடைத்தவர் ஆயிஷா(ரலி) என்றும் ``உணவுக்குப் பதில் உணவு, பாத்திரத்திற்குப் பதில் பாத்திரம்'' என்று இறைத்தூதர்(ஸல்) கூறினார்கள் என்றும் `ஸஹீஹ்' எனும் தரத்தில் பதிவிடப்பட்டுள்ளது.

921. இரண்டு நபர்கள் ஒரு நிலம் தொடர்பாக இறைத்தூதர்(ஸல்) அவர்களிடம் வழக்குக் கொண்டு வந்தனர். அவர்களில், ஒருவர் மற்றொருவருக்குச் சொந்தமான பூமியில் பேரீச்சை மரம் பயிரிட்டுவிட்டார். நிலத்தை அதன் உரிமையாளரும், விளைச்சலை அதைப் பயிரிட்டவரும் எடுத்துக் கொள்ள வேண்டும் என கட்டளையிட்டுத் தீர்ப்பளித்தார்கள். பின்னர், ``அநியாயக்காரனுக்கு நிலத்திலுள்ள எதற்கும் உரிமை கிடையாது'' என்று இறைத்தூதர்(ஸல்) கூறினார்கள் என நபித்தோழர்களில் ஒருவர் கூறியதாக உர்வா இப்னு ஜுபைர்(ரலி) அறிவித்தார்.
நூல்: அபூ தாவூத்
இதன் அறிவிப்புத் தொடருடன் ``ஹஸன்'' எனும் தரத்தில் உள்ளது.

923. ``உங்களின் இந்நாள் (புனிதமானது) போல, இம்மாதம் (புனிதமானது) போல, உங்களின் இந்நகரம் (புனிதமானது) போல உங்களின் இரத்தமும், உங்களின் சொத்தும் புனிதமானவை'' என்று இறைத்தூதர்(ஸல்) துல் ஹஜ் மாதம் பத்தாம் நாள் மினாடிவில் உரையாற்றியபோது கூறினார்கள் என அபூ பக்ரா(ரலி) அறிவித்தார்.
நூல்கள்: புகாரீ, முஸ்லிம்

925. ``நிலத்தில் இருப்பினும், வீடு அல்லது நான்கு சுவர்களுக்கு மத்தியிர் இருப்பினும் ஒவ்வொரு கூட்டிலும் ஷுஃஆ உள்ளது'' என்று இறைத்தூதர்(ஸல்) கூறினார்கள் என முஸ்லிமின் மற்றோர் அறிவிப்பில் உள்ளது.
``தன் பங்குதாரரிடம் சமர்ப்பிக்காதவரை (தன் பங்கை) விற்பது கூடாது'' என மற்றோர் அறிவிப்பில் ``உள்ளது.
இறைத்தூதர்(ஸல்) ஒவ்வொரு பொருளிலும் ஷுஃப்ஆவிற்கு அனுமதி அளித்தார்கள் என தஹாவியில் உள்ளது.
இதன் அறிவிப்பாளர்கள் பலமானவர்கள்.

927. ``பக்கத்து வீட்டை வாங்குதற்கு அண்டை வீட்டாரே அதிகம் உரிமை பெற்றுள்ளார்'' என்று இறைத்தூதர்(ஸல்) கூறினார்கள் என அபூ ராஃபிவு(ரலி) அறிவித்தார்.
நூல்கள்: புகாரீ
இது நீண்ட சம்பவத்திலுள்ள ஒரு பகுதியாகும். காண்க: புகாரீ ஹதீஸ் எண் 225.

929. ``ஷுஃப்ஆ என்பது (ஒட்டகத்தைக் கட்டவிழ்த்துவிடுவது போன்று வியாபாரத்தில்) கட்டவிழ்த்து விடுவதாகும்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: இப்னுமாஜா, பஸ்ஸார்
``ஊரில் இல்லாதவருக்கு ஷுப்ஆவின் உரிமை இல்லை'' என்று மற்றோர் அறிவிப்பும் உள்ளது. இது `ளயீஃப்' எனும் தரம் பெற்றதாகும்.
குறிப்பு: உடனடியாக ஷுஃப்ஆவின் உரிமையை ஒருவர் பயன்படுத்தாவிட்டால், அதை அவர் இழந்துவிடுவார். அதாவது கட்டி வைத்துள்ள ஒட்டகத்தை அவிழ்த்துவிட்டதும் அது ஓடிவிடுவதைப் போல ஷுஃப்ஆ எனும் உரிமை போய்விடும் என்பதே இதன் பொருள்.