6:59. அவனிடமே மறைவானவற்றின் திறவுகோல்கள் இருக்கின்றன; அவற்றை அவனன்றி எவரும் அறியார்; மேலும், கரையிலும் கடலிலும் உள்ளவற்றையெல்லாம் அவன் அறிவான்; அவன் அறியாமல் ஓர் இலையும் உதிர்வதில்லை; பூமியின் (ஆழத்தில் அடர்ந்த) இருள்களில் கிடக்கும் சிறு வித்தும், பசுமையானதும், உலர்ந்ததும் (எந்தப் பொருளும்) தெளிவான (அவனுடைய) பதிவேட்டில் இல்லாமலில்லை.

7:22. இவ்வாறு, அவன் அவ்விருவரையும் ஏமாற்றி, (தங்கள் நிலையிலிருந்து) அவர்கள் கீழே இறங்கும்படிச் செய்தான்; அவர்களிருவரும் அம்மரத்தினை (அம்மரத்தின் கனியை)ச் சுவைத்தபோது, அவர்களுடைய வெட்கத்தலங்கள் அவர்களுக்கு வெளியாயிற்று; அவர்கள் சுவனபதியின் இலைகளால் தங்களை மூடிக் கொள்ளலாயினர்; (அப்போது) அவ்விருவரின் இறைவன் அவ்விருவரையும் அழைத்து, "உங்களிருவரையும் அம்மரத்தைவிட்டும் நான் தடுக்கவில்லையா? 'நிச்சயமாக ஷைத்தான் உங்களிருவருக்கும் பகிரங்கமான பகைவன்' என்று நான் உங்களுக்குச் சொல்லவில்லையா?" (என்று கேட்டான்).

20:18. (அதற்கவர்) "இது என்னுடைய கைத்தடி; இதன் மீது நான் சாய்ந்துகொள்வேன்; இதைக் கொண்டு என் ஆடுகளுக்கு இலைகள் பறிப்பேன்; இன்னும், இதில் எனக்கு வேறு தேவைகளும் நிறைவேறுகின்றன" என்று கூறினார்.

20:121. பின்னர், (இப்லீஸின் ஆசை வார்த்தைப்படி) அவ்விருவரும் அம் மரத்தினின்று புசித்தனர்; உடனே, அவ்விருவரின் வெட்கத்தலங்களும் வெளியாயின; ஆகவே, அவ்விருவரும் சுவர்க்கத்துச் சோலையின் இலையைக் கொண்டு அவற்றை மறைத்துக் கொள்ளலானார்கள்; இவ்வாறு ஆதம் தம்முடைய இறைவனுக்கு மாறுசெய்து, அதனால் வழிபிசகிவிட்டார்.