2:86. மறுமைக்குப் பகரமாக, இவ்வுலக வாழ்க்கையை விலைக்கு வாங்கிக்கொண்டவர்கள் இவர்கள்தாம்; ஆகவே, இவர்களுக்கு (ஒரு சிறிதளவும்) வேதனை இலேசாக்கப்படமாட்டாது; இவர்கள் உதவியும் செய்யப்படமாட்டார்கள்.

2:94. "அல்லாஹ்விடத்தில் உள்ள மறுமையின் வீடு (சுவர்க்கம்) மற்ற மனிதர்களுக்கன்றி உங்களுக்கே சொந்தமானது என்பதில் நீங்கள் உண்மையாளர்களாக இருந்தால், (அதைப் பெறுவதற்காக) மரணத்தை விரும்புங்கள்" என்று (நபியே!) நீர் சொல்வீராக!

2:102. மேலும், அவர்கள் ஸுலைமானின் ஆட்சிக்கு எதிராக ஷைத்தான்கள் ஓதியவற்றையே பின்பற்றினார்கள்; ஆனால், ஸுலைமான் நிராகரிக்கவில்லை; ஷைத்தான்கள்தாம் நிராகரித்தனர்; அவர்கள்தாம் மனிதர்களுக்குச் சூனியத்தைக் கற்றுக்கொடுத்தார்கள்; இன்னும், பாபிலோ(ன் என்னும் ஊரி)னில் ஹாரூத், மாரூத் என்ற இரண்டு வானவர்களுக்கு இறக்கப்பட்டதையும் (தவறான வழியில் பிரயோகிக்கக் கற்றுக்கொடுத்தார்கள்). ஆனால், அவர்கள் இருவரும் "நிச்சயமாக நாங்கள் சோதனையாக இருக்கிறோம்; (இதைக் கற்று) நீ நிராகரிப்பவனாகிவிடாதே!" என்று சொல்லி எச்சரிக்காத வரையில், எவருக்கும் இந்த சூனியத்தைக் கற்றுக்கொடுக்கவில்லை; அப்படியிருந்தும் கணவனுக்கும், அவன் மனைவிக்குமிடையே பிரிவை உண்டாக்கும் செயலை அவர்களிடமிருந்து கற்றுக்கொண்டார்கள்; எனினும், அல்லாஹ்வின் கட்டளையின்றி அவர்கள் எவருக்கும் எத்தகைய தீங்கும் இதன் மூலம் இழைக்கமுடியாது; தங்களுக்குத் தீங்கிழைப்பதையும், எவ்வித நன்மையும் தராததையுமே கற்றுக்கொண்டார்கள்; இதனை (சூனியத்தை) விலைகொடுத்து வாங்கிக் கொண்டவர்களுக்கு மறுமையில் யாதொரு பாக்கியமும் இல்லை என்பதை அவர்கள் அறிந்துள்ளார்கள்; அவர்கள் தங்கள் ஆத்மாக்களை விற்றுப் பெற்றுக்கொண்டது கெட்டதாகும்; இதை அவர்கள் அறிந்துகொள்ள வேண்டாமா?

2:114. இன்னும், அல்லாஹ்வுடைய பள்ளிவாசல்களில் அல்லாஹ்வின் பெயரைச் சொல்லித் துதிப்பதைத் தடுத்து, அவற்றைப் பாழாக்க முயல்பவனைவிட, பெரிய கொடுமைக்காரன் யார் இருக்க முடியும்? இத்தகையோர் அச்சமுடனன்றி அவற்றில் நுழைவதற்கு தகுதியே இல்லாதவர்கள்; இவர்களுக்கு இவ்வுலகில் இழிவுதான்; மேலும், மறுமையில் இவர்களுக்குக் கடுமையான வேதனையுமுண்டு.

2:130. இப்ராஹீமுடைய மார்க்கத்தைப் புறக்கணிப்பவன் யார்? - தன்னைத்தானே மடையனாக்கிக் கொண்டவனைத் தவிர; நிச்சயமாக நாம் அவரை இவ்வுலகில் தேர்ந்தெடுத்தோம்; நிச்சயமாக அவர் மறுமையில் நல்லவர்களில் இருப்பார்.

2:200. ஆகவே, உங்களுடைய (ஹஜ்) கிரியைகளை முடித்ததும், நீங்கள் (இதற்கு முன்னர்) உங்கள் முன்னோர்களை நினைவுகூர்ந்தது போல், அல்லது அதைவிட அதிகமாக அல்லாஹ்வை நினைவு கூருங்கள்; மனிதர்களில் சிலர், "எங்கள் இறைவனே! இவ்வுலகிலேயே (எல்லாவற்றையும்) எங்களுக்குத் தந்துவிடு" என்று கூறுகிறார்கள்; அதனால், அவருக்கு மறுமையில் யாதொரு பாக்கியமும் இல்லை.

2:201. "எங்கள் இறைவனே! எங்களுக்கு இவ்வுலகிலும் நன்மையை அளிப்பாயாக! மறுமையிலும் நன்மையை அளிப்பாயாக! இன்னும், எங்களை (நரக) நெருப்பின் வேதனையிலிருந்தும் காப்பாயாக!" எனக் கூறுவோரும் அவர்களில் உள்ளனர்.

2:217. (நபியே!) புனிதமான மாதங்களில் போர்புரிவது பற்றி அவர்கள் உம்மிடம் கேட்கிறார்கள்; நீர் கூறும்: அ(க்காலத்)தில் போர்செய்வது பெருங்குற்றமாகும்; ஆனால், அல்லாஹ்வின் பாதையைவிட்டு தடுப்பதும், அவனை நிராகரிப்பதும், (கஃபா எனும்) மஸ்ஜிதுல் ஹராமைவிட்டும் தடுப்பதும், அங்குள்ளவர்களை அதிலிருந்து வெளியேற்றுவதும், (ஆகியவையெல்லாம்) அல்லாஹ்விடம் பெருங்குற்றங்களாகும்; அன்றியும், குழப்பம்செய்வது கொலையைவிடக் கொடியது; அவர்களுக்கு இயன்றால் உங்கள் மார்க்கத்திலிருந்து உங்களைத் திருப்பிவிடும் வரை உங்களுடன் அவர்கள் ஓயாது போரிட்டுக் கொண்டே இருப்பார்கள்: உங்களில் எவரேனும் ஒருவர் தம்முடைய மார்க்கத்திலிருந்து திரும்பி, நிராகரிப்பவராகவே மரணித்துவிட்டால், அவர்களின் (நற்)செயல்கள் இவ்வுலகத்திலும், மறுமையிலும் (பலன் தராமல்) அழிந்துவிடும்; இன்னும், அவர்கள் நரகவாசிகள்; அதில் நிரந்தரமாகத் தங்கிவிடுவார்கள்.

2:220. (மேற்கூறிய இரண்டும்) இவ்வுலகிலும், மறுமையிலும் (என்ன பலன்களைத் தரும் என்பதைப் பற்றி நீங்கள் தெளிவுபெறுவதற்காக தன் வசனங்களை இவ்வாறு விளக்குகின்றான்;) அநாதைகளைப் பற்றி அவர்கள் உம்மிடம் கேட்கின்றனர்; நீர் கூறுவீராக!: "அவர்களுக்குரிய சீர்திருத்தத்தைச் செய்தல் மிகவும் நல்லது; நீங்கள் அவர்களுடன் கலந்து (வாழ்வதாக) இருந்தால் அவர்கள் உங்கள் சகோதரர்களேயாவார்கள்; இன்னும், சீர்திருத்துபவனிலிருந்து குழப்பம் உண்டாக்குபவனை அல்லாஹ் நன்கறிவான்; அல்லாஹ் நாடியிருந்தால் உங்களைக் கஷ்டத்திற்குள்ளாக்கியிருப்பான்; நிச்சயமாக அல்லாஹ் மிகைத்தவன்; ஞானம் மிக்கவன்."

3:22. அவர்கள் எத்தகையோரென்றால் அவர்களுடைய செயல்கள் இம்மையிலும் மறுமையிலும் (பலனற்றவையாக) அழிந்துவிட்டன; இன்னும், அவர்களுக்கு உதவியாளர்கள் எவருமிலர்.

3:55. "ஈசாவே! நிச்சயமாக நான் உம்மைக் கைப்பற்றுகிறவனாகவும், இன்னும் என்னளவில் உம்மை உயர்த்திக்கொள்கிறவனாகவும் நிராகரித்துக் கொண்டிருப்போரிலிருந்து உம்மைத் தூய்மைப்படுத்துகிறவனாகவும், மேலும் உம்மைப் பின்பற்றுவோரை மறுமைநாள் வரை நிராகரிப்போரைவிட மேலாக்கிவைக்கிறவனாகவும் இருக்கிறேன்; பின்னர், உங்களுடைய திரும்புதல் என்னிடமே இருக்கிறது; அப்போது எதில் நீங்கள் மாறுபட்டிருந்தீர்களோ அதில் நான் உங்களிடையே தீர்ப்பளிப்பேன்" என்று அல்லாஹ் கூறியதை (நபியே! நினைவுகூர்வீராக)!

3:56. எனவே, நிராகரிப்போரை இவ்வுலகிலும், மறுமையிலும் கடினமான வேதனையைக் கொண்டு வேதனை செய்வேன்; அவர்களுக்கு உதவி செய்வோர் எவரும் இருக்கமாட்டார்கள்.

3:85. இன்னும், இஸ்லாம் அல்லாத (வேறு) மார்க்கத்தை எவரேனும் விரும்பினால் (அது) ஒருபோதும் அவரிடமிருந்து ஒப்புக்கொள்ளப்படமாட்டாது; மேலும், அ(த்தகைய)வர் மறுமை நாளில் நஷ்டமடைந்தோரில்தான் இருப்பார்.

3:145. மேலும், அல்லாஹ்வின் அனுமதியின்றி எந்த உயிரினமும் மரணிக்க முடியாது; இது நேரம் நிர்ணயிக்கப்பட்ட விதி; எவரேனும், இந்த உலகத்தின் நன்மையை (மட்டும்) விரும்பினால், நாம் அவருக்கு அதிலிருந்தே வழங்குவோம்; இன்னும், எவர் மறுமையின் நன்மையை விரும்புகிறாரோ, அவருக்கு அதிலிருந்து வழங்குவோம்; நன்றியுடையோருக்கு அதி சீக்கிரமாக (நற்) கூலி கொடுப்போம்.

3:148. ஆகவே, அல்லாஹ் அவர்களுக்கு இவ்வுலக நன்மையையும், மறுமையின் அழகிய நன்மையையும் கொடுத்தான்; இன்னும், அல்லாஹ் நன்மை செய்வோரை நேசிக்கின்றான்.

3:152. இன்னும், அவன் அனுமதியைக் கொண்டு (பகைவர்களாகிய) அவர்களை நீங்கள் கருவறுத்தபோது, அல்லாஹ் உங்களுக்கு அளித்த தனது வாக்குறுதியை நிறைவேற்றித் தந்தான்; முடிவாக நீங்கள் கோழையாகி (உங்களுக்கிடப்பட்ட) உத்தரவு பற்றித் தர்க்கித்துக் கொண்டுமிருந்தீர்கள்; நீங்கள் விரும்பியதை (வெற்றியை) அவன் உங்களுக்குக் காட்டிய பின்னரும் நீங்கள் மாறு செய்யலானீர்கள்: உங்களில் இவ்வுலகை விரும்புவோரும் இருக்கிறார்கள்; இன்னும், உங்களில் மறுமையை விரும்புவோரும் இருக்கிறார்கள்: பின்னர், உங்களைச் சோதிப்பதற்காக அவர்களைவிட்டு உங்களை(ப் பின்னடையுமாறு) திருப்பினான், நிச்சயமாக அவன் உங்களை மன்னித்தான்; மேலும் அல்லாஹ் நம்பிக்கையாளர்கள் மீது அருளுடையவன்.

3:176. நிராகரிப்பில் வேகமாய்ச் செல்பவர்கள், உம்மைக் கவலைக்குள்ளாக்க வேண்டாம்; நிச்சயமாக அவர்கள் அல்லாஹ்வுக்கு யாதொரு தீங்கும் செய்துவிடமுடியாது; அல்லாஹ் அவர்களுக்கு மறுமையில் பாக்கியம் எதுவும் கிடைக்காமல் இருக்கவே நாடுகிறான்; அவர்களுக்குப் பெரும் வேதனையுமுண்டு.

3:187. தவிர, வேதம் கொடுக்கப்பட்டோரிடம் அவர்கள் அதை மக்களுக்குத் தெளிவாக எடுத்துரைக்கவேண்டும்; அதை மறைக்கக்கூடாது என்று அல்லாஹ் உறுதிமொழி வாங்கியதை (அம்மக்களுக்கு நபியே! நீர் நினைவுபடுத்துவீராக!); அப்பால், அவர்கள் அதைத் தங்கள் முதுகுகளுக்குப் பின்னால் எறிந்துவிட்டு, அதற்குப் பதிலாக சொற்ப கிரயத்தை வாங்கிக் கொண்டார்கள்; அவர்கள் (இவ்வாறு) வாங்கிக் கொண்டது மிகக்கெட்டதாகும்.

4:74. எனவே, மறுமைக்காக இவ்வுலக வாழ்க்கையை விற்றுவிடுபவர்கள் அல்லாஹ்வின் பாதையில் போரிடட்டும்; யார் அல்லாஹ்வின் பாதையில் போர்புரிந்து (அதில்) அவர் கொல்லப்பட்டாலும் அல்லது வெற்றியடைந்தாலும் அவருக்கு நாம் விரைவாக மகத்தான (நற்) கூலியைக் கொடுப்போம்.

4:77. "உங்களுடைய கைகளை(ப் போர் செய்வதிலிருந்தும்) தடுத்துக்கொள்ளுங்கள்; தொழுகையை நிலைநிறுத்திக்கொள்ளுங்கள்; ஜகாத்தைக் கொடுங்கள்" என்று எவர்களுக்குக் கூறப்பட்டதோ, அவர்களை (நபியே!) நீங்கள் பார்க்கவில்லையா? பின்னர், போர் செய்வது கடமையாக்கப்பட்டபோது, அவர்களில் ஒரு பிரிவினர் அல்லாஹ்வுக்குப் பயப்படுவதைப்போல் அல்லது, அதைவிடக் கடுமையாக மனிதர்களுக்குப் பயப்படுகின்றனர்; இன்னும், "எங்கள் இறைவனே! எங்கள் மீது ஏன் (இப்)போரை விதியாக்கினாய்? சிறிதுகாலம் எங்களுக்காக இதைப் பிற்படுத்தியிருக்கக் கூடாதா?" என்று கூறலானார்கள்; (நபியே!) நீர் கூறுவீராக: "இவ்வுலக இன்பம் அற்பமானது; மறுவுலக (இன்ப)ம் (அல்லாஹ்வை) அஞ்சியோருக்கு மேலானது; நீங்கள் எள்ளளவும் அநியாயம் செய்யப்பட மாட்டீர்கள்."

4:134. எவரேனும் இவ்வுலகின் பலனை (மட்டும் அடைய) விரும்பினால் - அல்லாஹ்விடம் இவ்வுலகப் பலனும், மறுவுலகப் பலனும் உள்ளன; அல்லாஹ் கேட்பவனாகவும், பார்ப்பவனாகவும் இருக்கின்றான்.

5:5. இன்றைய தினம் உங்களுக்கு (உண்ண) நல்லவைகள் ஆகுமாக்கப்பட்டுள்ளன; வேதம் கொடுக்கப்பட்டோரின் உணவும் உங்களுக்கு ஆகுமானதே; உங்களுடைய உணவும் அவர்களுக்கு (சாப்பிட) ஆகுமானதே; நம்பிக்கை கொண்ட கற்புடைய பெண்களும், உங்களுக்கு முன்னர் வேதம் அளிக்கப்பட்டவர்களிலுள்ள கற்புடைய பெண்களும் (அப்பெண்களை நீங்கள்) திருமணம் செய்துகொள்பவர்களாக இருக்கும் நிலையில், விபசாரம் புரியாதவர்களாகவும், தவறான தொடர்பை ஆக்கிக்கொள்ளாதவர்களாகவும் அவர்களுக்குரிய மஹரை அவர்களுக்குக் கொடுத்துவிட்டால் (அவர்களை மணமுடித்துக் கொள்வது உங்களுக்கு அனுமதியளிக்கப்பட்டுள்ளது); மேலும், எவர் நம்பிக்கைகொண்ட பின்னர் நிராகரிக்கிறாரோ, அவருடைய செயல் அழிந்துபோகும்; மேலும், அவர் மறுமையில் நஷ்டமடைந்தோரில் ஒருவராக இருப்பார்.

5:33. அல்லாஹ்வுடனும் அவன் தூதருடனும் போர் புரிந்து, பூமியில் குழப்பம் செய்துகொண்டு திரிபவர்களுக்குரிய தண்டனையாவது - அவர்கள் கொல்லப்படுதல், அல்லது சிலுவையில் அறையப்படுதல், அல்லது மாறுகைகள், மாறுகால்கள் வாங்கப்படுதல், அல்லது நாடு கடத்தப்படுதல்; இது, அவர்களுக்கு இவ்வுலகில் ஏற்படும் இழிவாகும்; மறுமையில் அவர்களுக்கு மிகக்கடுமையான வேதனையுமுண்டு.

5:41. (நம்முடைய) தூதரே! அவர்களது இதயங்கள் நம்பிக்கை கொள்ளாதிருக்க, தங்களது வாய்களினால், 'நம்பிக்கை கொண்டோம்!' என்று கூறியோர் குறித்தும், இன்னும் யூதர்களைக் குறித்தும், யார் நிராகரிப்பின் பக்கம் விரைந்து சென்று கொண்டிருக்கிறார்களோ அவர்களைக் குறித்தும் நீர் கவலை கொள்ளவேண்டாம்; அவர்கள் பொய்யானவற்றையே மிகுதம் கேட்கின்றவர்கள்; உம்மிடம் (இதுவரை) வராத மற்றொரு கூட்டத்தினருக்(கு உம் பேச்சுகளை அறிவிப்பதற்)காகவும் கேட்கின்றவர்கள்; மேலும், அவர்கள் (வேத)வசனங்களை அவற்றுக்கு உரிய இடங்களிலிருந்து மாற்றி "இ(ன்ன)து உங்களுக்குக் கொடுக்கப்பட்டால் அதை ஏற்றுக்கொள்ளுங்கள்; அது உங்களுக்கு கொடுக்கப்படாவிட்டால் (அதை) தவிர்த்துக்கொள்ளுங்கள்" என்று கூறுகிறார்கள்; மேலும், அல்லாஹ் எவரை வழிகேட்டிலாக்க நாடுகிறானோ, அவருக்காக அல்லாஹ்விடமிருந்து (எதையும் தடுக்க) நீர் ஒருபோதும் சக்திபெறமாட்டீர்; இத்தகையோருடைய இதயங்களைப் பரிசுத்தமாக்க அல்லாஹ் விரும்பவில்லை; இவர்களுக்கு இவ்வுலகிலே இழிவும், மறுமையில் கடுமையான வேதனையுமுண்டு.

6:32. உலக வாழ்க்கை வீணும் விளையாட்டுமேயன்றி வேறில்லை; (இறைவனை) அஞ்சுபவர்களுக்கு நிச்சயமாக மறுமை வீடே மிகவும் மேலானதாகும். நீங்கள் இதைப் புரிந்துகொள்ள வேண்டாமா?

6:92. (குர்ஆனாகிய) இது வேதமாகும்; இதனைப் பாக்கியம் செய்யப்பட்டதாகவும், தனக்கு முன்னுள்ள (வேதத்)தை மெய்ப்படுத்துவதாகவும் நாம் இறக்கிவைத்துள்ளோம்; (இதைக்கொண்டு) தாய் நகர(மாகிய மக்கா) வாசிகளையும், அதனைச் சுற்றியுள்ளவர்களையும் அச்சமூட்டி எச்சரிக்கை செய்வதற்காகவும் (நாம் இதனை அருளினோம்); எவர்கள் மறுமையை நம்புகிறார்களோ அவர்கள் இதை நம்புவார்கள்; இன்னும், அவர்கள் தங்கள் தொழுகையைப் பேணுவார்கள்.

6:113. (ஷைத்தான்களின் அலங்காரமான பேச்சை) மறுமையை நம்பாதவர்களின் உள்ளங்கள் செவிமடுப்பதற்காகவும், அதைத் திருப்திகொள்வதற்காகவும், அவர்கள் செய்துவந்ததையே தொடர்ந்து செய்வதற்காகவும் (இவ்வாறு ஷைத்தான்கள் மயக்கினர்).

6:150. "நிச்சயமாக, அல்லாஹ்தான் இதனைத் தடுத்தான்" என சாட்சி சொல்லக்கூடிய உங்கள் சாட்சிகளைக் கொண்டுவாருங்கள்!" என்று கூறும்; அவர்கள் சாட்சி கூறினால், (அவர்கள் பொய்யராகவே இருப்பர்;) அவர்களுடன் சேர்ந்து நீர் சாட்சி சொல்லவேண்டாம்; நம் வசனங்களைப் பொய்யாக்கியவர்கள், மறுமையை நம்பாதவர்கள் ஆகியோரின் மனோ இச்சைகளை நீர் பின்பற்ற வேண்டாம்; அவர்களோ தங்களுடைய இறைவனுக்கு (வணக்க வழிபாட்டில் பிறரை) சமமாக்குகின்றனர்.

7:45. (அநியாயக்காரர்களான) அவர்கள் அல்லாஹ்வின் பாதையைவிட்டு (மனிதர்களைத்) தடுக்கின்றனர்; இன்னும், (அந்தப் பாதையில் யாரும் செல்லாதிருக்க) அதைக் கோணலாக்கவும் தேடினர்; மேலும், அவர்கள் மறுமையை நிராகரிப்பவர்கள்.

7:147. எவர்கள் நம் வசனங்களையும், மறுமையில் (நம்மைச்) சந்திப்பதையும் பொய்யெனக் கூறுகின்றார்களோ அவர்களுடைய (நற்) செயல்கள் (யாவும்) அழிந்துவிடும்; அவர்கள் செய்துகொண்டிருந்ததைத் தவிர (வேறு எதற்கும்) கூலி கொடுக்கப்படமாட்டார்கள்.

7:156. இன்னும் இவ்வுலகத்திலும், மறுமையிலும் எங்களுக்கு (அழகிய) நன்மைகளையே விதிப்பாயாக! நிச்சயமாக நாங்கள் உன்பக்கமே திரும்பிவிட்டோம்!" (என்றும் பிரார்த்தித்தார்); அதற்கு அவன், "என்னுடைய வேதனையாகிறது - அதனைக் கொண்டு நான் நாடியவரை பிடிப்பேன்; ஆனால், என்னுடைய அருளானது ஒவ்வொரு பொருளையும் சூழ்ந்துள்ளது; எனினும் அதனை, (என்னை) அஞ்சி (முறையாக) ஜகாத்து கொடுப்போருக்கும், நம்முடைய வசனங்களை நம்புகிறவர்களுக்கும் நான் விதியாக்குவேன்" என்று கூறினான்.

7:169. அவர்களுக்குப் பின்னால் தீயமக்கள் (அவர்களுக்குப்) பகரமாக வந்தனர்; அவர்கள் வேதத்திற்கும் வாரிசுகள் ஆனார்கள்; இவ்வுலகின் அற்பப் பொருட்களைப் பெற்றுக்கொண்டு (அதற்குத் தகுந்தபடி வேதத்தை மாற்றிக் கொண்டார்கள்); 'எங்களுக்கு மன்னிப்பு அளிக்கப்படும்' என்றும் கூறிக்கொள்கிறார்கள்; இது போன்று வேறோர் அற்பப்பொருள் அவர்களுக்கு வந்துவிட்டால், அதையும் எடுத்துக் கொள்வார்கள். அல்லாஹ்வின் மீது உண்மையேயன்றி வேறொன்றும் கூறலாகாது என்று வேதத்தின் மூலம் அவர்களிடம் உறுதிமொழி வாங்கப்படவில்லையா? (இன்னும்,) அதிலுள்ளதை (போதனைகளை) அவர்கள் ஓதியும் உள்ளார்கள். (அல்லாஹ்வை) அஞ்சுபவர்களுக்கு மறுமையின் வீடே மேலானதாகும்; நீங்கள் விளங்கிக்கொள்ள வேண்டாமா?

8:67. (விஷமங்கள் அடங்க) பூமியில் இரத்தத்தை ஓட்டாத வரையில் (விரோதிகளை உயிருடன்) சிறைப்பிடிப்பது எந்த நபிக்கும் தகுதியில்லை; நீங்கள் இவ்வுலகத்தின் (நிலையில்லா) பொருட்களை விரும்புகிறீர்கள்; அல்லாஹ்வோ (உங்களுக்கு நிலையான) மறுமையை நாடுகிறான்; அல்லாஹ் மிகைத்தோனாகவும், ஞானமுடையவனாகவும் இருக்கின்றான்.

9:38. நம்பிக்கை கொண்டவர்களே! "அல்லாஹ்வின் பாதையில் (போருக்குப்) புறப்படுங்கள்" என்று உங்களுக்குக் கூறப்பட்டால், நீங்கள் பூமியின் பக்கம் சாய்ந்துவிடுகிறீர்களே; உங்களுக்கு என்ன நேர்ந்துவிட்டது? மறுமையைவிட இவ்வுலக வாழ்க்கையைக் கொண்டே நீங்கள் திருப்தி அடைந்துவிட்டீர்களா? மறுமை(யின் வாழ்க்கை)க்கு முன்பு இவ்வுலக வாழ்க்கையின் இன்பம் மிகவும் அற்பமானது.

9:69. (நயவஞ்சகர்களே!) உங்களுக்கு முன்னிருந்தவர்களைப் போன்று நீங்களும் இருக்கிறீர்கள்; அவர்கள் உங்களைவிட வலிமை மிக்கவர்களாகவும், செல்வங்களிலும், மக்களிலும் மிகைத்தவர்களாகவும் இருந்தார்கள்; (இவ்வுலகில்) தங்களுக்குக் கிடைத்த பங்கைக்கொண்டு அவர்கள் சுகமடைந்தார்கள்; உங்களுக்குமுன் இருந்தவர்கள் அவர்களுக்குரிய பங்கைக்கொண்டு சுகம் பெற்றதுபோன்று, நீங்களும் உங்களுக்குக் கிடைத்த பங்கைக்கொண்டு சுகம் பெற்றீர்கள்; அவர்கள் (வீண் விவாதங்களில்) மூழ்கிக்கிடந்தவாறே நீங்களும் மூழ்கிவிட்டீர்கள்; அத்தகையோர் இம்மையிலும், மறுமையிலும் அவர்களுடைய செயல்கள் யாவும் (பலனில்லாமல்) அழிந்துவிட்டன; அவர்கள்தாம் நஷ்டவாளிகள்.

9:74. (நயவஞ்சகர்களாகிய) இவர்கள் நிச்சயமாக நிராகரிப்பின் சொல்லைச் சொல்லிவிட்டு, அதைச் சொல்லவே இல்லை என்று அல்லாஹ்வின் மீது சத்தியம் செய்கிறார்கள்; அவர்கள் இஸ்லா(ம் மார்க்க)த்தை ஏற்றுக்கொண்ட பின் நிராகரித்தும் இருக்கின்றனர்; (அவர்கள் உங்களுக்குத் தீங்கிழைக்கக் கருதித்) தங்களால் அடைய முடியாததையும் (அடைந்துவிட) முயன்றனர்; அல்லாஹ்வும், அவனுடைய தூதரும் அவனுடைய அருளினால் அவர்களைச் சீமான்களாக்கி வைத்ததற்காகவே தவிர (வேறெதற்கும்) அவர்கள் பழிவாங்கவில்லை; எனவே, அவர்கள் (தம் தவறிலிருந்து) மீள்வார்களானால் அவர்களுக்கு நன்மையாக இருக்கும்; ஆனால், அவர்கள் புறக்கணித்தால், அல்லாஹ் அவர்களை நோவினைமிக்க வேதனை கொண்டு இம்மையிலும், மறுமையிலும் வேதனை செய்வான்; இன்னும், அவர்களுக்குப் பாதுகாவலனோ, உதவியாளனோ இப்பூமியில் எவருமில்லை.

10:64. அவர்களுக்கு இவ்வுலக வாழ்க்கையிலும், மறுமையிலும் நன்மாராயமுண்டு; அல்லாஹ்வின் வாக்கு(றுதி)களில் எவ்வித மாற்றமுமில்லை. இதுவே மகத்தான வெற்றி ஆகும்.

11:16. இத்தகையோருக்கு மறுமையில் நரக நெருப்பைத் தவிர வேறெதுவுமில்லை; இதில் (உலக வாழ்வில்) இவர்கள் செய்த யாவும் அழிந்து விட்டன; அவர்கள் செய்துகொண்டிருப்பவையும் வீணானவையே!

11:19. அவர்கள் (மனிதர்களை) அல்லாஹ்வின் பாதையைவிட்டுத் தடுக்கின்றார்கள்; மேலும், அதில் கோணலையும் உண்டுபண்ண விரும்புகிறார்கள்; இவர்கள்தாம் மறுமையை நிராகரிப்பவர்கள் ஆவார்கள்.

11:22. நிச்சயமாக இவர்கள் மறுமையில் பெரும் நஷ்டமடைந்தவர்களாக இருப்பார்கள் என்பதில் (சிறிதும்) சந்தேகமில்லை.

11:103. நிச்சயமாக மறுமை நாளின் வேதனையைப் பயப்படுகிறவர்களுக்கு இதில் (தக்க) அத்தாட்சி இருக்கிறது; அது மனிதர்கள் யாவரும் ஒன்று சேர்க்கப்படும் நாளாகும்; அன்றியும், அவர்கள் யாவரும் (இறைவன் முன்னிலையில்) கொண்டுவரப்படும் நாளாகும்.

12:37. அதற்கு, அவர் கூறினார்: "உங்களிருவருக்கும் அளிக்கப்படக்கூடிய உணவு உங்களிடம் வ(ந்து சே)ருவதற்கு முன்னர், இவற்றின் விளக்கத்தை உங்களிருவருக்கும் நான் அறிவித்தேதேயன்றி, உங்களிருவரிடத்திலும் அது (உணவு) வராது. இது, என் இறைவன் எனக்குக் கற்றுக்கொடுத்தவற்றிலிருந்தும் உள்ளவை; அல்லாஹ்வின் மீது நம்பிக்கை கொள்ளாதவர்களும், மறுமையை நிராகரிப்பவர்களுமான சமூகத்தாரின் மார்க்கத்தை நான் நிச்சயமாக விட்டுவிட்டேன்."

12:57. மேலும், நம்பிக்கை கொண்டு, (இறை) அச்சம் உடையவர்களாய் இருப்பவர்களுக்கு மறுமையின் கூலி மிகச் சிறந்ததாக இருக்கும்.

12:101. என் இறைவனே! நிச்சயமாக நீ எனக்கு ஆட்சியிலிருந்து (ஒரு பங்கைத்) தந்து, கனவுகளின் விளக்கத்தையும் எனக்குக் கற்றுத் தந்தாய்; வானங்களையும் பூமியையும் படைத்தவனே! இம்மையிலும் மறுமையிலும் நீயே என் பாதுகாவலன்; முஸ்லிமாக (உனக்கு முற்றிலும் வழிப்பட்டவனாக இருக்கும் நிலையில்) என்னை நீ கைப்பற்றிக் கொள்வாயாக! இன்னும், நல்லவர்களுடன் என்னைச் சேர்த்திடுவாயாக! (என்று அவர் பிரார்த்தித்தார்).

12:109. (நபியே!) உமக்கு முன்னர், பல ஊர்வாசிகளிலிருந்தும் மனிதர்களைத்தவிர (வேறு எவரையும்) தூதர்களாக நாம் அனுப்பவில்லை; அவர்களுக்கு நாம் 'வஹீ' மூலம் (நம் கட்டளைகளை) அறிவித்தோம்; இவர்கள் பூமியில் பயணம் செய்து இவர்களுக்கு முன் இருந்தவர்களின் முடிவு எப்படியிருந்தது என்பதைப் பார்க்கவில்லையா? மறுமை வீடுதான் (அல்லாஹ்வை) அஞ்சுபவர்களுக்கு மிகவும் மேலானதாகும்; (இதனை) நீங்கள் (சிந்தித்து) விளங்கிக்கொள்ள வேண்டாமா?

13:26. அல்லாஹ், தான் நாடியவருக்கு வாழ்வாதாரத்தை விசாலமாக்குகின்றான்; (தான் நாடியவருக்கு) அளவிட்டுக் கொடுக்கின்றான்; எனினும், அவர்கள் இவ்வுலக வாழ்க்கையைக் கொண்டு மகிழ்ச்சியடைகிறார்கள்: இவ்வுலக வாழ்க்கையோ மறுமைக்கு ஒப்பிட்டால் மிகவும் அற்பமேயன்றி வேறில்லை.

13:34. அவர்களுக்கு இவ்வுலக வாழ்க்கையிலும் வேதனையுண்டு; எனினும், மறுமையின் வேதனையோ மிகக் கடுமையானது; அல்லாஹ்விடமிருந்து அவர்களைக் காப்பாற்றுவோர் எவருமில்லை.

14:3. இவர்கள் மறுமையைவிட இவ்வுலக வாழ்க்கையையே நேசிக்கின்றார்கள்; அல்லாஹ்வின் வழியைவிட்டும் (மற்றவர்களையும்) தடுக்கின்றார்கள்; அது கோணலாக (இருக்க வேண்டுமென) விரும்புகிறார்கள்; இவர்கள் மிகவும் தூரமான வழிகேட்டிலேயே இருக்கின்றார்கள்.

14:42. மேலும், அக்கிரமக்காரர்கள் செய்து கொண்டிருப்பதைப்பற்றி அல்லாஹ் பராமுகமாக இருக்கின்றான் என்று (நபியே!) நீர் நிச்சயமாக எண்ண வேண்டாம்; அவர்களுக்கு (தண்டனையை) தாமதப்படுத்துவதெல்லாம், எதில் கண்கள் விரைத்துப் பார்த்துக்கொண்டேயிருக்குமோ அந்த (மறுமை) நாளுக்காகத்தான்.

16:22. உங்களுடைய இறைவன் ஒரே இறைவன்தான்; எனவே, எவர்கள் மறுமையை நம்பவில்லையோ, அவர்களுடைய நெஞ்சங்கள் (இவ்வுண்மையை) நிராகரிப்பவையாக இருக்கின்றன; மேலும், அவர்கள் (ஆணவம் கொண்டு) பெருமையடிப்பவர்களாக இருக்கிறார்கள்.

16:30. இறையச்சமுடையவர்களிடம், "உங்களுடைய இறைவன் எதை இறக்கிவைத்தான்?" என்று (குர்ஆனைக் குறிப்பிட்டு) கேட்கப்படும்; (அப்போது) "நன்மையையே (அருளினான்)" என்று அவர்கள் (பதில்) கூறுவார்கள்; எவர்கள் அழகான நன்மை புரிந்தார்களோ, அவர்களுக்கு இவ்வுலகிலும் அழகான நன்மையுண்டு; இன்னும், மறுமைவீடானது, (அவர்களுக்கு மிக) மேலானதாகவும் இருக்கும்; இறையச்சமுடையவர்களுடைய வீடு நிச்சயமாக நேர்த்தியானது.

16:41. கொடுமைப்படுத்தப்பட்ட பின்னர், எவர்கள் அல்லாஹ்வுக்காக ஹிஜ்ரத் செய்தார்களோ, அவர்களுக்கு நாம் நிச்சயமாக அழகான தங்கும் இடத்தை இவ்வுலகத்தில் கொடுப்போம்; இன்னும், அவர்கள் அறிந்துகொண்டார்களேயானால், மறுமையிலுள்ள (நற்)கூலி (இதைவிட) மிகவும் பெரிது.

16:60. எவர்கள் மறுமையின் மீது நம்பிக்கை கொள்ளவில்லையோ அவர்களுக்கே கெட்ட தன்மை இருக்கிறது; அல்லாஹ்வுக்கோ மிகவும் உயர்ந்த தன்மை இருக்கின்றது; மேலும், அவன் மிகைத்தவன்; ஞானமிக்கவன்.

16:107. அது (ஏனென்றால்), நிச்சயமாக அவர்கள் மறுமையைவிட இவ்வுலக வாழ்க்கையையே அதிகமாக நேசித்தார்கள் என்ற காரணத்தினாலும் - மேலும், நிச்சயமாக அல்லாஹ் நிராகரிப்போரின் கூட்டத்தாரை நேர்வழியில் செலுத்தமாட்டான் என்ற காரணத்தினாலும் ஆகும்.

16:109. இவர்கள்தாம் மறுமையில் முற்றிலும் நஷ்டமடைந்தவர்கள் என்பதில் எவ்வித சந்தேகமுமில்லை.

16:122. மேலும், நாம் அவருக்கு இவ்வுலகத்தில் நன்மையானதையே கொடுத்தோம்; நிச்சயமாக மறுமையிலும் அவர் நல்லவர்களில் ஒருவராக இருப்பார்.

17:10. மேலும், எவர்கள் மறுமை நாள் மீது நம்பிக்கை கொள்ளவில்லையோ, அவர்களுக்கு நிச்சயமாக நாம், நோவினைத் தரும் வேதனையைச் சித்தப்படுத்தி இருக்கிறோம்.

17:19. இன்னும், எவர் மறுமையை நாடி அவர் நம்பிக்கையாளராக இருக்க, அதற்குரிய முயற்சியையும் மேற்கொண்டால் அத்தகையவர்களின் முயற்சி (அல்லாஹ்விடத்தில் நற்கூலிக்குரியதாக) ஏற்றுக்கொள்ளப்படும்.

17:21. (நபியே!) நாம் எவ்வாறு அவர்களில் சிலரைச் சிலரைவிட (இம்மையில்) மேன்மைப்படுத்தி இருக்கிறோம் என்பதை நீர் கவனிப்பீராக! எனினும், மறுமை (வாழ்க்கை) பதவிகளிலும் மிகப் பெரிது; மேன்மையிலும் மிகப் பெரிதாகும்.

17:45. (நபியே!) நீர் குர்ஆனை ஓதினால், உமக்கிடையிலும், மறுமையின் மீது நம்பிக்கை கொள்ளாதவர்களுக்கிடையிலும் மறைக்கப்பட்டுள்ள ஒரு திரையை நாம் அமைத்து விடுகிறோம்.

17:72. யார் இம்மையில் (நேர்வழியடையாக்) குருடனாக இருக்கிறானோ, அவன் மறுமையிலும் (நற்பேற்றைக் காணாக்) குருடன்தான்; இன்னும், அவன் பாதையால் மிகவும் தவறியவனாவான்.

17:104. இதன் பின்னர், நாம் இஸ்ராயீலின் சந்ததியினருக்குச் சொன்னோம்: "நீங்கள் இந்தப் பூமியில் குடியிருங்கள், மறுமையின் வாக்குறுதி வந்தால், நாம் உங்கள் யாவரையும் ஒரு சேரக் கொண்டுவருவோம்."

20:127. ஆகவே, எவன் தன் இறைவனுடைய வசனங்களின் மேல் நம்பிக்கை கொள்ளாமல், வரம்பு மீறி நடக்கின்றானோ அவனுக்கு இவ்வாறுதான் நாம் கூலி கொடுப்போம்; மேலும், மறுமையின் வேதனை மிகவும் கடினமானதும் நிலையானதுமாகும்.

22:11. இன்னும், மனிதர்களில் (ஓர் உறுதியும் இல்லாமல்) ஓரத்தில் நின்றுகொண்டு அல்லாஹ்வை வணங்குகிறவனும் இருக்கிறான்; அவனுக்கு ஒரு நன்மை ஏற்படுமாயின் அதைக் கொண்டு அவன் திருப்தியடைந்துகொள்கிறான்; ஆனால், அவனுக்கு ஒரு சோதனை ஏற்படுமாயின் அதைக்கொண்டு அவன் தன் முகத்தின் மீது புரண்டு (திரும்பி) விடுகிறான்; இத்தகையவன் இம்மையிலும் மறுமையிலும் நஷ்டமடைகிறான்; இதுதான் தெளிவான நஷ்டமாகும்.

22:15. எவன் (நம் தூதர் மேல் பொறாமைகொண்டு) அல்லாஹ் அவருக்கு இவ்வுலகிலும் மறுமையிலும் உதவி செய்யவேமாட்டான் என்று எண்ணுகிறானோ, அவன் ஒரு கயிற்றை வானத்தின் அளவுக்கு நீட்டிப் பின்னர், (நபிக்குக் கிடைத்துவரும் இறையருளைத்) துண்டிக்க (முற்பட)ட்டுமே! இந்த சூழ்ச்சி தன்னை ஆத்திரமூட்டச் செய்ததைப் போக்குகிறதா என்று பார்க்கட்டும்!

23:33. ஆனால், அவருடைய சமூகத்தாரிலிருந்து (அவரை) நிராகரித்து, மறுமையின் சந்திப்பை பொய்யாக்கி, இவ்வுலக வாழ்வில் அவர்களுக்கு நாம் சுகமளித்தோமே அத்தகைய தலைவர்கள் (தம் சமூகத்தாரிடம்), "இவர் உங்களைப் போன்ற ஒரு மனிதரேயன்றி வேறில்லை; நீங்கள் உண்பதையே அவரும் உண்கிறார்; நீங்கள் குடிப்பதையே அவரும் குடிக்கிறார்" என்று கூறினார்கள்.

23:74. இன்னும், எவர்கள் மறுமையை நம்பவில்லையோ நிச்சயமாக அவர்கள் அந்த (நேர்) வழியை விட்டு விலகியவர்கள் ஆவார்கள்.

24:14. இன்னும், உங்கள் மீது இம்மையிலும் மறுமையிலும் அல்லாஹ்வின் அருளும் அவனுடைய கிருபையும் இல்லாதிருந்தால், நீங்கள் எதில் மூழ்கியிருந்தீர்களோ அந்த ஒன்றில் கடினமான வேதனை நிச்சயமாக உங்களைத் தீண்டியிருக்கும்.

24:19. எவர்கள் நம்பிக்கை கொண்டுள்ளோரிடையே (இத்தகைய) மானக்கேடான விஷயங்கள் பரவ வேண்டுமென பிரியப்படுகிறார்களோ, அவர்களுக்கு நிச்சயமாக இம்மையிலும் மறுமையிலும் நோவினைசெய்யும் வேதனையுண்டு; அல்லாஹ் (யாவற்றையும்) அறிகிறான்; நீங்கள் அறிய மாட்டீர்கள்.

24:23. எவர்கள் வெகுளிகளாக, நம்பிக்கையுடைய ஒழுக்கமுள்ள பெண்கள் மீது அவதூறு கூறுகிறார்களோ, அவர்கள் நிச்சயமாக இம்மையிலும் மறுமையிலும் சபிக்கப்பட்டுள்ளனர்; இன்னும், அவர்களுக்குக் கடுமையான வேதனையும் உண்டு.

27:4. நிச்சயமாக எவர்கள் மறுமையை நம்பிக்கை கொள்ளவில்லையோ, அவர்களுக்கு நாம் அவர்களுடைய செயல்களை அழகாக(த் தோன்றுமாறு) செய்தோம்; எனவே, அவர்கள் தடுமாறித் திரிகின்றார்கள்.

27:5. அத்தகையவர்களுக்குத் தீய வேதனை உண்டு; மறுமையில் அவர்கள்தாம் பெரும் நஷ்டமடைபவர்களாக இருப்பார்கள்.

27:66. ஆனால், மறுமையைப் பற்றிய அவர்களுடைய அறிவோ முடிவுபெற்றுவிட்டது; அவர்கள் அதில் (பின்னும்) சந்தேகத்திலேயே இருக்கின்றனர்; அதுமட்டுமா? அதைப்பற்றி அவர்கள் குருடர்களாகவே இருக்கின்றனர்.

28:70. மேலும், அவனே அல்லாஹ்! அவனை அன்றி (வேறு) தெய்வம் இல்லை; இம்மையிலும், மறுமையிலும் எல்லாப் புகழும் அவனுக்கே உரியது; தீர்ப்புக் கூறும் அதிகாரமும் அவனுக்கே உரியது; ஆதலின், அவனிடத்திலேயே நீங்கள் திரும்பக் கொண்டு வரப்படுவீர்கள்.

28:77. மேலும், "அல்லாஹ் உனக்குக் கொடுத்த (செல்வத்)திலிருந்து மறுமை வீட்டைத் தேடிக்கொள்! எனினும், இவ்வுலகத்தில் உன் பங்கை நீ மறந்துவிடாதே! அல்லாஹ் உனக்கு நல்லதைச் செய்திருப்பதைப் போல் நீயும் நல்லதை செய்! இன்னும், பூமியில் குழப்பம் செய்ய விரும்பாதே! நிச்சயமாக அல்லாஹ் குழப்பம் செய்பவர்களை நேசிப்பதில்லை" (என்றும் கூறினார்கள்).

28:83. அந்த மறுமையின் வீட்டை, இப்பூமியில் (தங்களைப்) பெருமைப்படுத்திக் கொள்ளவும், குழப்பத்தை உண்டாக்கவும் விரும்பாதவர்களுக்கே நாம் (சொந்தமாய்) ஆக்கி வைப்போம்; ஏனெனில், (நல்ல) முடிவு (நம்மை) அஞ்சுவோருக்குத்தான்.

29:27. மேலும் அவருக்கு இஸ்ஹாக்கையும் யஃகூபையும் அளித்தோம்; இன்னும் அவருடைய சந்ததியிலே, நபித்துவத்தையும், வேதத்தையும் ஏற்படுத்தினோம்; அவருக்கு அவருடைய கூலியை இவ்வுலகத்திலும் கொடுத்தோம்; மறுமையில் அவர் நல்லவர்களில் ஒருவராவார்.

29:64. இன்னும், இவ்வுலக வாழ்க்கை வீணும் விளையாட்டுமேயன்றி வேறில்லை; இன்னும், நிச்சயமாக மறுமைக்குரிய வீடு திடமாக அதுவே (நித்தியமான) வாழ்வாகும்; இவர்கள் (இதை) அறிந்திருந்தால்.

30:7. அவர்கள் இந்த உலக வாழ்விலிருந்து (அதன்) வெளித் தோற்றத்தையே அறிகிறார்கள்; ஆனால், அவர்கள் மறுமையைப் பற்றி அலட்சியமாக இருக்கிறார்கள்.

30:16. இன்னும், எவர்கள் நிராகரித்து நம்முடைய வசனங்களையும், மறுமையின் சந்திப்பையும் பொய்ப்பித்தார்களோ அ(த்தகைய)வர்கள், வேதனைக்காகக் கொண்டுவரப்படுவார்கள்.

31:4. அவர்கள் (எத்தகையோரென்றால்) தொழுகையை நிலைநாட்டுவார்கள்; ஜகாத்தும் கொடுப்பார்கள்; இன்னும், அவர்கள் மறுமையை உறுதியாக நம்புவார்கள்.

33:29. "ஆனால், நீங்கள் அல்லாஹ்வையும், அவன் தூதரையும், மறுமை வீட்டையும் விரும்புவீர்களானால், அப்பொழுது உங்களில் நன்மையாளர்களுக்காக அல்லாஹ் மகத்தான கூலியை நிச்சயமாகச் சித்தம் செய்திருக்கிறான்."

33:57. எவர்கள் அல்லாஹ்வையும் அவனுடைய தூதரையும் நோவினை செய்கிறார்களோ, அவர்களை நிச்சயமாக அல்லாஹ் இம்மையிலும் மறுமையிலும் சபிக்கின்றான்; மேலும், அவர்களுக்கு இழிவுதரும் வேதனையைச் சித்தப்படுத்தி இருக்கின்றான்.

34:1. புகழ் எல்லாம் அல்லாஹ்வுக்கே உரியது. வானங்களில் உள்ளவையும் பூமியில் உள்ளவையும் அவனுக்கே (உரியன); மறுமையிலும் புகழ் யாவும் அவனுக்கே; மேலும், அவன் ஞானம் மிக்கவன்; (யாவற்றையும்) நன்கறிபவன்.

34:8. அன்றியும், இவ்வாறு கூறுகின்றவர் "அல்லாஹ்வின் மீது பொய்யை இட்டுக்கட்டுகிறாரா? அல்லது இவருக்குப் பைத்தியமா?" (என்றும் கேட்கிறார்கள்); அவ்வாறல்ல! மறுமையின் மீது நம்பிக்கைகொள்ளாதவர்கள் வேதனையிலும் வெகுதூரமான வழிகேட்டிலுமே இருக்கிறார்கள்.

34:21. எனினும், அவர்கள்மீது அவனுக்கு யாதோர் அதிகாரமும் இருக்கவில்லை - ஆயினும், மறுமையை நம்புகிறவரை, எவர் (மறுமையை நம்பாது) அ(து வருவ)தைப்பற்றி சந்தேகத்திலிருக்கிறாரோ அவரைவிட்டும் நாம் (பிரித்து) அறி(வித்து விடு)வதற்காகவே (இது நடந்தது); மேலும், உம்முடைய இறைவன் அனைத்துப் பொருட்களையும் பாதுகாப்போனாக இருக்கின்றான்.

39:9. எவர் மறுமையை அஞ்சி தன் இறைவனுடைய அருளை ஆதரவு வைத்து இராக்காலங்களில் ஸுஜூது செய்தவராகவும், (நிலையில்) நின்றவராகவும் வணங்குகிறாரோ அவரா? (நிராகரிப்பவரைப்போல் ஆவார்?) (நபியே!) நீர் கூறும்: "அறிந்தோரும், அறியாதோரும் சமமாவார்களா? நிச்சயமாக (இக் குர்ஆனைக் கொண்டு) படிப்பினை பெறுவோர் அறிவுடையவர்கள்தாம்."

39:26. இவ்வாறு இவ்வுலகில் அவர்களை இழிவை அனுபவிக்கும்படி அல்லாஹ் செய்தான்; (அவர்களுக்கு) மறுமையின் வேதனையோ மிகப் பெரிதாகும்; இதை அவர்கள் அறிந்து கொண்டிருப்பார்களாயின்.

39:45. மேலும், அல்லாஹ்(வின் பெயர்) மட்டும் தனித்தவனாகக் கூறப்பட்டால், மறுமையை நம்பிக்கை கொள்ளாதவர்களின் இதயங்கள் சுருங்கிவிடுகின்றன; மேலும், அவனை அன்றி மற்றவர்(களின் பெயர்)கள் கூறப்பட்டால், உடனே அவர்கள் பெரிதும் மகிழ்வடைகிறார்கள்.

40:39. "என்னுடைய சமூகத்தாரே! இவ்வுலக வாழ்க்கையெல்லாம் அற்பசுகம்தான்; அன்றியும், நிச்சயமாக மறுமையோ - அதுதான் (என்றென்றும் இருக்கும்) நிலையான வீடு."

40:43. "சந்தேகமில்லாமல் என்னை நீங்கள் எதன் பக்கம் அழைக்கின்றீர்களோ, அது நிச்சயமாக இவ்வுலகிலும் மறுமையிலும் (இறைவன் என) அழைக்கப்படுவதற்கு சிறிதும் தகுதியில்லாதது; மேலும், நிச்சயமாக நம்முடைய மீளுமிடம் அல்லாஹ்வின் பக்கமேயாகும்; இன்னும், நிச்சயமாக வரம்புமீறியவர்கள் நரகவாசிகளாகவே இருக்கிறார்கள்."

41:7. அவர்கள்தாம் ஜகாத்தைக் கொடுக்காதவர்கள்; மறுமையை நிராகரிப்பவர்களும் அவர்களே!

41:16. ஆதலினால், இவ்வுலக வாழ்வில் இழிவுதரும் வேதனையை அவர்களுக்கு நாம் சுவைக்கச் செய்வதற்காக, கெட்ட நாட்களில் அவர்கள் மீது ஒரு கொடிய புயல்காற்றை அனுப்பினோம்; மேலும், மறுமையிலுள்ள வேதனையோ மிகவும் இழிவுள்ளதாகும்; அன்றியும், அவர்கள் (எவராலும்) உதவி செய்யப்பட மாட்டார்கள்.

41:31. "நாங்கள் உலக வாழ்விலும், மறுமையிலும் உங்களுக்கு உதவியாளர்கள்; மேலும், (சுவர்க்கத்தில்) உங்கள் மனம் விரும்பியதெல்லாம் அதில் உங்களுக்கு இருக்கிறது; அதில் நீங்கள் கேட்பதெல்லாம் உங்களுக்குக் கிடைக்கும்."

42:20. எவர் மறுமையின் விளைச்சலை விரும்புகிறாரோ அவருடைய விளைச்சலை நாம் அவருக்காக அதிகப்படுத்துவோம்; எவர் இவ்வுலகின் விளைச்சலை (மட்டும்) விரும்புகிறாரோ, அவருக்கு நாம் அதிலிருந்து (ஓரளவு) கொடுக்கிறோம்; எனினும், அவருக்கு மறுமையில் யாதொரு பங்கும் இல்லை.

43:35. தங்கத்தாலும் (அவற்றை ஆக்கிக் கொடுத்திருப்போம்; ஆனால்,) இவையெல்லாம் இவ்வுலக வாழ்க்கையிலுள்ள (நிலையில்லா அற்ப) சுகங்களேயன்றி வேறில்லை; மேலும், மறுமை(யின் நித்திய வாழ்வு) உம் இறைவனிடம் (அவனை) அஞ்சுபவர்களுக்குத்தான்.

53:25. ஏனெனில், மறுமையும் இம்மையும் அல்லாஹ்வுக்கே சொந்தம்.

57:20. அறிந்துகொள்ளுங்கள்! நிச்சயமாக இவ்வுலக வாழ்க்கை விளையாட்டும், வேடிக்கையும், அலங்காரமுமேயாகும்; மேலும், (அது) உங்களிடையே பெருமையடித்துக்கொள்வதும், பொருட்களையும், சந்ததிகளையும் பெருக்குவதுமேயாகும். (இது) மழையின் உதாரணத்துக்கு ஒப்பாகும்; (அதாவது) அது முளைப்பிக்கும் பயிர் விவசாயிகளை ஆனந்தப்படுத்துகிறது. ஆனால், சீக்கிரமே அது உலர்ந்து மஞ்சள் நிறம் ஆவதை நீர் காண்கின்றீர்; பின்னர், அது கூளமாகிவிடுகிறது. (உலகவாழ்வும் இத்தகையதே; எனவே, உலக வாழ்வில் மயங்கியோருக்கு) மறுமையில் கடுமையான வேதனையுண்டு; (நம்பிக்கையாளர்களுக்கு) அல்லாஹ்வின் மன்னிப்பும், அவன் பொருத்தமும் உண்டு. ஆகவே, இவ்வுலக வாழ்க்கை ஏமாற்றும் (சொற்ப) சுகமே தவிர (வேறு) இல்லை.

59:3. தவிரவும், அவர்கள் மீது வெளியேறுகையை அல்லாஹ் விதிக்காதிருந்தால், இவ்வுலகிலேயே அவர்களைக் (கடினமான) வேதனை செய்திருப்பான்; இன்னும், அவர்களுக்கு மறுமையிலும் (நரக) நெருப்பின் வேதனையுண்டு.

60:13. நம்பிக்கை கொண்டவர்களே! அல்லாஹ் எவர்கள் மீது கோபம் கொண்டுவிட்டானோ, அந்தச் சமூகத்தினரை நண்பர்களாக்கிக் கொள்ளாதீர்கள்; ஏனெனில், மண்ணறைவாசிகளைப் பற்றி (எழுப்பப்படமாட்டார்கள் என்று) நிராகரிப்போர் நம்பிக்கை இழந்ததுபோல், மறுமையைப் பற்றி நிச்சயமாக இவர்களும் நம்பிக்கை இழந்துவிட்டனர்.

68:33. இவ்வாறுதான் (இவ்வுலக) வேதனை - அவர்கள் அறிந்து கொள்வார்களானால் மறுமையின் வேதனை (இதைவிட) மிகவும் பெரிது (என உணர்ந்து சன்மார்க்கத்தின்பால் திரும்புவார்கள்).

74:53. அவ்வாறில்லை! மறுமையைப் பற்றி அவர்கள் பயப்படவில்லை.

75:21. ஆகவேதான் (இம்மையைப் பற்றிக்கொண்டு) மறுமையை விட்டுவிடுகிறீர்கள்.

79:25. இம்மைக்கும் மறுமைக்குமான தண்டனையாக அல்லாஹ் அவனைப் பிடித்துக்கொண்டான்.

87:17. ஆனால், மறுமை (வாழ்க்கை)யோ சிறந்ததாகும்; என்றும் நிலைத்திருப்பதும் ஆகும்.

92:13. அன்றியும், நிச்சயமாக மறுமையும் இம்மையும் நம்முடையவையே ஆகும்.

93:4. மேலும் மறுமை இம்மையைவிட உமக்கு மேலானதாகும்.