3:42. (நபியே! மர்யமிடத்தில்) வானவர்கள்: "மர்யமே! நிச்சயமாக அல்லாஹ் உம்மைத் தேர்ந்தெடுத்திருக்கின்றான்; உம்மைத் தூய்மையாகவும் ஆக்கியிருக்கிறான்; இன்னும், உலகத்திலுள்ள பெண்கள் யாவரையும்விட (மேன்மையாக) உம்மைத் தேர்ந்தெடுத்திருக்கின்றான்" (என்றும்).

3:96. (அல்லாஹ்வை வணங்குவதற்கென) மனிதர்களுக்காக அமைக்கப்பட்ட முதல் ஆலயம் நிச்சயமாக 'பக்கா' (எனும் மக்கா)வில் உள்ளதுதான்; அது பாக்கியம் மிக்கதாகவும், உலக மக்கள் யாவருக்கும் நேர்வழியாகவும் இருக்கிறது.

3:97. அதில் தெளிவான அத்தாட்சிகளும் இப்ராஹீம் நின்ற இட(மான மகாமு இப்ராஹீ)மும் இருக்கின்றன; மேலும், எவர் அதில் நுழைகிறாரோ அவர் அச்சம் தீர்ந்தவராகிவிடுகிறார்; இன்னும், எவர்கள் அங்கு யாத்திரை செல்லச் சக்திபெற்று இருக்கிறார்களோ, அத்தகைய மனிதர்கள்மீது, அல்லாஹ்வுக்காக அவ்வாலயத்தை ஹஜ் செய்வது கடமையாகும்; ஆனால், எவரேனும் (இதை) நிராகரித்தால் (அதனால் அல்லாஹ்வுக்குக் குறையேற்படப் போவதில்லை; ஏனெனில்) - நிச்சயமாக அல்லாஹ் அகிலத்தாரை விட்டும் தேவையற்றவனாக இருக்கின்றான்.

3:108. (நபியே!) இவை (எல்லாம்) அல்லாஹ்வின் வசனங்களாகும்; உண்மையைக் கொண்டுள்ள இவற்றை உமக்கு நாம் ஓதிக்காண்பிக்கின்றோம்; மேலும், அல்லாஹ் அகிலத்தாருக்கு அநீதியை(ச் செய்ய) நாடமாட்டான்.

3:145. மேலும், அல்லாஹ்வின் அனுமதியின்றி எந்த உயிரினமும் மரணிக்க முடியாது; இது நேரம் நிர்ணயிக்கப்பட்ட விதி; எவரேனும், இந்த உலகத்தின் நன்மையை (மட்டும்) விரும்பினால், நாம் அவருக்கு அதிலிருந்தே வழங்குவோம்; இன்னும், எவர் மறுமையின் நன்மையை விரும்புகிறாரோ, அவருக்கு அதிலிருந்து வழங்குவோம்; நன்றியுடையோருக்கு அதி சீக்கிரமாக (நற்) கூலி கொடுப்போம்.

4:45. மேலும், அல்லாஹ் உங்கள் பகைவர்களை நன்கு அறிவான்; (உங்களுக்குப்) பாதுகாவலனாக இருக்க அல்லாஹ் போதுமானவன்; (உங்களுக்கு) உதவியாளனாக இருக்கவும் அல்லாஹ் போதுமானவன்.

5:20. அன்றி மூஸா தம் சமூகத்தாரை நோக்கி, "என் சமூகத்தாரே! அல்லாஹ் உங்கள் மீது புரிந்திருக்கும் அருட்கொடையை நினைத்துப் பாருங்கள்; அவன் உங்களிடையே நபிமார்களை ஏற்படுத்தி உங்களை அரசர்களாகவும் ஆக்கினான்; உலக மக்களில் வேறு யாருக்கும் கொடுக்காததை உங்களுக்குக் கொடுத்தான்" என்று கூறியதை (நபியே! இவர்களுக்கு) நினைவுகூரும்.

5:28. அன்றியும், "நீ என்னை வெட்டுவதற்காக என்னளவில் உன் கையை நீட்டுவாயானால், நான் உன்னை வெட்டுவதற்காக என் கையை உன்னளவில் நீட்டமாட்டேன்; ஏனெனில், நான் நிச்சயமாக அகிலங்களின் இறைவனாகிய அல்லாஹ்வுக்கு அஞ்சுகிறேன்!" (என்றும் கூறினார்).

5:115. அதற்கு அல்லாஹ், "நிச்சயமாக நான் அதை உங்களுக்கு இறக்கிவைக்கிறேன்; ஆனால், அதன்பின் உங்களில் எவரேனும் ஒருவர் நிராகரித்தால், அகிலத்தாரில் எந்த ஒருவருக்கும் செய்திராத வேதனையைக் கொண்டு அவரை வேதனைப்படுத்துவேன்" என்று கூறினான்.

6:32. உலக வாழ்க்கை வீணும் விளையாட்டுமேயன்றி வேறில்லை; (இறைவனை) அஞ்சுபவர்களுக்கு நிச்சயமாக மறுமை வீடே மிகவும் மேலானதாகும். நீங்கள் இதைப் புரிந்துகொள்ள வேண்டாமா?

6:45. எனவே, அக்கிரமம் செய்துகொண்டிருந்த அக்கூட்டத்தார் வேரறுக்கப்பட்டனர்; எல்லாப் புகழும் அகிலங்களின் இறைவனான அல்லாஹ்வுக்கே ஆகும்.

6:86. இன்னும், இஸ்மாயீல், அல்யஸஉ, யூனுஸ், லூத் - இவர்கள் யாவரையும் (நேர்வழியில் செலுத்தி, இவர்களில்) ஒவ்வொருவரையும் அகிலத்தாரை விட நாம் மேன்மையாக்கி வைத்தோம்.

6:90. இவர்கள் யாவரையும் அல்லாஹ் நேர்வழியில் செலுத்தினான்; ஆதலால், இவர்களுடைய நேர்வழியையே நீரும் பின்பற்றுவீராக! "இதற்காக நான் உங்களிடம் எவ்வித பிரதிபலனையும் கேட்கவில்லை; இது (இக்குர்ஆன்) அகிலத்தாருக்கு ஓர் அறிவுரையே அன்றி வேறில்லை" என்றும் கூறுவீராக!

7:48. சிகரங்களிலிருப்பவர்கள், சில மனிதர்களை அவர்களின் அடையாளத்தைக் கொண்டு, அவர்களை அறிந்துகொண்டு அழைத்துக் கூறுவார்கள்: "நீங்கள் உலகத்தில் சேமித்து வைத்திருந்தவையும், நீங்கள் பெருமையடித்துக் கொண்டிருந்ததும், உங்களுக்குப் பலனளிக்கவில்லையே!"

7:80. மேலும், லூத்தை (அவர் சமூகத்தாரிடையே நபியாக அனுப்பினோம்). அவர் தம் சமூகத்தாரிடம் கூறினார்: "உலகத்தில் எவருமே உங்களுக்கு முன் செய்திராத மானக்கேடான (காரியத்)தையா செய்கிறீர்கள்?"

7:140. (அன்றியும்,) "அல்லாஹ் அல்லாதவனையா நான் உங்களுக்கு இறைவனாகத் தேடுவேன்? அவனோ உங்களை அகிலத்தாரைவிட மேன்மையாக்கி வைத்துள்ளான்" என்றும் அவர் கூறினார்.

10:23. அவன் அவர்களைக் காப்பாற்றிவிட்டதும் அவர்கள் பூமியின் மீது நியாயமில்லாது அழிச்சாட்டியம் செய்கிறார்கள்; மனிதர்களே! உங்கள் அழிச்சாட்டியங்கள் எல்லாம் உங்களுக்கே கேடாக முடியும்; (இது) உலக வாழ்வின் (அற்ப) சுகமேயாகும்; பின்னர், நம்மிடமே உங்கள் திரும்புதல் இருக்கிறது; அப்போது, நீங்கள் செய்து கொண்டிருந்ததை உங்களுக்கு நாம் அறிவிப்போம்.

10:42. இன்னும், உமக்குச் செவிமடுப்பவர்களும் அவர்களில் இருக்கின்றனர்; எதுவுமே விளங்கிக்கொள்ள இயலாச் செவிடர்களை நீர் கேட்கும்படிச் செய்யமுடியுமா?

10:70. உலகத்தில் (அவர்கள் அனுபவிப்பது) சிறு சுகமேயாகும்; பின்னர், நம்மிடமே அவர்களுடைய மீளுதல் இருக்கிறது; அவர்கள் நிராகரித்துக் கொண்டிருந்ததின் காரணமாக, நாம் அவர்களைக் கடுமையான வேதனையைச் சுவைக்கச் செய்வோம்.

15:70. அதற்கவர்கள், "உலக மக்களைப் பற்றியெல்லாம் (எங்களிடம் பேசுவதைவிட்டும்) நாங்கள் உம்மைத் தடுக்கவில்லையா?" என்று கேட்டார்கள்.

18:28. இன்னும், (நபியே!) எவர்கள் தம் இறைவனுடைய திருப்பொருத்தத்தை நாடியவர்களாகக் காலையிலும், மாலையிலும் அவனைப் பிரார்த்தனை செய்துகொண்டிருக்கிறார்களோ, அவர்களுடன் நீரும் பொறுமையை மேற்கொண்டிருப்பீராக! இன்னும், உலக வாழ்க்கையின் அலங்காரத்தை நாடி அ(த்தகைய)வர்களை விட்டும் உம் இருகண்களையும் திருப்பிவிடாதீர்! இன்னும், எவனுடைய இதயத்தை நம்மை நினைவு கூர்வதிலிருந்து நாம் திருப்பிவிட்டோமோ அவனுக்கு நீர் கீழ்ப்படியாதீர்; ஏனெனில், அவன் தன் இச்சையைப் பின்பற்றியதனால் அவனுடைய காரியம் வரம்புமீறியதாகிவிட்டது.

20:131. இன்னும் அவர்களில் சில பிரிவினருக்கு உலக வாழ்க்கையின் அலங்காரமாக எதைக் கொண்டு சுகமனுபவிக்கச் செய்திருக்கிறோமோ, அதன் பக்கம் உமது இருகண்களையும் நீட்டாதீர்; (இவையெல்லாம்) அவர்களைச் சோதிப்பதற்காகவே (நாம் கொடுத்துள்ளோம்); உமது இறைவன் (மறுமையில் உமக்கு) வழங்கவிருப்பது சிறந்ததும், நிலையானதும் ஆகும்.

25:1. உலகத்தார் யாவரையும் அச்சமூட்டி எச்சரிக்கை செய்வதற்காக (சத்தியத்தையும் அசத்தியத்தையும் தெளிவாகப்) பிரித்தறிவிக்கும் இவ்வேதத்தைத் தன் அடியார் மீது இறக்கியவன் மிக்க பாக்கியமுடையவன்.

26:165. உலகத்தாரில் நீங்கள் ஆடவர்களிடம் (கெட்ட நோக்கோடு) வருகிறீர்களா?

29:15. (அப்போது) நாம் அவரையும், (அவருடைய) கப்பல் தோழர்களையும் காப்பாற்றினோம்; மேலும், அதை அகிலத்தாருக்கு ஓர் அத்தாட்சியாகவும் நாம் ஆக்கினோம்.

29:28. மேலும், லூத்தை (அவர் சமூகத்தாரிடையே நபியாக அனுப்பிவைத்தோம்); அவர் தம் சமூகத்தாரிடம் கூறினார்: "நிச்சயமாக நீங்கள் மானக்கேடான (காரியத்தைச்) செய்கிறீர்கள்; உலகத்தாரில் எவரும் அதைக்கொண்டு உங்களை முந்தவில்லை."

41:12. ஆகவே, இரண்டு நாட்களில் அவற்றை ஏழு வானங்களாக அவன் ஏற்படுத்தினான்; ஒவ்வொரு வானத்திலும் அதற்குரிய காரியத்தை அறிவித்தான்: இன்னும், (உலகத்திற்கு) சமீபமான வானத்தை நாம் விளக்குகளைக் கொண்டு அலங்கரித்தோம்; இன்னும், அதனைப் பாதுகாப்பாகவும் (ஆக்கினோம்); இது யாவரையும் மிகைத்தவனும், ஞானம் மிக்கோனுமாகிய இறைவனுடைய ஏற்பாடேயாகும்.

43:32. உமது இறைவனின் அருளை இவர்களா பங்கிடுகிறார்கள்? இவ்வுலக வாழ்வில் இவர்களுடைய வாழ்க்கை(த் தேவை)யை இவர்களிடையே நாமே பங்கிட்டு இருக்கிறோம்; இவர்களில் சிலர், சிலரை ஊழியத்திற்கு வைத்துக்கொள்ளும் பொருட்டு, இவர்களில் சிலரை, சிலரைவிட தரங்களில் நாம் உயர்த்தி இருக்கிறோம்; உம்முடைய இறைவனின் அருள் அவர்கள் சேகரித்து வைத்துக் கொண்டிருப்பதைவிட மேலானதாகும்.

44:32. நிச்சயமாக, நாம் நன்கு தெரிந்தே அவர்களை உலக மக்களிலிருந்து தேர்ந்தெடுத்தோம்.