9:79. (நயவஞ்சகர்களான) இவர்கள் நம்பிக்கையாளர்களில் தாராளமாக தர்மம் செய்பவர்களையும், தங்கள் உழைப்பைத் தவிர வேறு எதையும் (தர்மம் செய்வதற்கு) பெறாதவர்களையும் குறைகூறி, ஏளனமும் செய்கிறார்கள்; இவர்களை அல்லாஹ் ஏளனம் செய்கிறான்; இவர்களுக்கு நோவினைதரும் வேதனையுமுண்டு.

25:47. அவன்தான் உங்களுக்கு இரவை ஆடையாகவும், நித்திரையை இளைப்பாறுதலாகவும் ஆக்கியிருக்கின்றான்; இன்னும், அவனே பகலை (உழைப்பிற்கு ஏற்றவாறு) மீண்டும் எழுவதற்காக ஆக்கியிருக்கிறான்.

34:12. (அவருக்குப் பின்னர்) ஸுலைமானுக்குக் காற்றை (வசப்படுத்திக்கொடுத்தோம்); அதனுடைய காலைப் பயணம் ஒரு மாத (தூர)மாகவும் இருந்தது; மாலைப் பயணம் ஒரு மாத (தூர)மாகவும் இருந்தது; மேலும், நாம் அவருக்காகச் செம்பு ஊற்றை (உருகி) ஓடச்செய்தோம்; தன் இறைவனுடைய அனுமதிப்படி அவருக்கு முன் உழைக்கக்கூடிய ஜின்களிலிருந்தும் (வசப்படுத்திக்கொடுத்தோம்); அவர்களில் எவர் (அவருக்கு ஊழியம் செய்வதில்) நம்முடைய கட்டளையைப் புறக்கணிக்கின்றாரோ, அவரைக் கொழுந்துவிட்டெரியும் (நரக) வேதனையைச் சுவைக்கும்படி நாம் செய்வோம் (என்று எச்சரித்தோம்).

84:6. மனிதனே! நிச்சயமாக நீ உன் இறைவனிடம் சேரும் வரை முனைந்து உழைப்பவனாக உழைக்கிறாய்; பின்னர், அவனைச் சந்திப்பவனாக இருக்கின்றாய்.