8:44. நீங்கள் ஒருவருக்கொருவர் (போரில்) சந்தித்தபோது - அவர்களை உங்களுக்கு, உங்களுடைய கண்களில் குறைவாக அவன் காட்டியதையும்; இன்னும், உங்களை அவர்களுடைய கண்களில் குறைவாகக் காண்பித்ததையும் (நினைவுகூருங்கள்); செய்யப்படவேண்டிய காரியத்தை அல்லாஹ் நிறைவேற்றுவதற்காக (இவ்வாறு செய்தான்) - அல்லாஹ்விடமே எல்லாக் காரியங்களும் திரும்பக் கொண்டுவரப்படும்.

9:36. நிச்சயமாக அல்லாஹ்விடத்தில் - அல்லாஹ்வுடைய (பதிவுப்) புத்தகத்தில் வானங்களையும் பூமியையும் படைத்த நாளிலிருந்தே, மாதங்களின் எண்ணிக்கை பன்னிரண்டு மாதங்கள் ஆகும்; அவற்றில் நான்கு (மாதங்கள்) புனிதமானவை; இது தான் நேரான மார்க்கமாகும்; ஆகவே, அம்மாதங்களில் (போர் செய்து) உங்களுக்கு நீங்களே அநியாயம் செய்துகொள்ளாதீர்கள்; இணைவைப்பவர்கள் உங்கள் அனைவருடனும் போர் புரிவதுபோல் நீங்களும், அவர்கள் அனைவருடனும் போர் புரியுங்கள்; நிச்சயமாக அல்லாஹ் (தன்னை) அஞ்சுவோருடனே இருக்கின்றான் என்பதை அறிந்துகொள்ளுங்கள்.

10:5. அவன்தான் சூரியனைச் (சுடர்விடும்) பிரகாசமாகவும், சந்திரனை ஒளியுள்ளதாகவும் ஆக்கினான்; ஆண்டுகளின் எண்ணிக்கையையும், (காலக்) கணக்கையும் நீங்கள் அறிந்துகொள்ளும் பொருட்டு, (சந்திரனாகிய) அதற்கு (மாறிமாறி) வரும் பல படித்தரங்களை உண்டாக்கினான்; அல்லாஹ் உண்மை(யாக தக்க காரணம்) கொண்டேயல்லாது இவற்றைப் படைக்கவில்லை; அவன் அறியக்கூடிய சமுதாயத்திற்குத் தன் அத்தாட்சிகளை (இவ்வாறு) விவரிக்கின்றான்.

17:12. இரவையும் பகலையும் நாம் இரண்டு அத்தாட்சிகளாக ஆக்கினோம்; பின்னர், இரவின் அத்தாட்சி மங்கி (இருளாகி)டச் செய்தோம்; உங்கள் இறைவனுடைய அருட்கொடையை நீங்கள் தேடிக்கொள்வதற்காகவும், ஆண்டுகளின் எண்ணிக்கையையும், (காலக்) கணக்கையும் நீங்கள் அறிந்துகொள்வதற்காகவும் பகலின் அத்தாட்சியைப் பிரகாசமாக்கினோம்; மேலும், நாம் ஒவ்வொரு பொருளையும் தெளிவாக விவரித்திருக்கின்றோம்.

18:22. (அவர்கள்) மூன்று பேர்தாம் - அவர்களில் நான்காவது அவர்களுடைய நாய் என்று (சிலர்) கூறுகின்றனர்; (இல்லை,) அவர்கள் ஐந்து பேர்தாம் - அவர்களில் ஆறாவது அவர்களுடைய நாய் என்று மறைவானதை ஊகம் செய்து (சிலர்) கூறுகிறார்கள்; இன்னும் (சிலர்,) ஏழு பேர் - அவர்களில் எட்டாவது அவர்களுடைய நாய் என்று சொல்கிறார்கள்; (நபியே!) "அவர்களுடைய எண்ணிக்கையை என்னுடைய இறைவன்தான் நன்கறிவான்; சிலரைத் தவிர, மற்றெவரும் அவர்களைப் பற்றி அறியமாட்டார்கள்" என்று கூறுவீராக! ஆகவே, அவர்களைப் பற்றி வெளிரங்கமான விஷயம் தவிர (வேறெது பற்றியும்) நீர் தர்க்கம் செய்ய வேண்டாம்; இன்னும், அவர்களைக் குறித்து இவர்களில் எவரிடமும் நீர் தீர்ப்புக் கேட்கவும் வேண்டாம்.

23:112. "ஆண்டுகளின் எண்ணிக்கையில் நீங்கள் பூமியில் எவ்வளவு (காலம்) இருந்தீர்கள்?" என்று கேட்பான்.

72:28. "தங்களுடைய இறைவனின் தூதுச்செய்திகளைத் திட்டமாக எடுத்துச் சொல்லிவிட்டார்கள் என்பதை அறிவதற்காக: இன்னும், அவர்களிடமுள்ளவற்றை அவன் சூழ்ந்தறிந்து கொண்டிருப்பதுடன், அவன் சகல பொருட்களையும் எண்ணிக்கையால் கணக்கிட்டு வைத்துள்ளான்."

74:31. அன்றியும், நரகக் காவலாளிகளை வானவர்கள் அல்லாமல் நாம் ஆக்கவில்லை; நிராகரித்தவர்களுக்கு அவர்களுடைய எண்ணிக்கையை ஒரு சோதனையாகவே ஆக்கினோம்; வேதம் கொடுக்கப்பட்டவர்கள் உறுதிகொள்வதற்கும், நம்பிக்கைகொண்டவர்கள் நம்பிக்கையை அதிகரித்துக்கொள்வதற்கும், வேதம் கொடுக்கப்பட்டவர்களும் நம்பிக்கையாளர்களும் சந்தேகம் கொள்ளாமல் இருப்பதற்கும் (நாம் இவ்வாறு ஆக்கினோம்); எனினும், எவர்களுடைய இதயங்களில் நோய் இருக்கிறதோ அவர்களும், நிராகரிப்பாளர்களும் "அல்லாஹ் (பத்தொன்பது எனும்) இந்த (எண்ணிக்கையின்) உதாரணத்தைக் கொண்டு எ(ன்ன கருத்)தை நாடினான்?" எனக் கேட்பதற்காகவுமே (இவ்வாறு ஆக்கினோம்); இவ்வாறே அல்லாஹ், தான் நாடியவர்களை வழிகேட்டிலும் விடுகிறான்; இன்னும், தான் நாடியவர்களை நேர்வழியிலும் செலுத்துகிறான்; அன்றியும், உம்முடைய இறைவனின் படைகளை அவனைத் தவிர (மற்றெவரும்) அறியமாட்டார்கள்; அது (ஸகர் பற்றிய செய்தி) மனிதர்களுக்கு (நினைவூட்டும்) உபதேசமேயன்றி வேறில்லை.