3:54. இன்னும், (ஈஸாவை நிராகரித்த) அவர்கள் (அவரைக் கொல்ல) சதி செய்தார்கள்; (எனினும் அல்லாஹ் அவரை இரட்சித்துக் கொண்டு, தங்களில் ஒருவனையே அவர்கள் கொலை செய்து விடும்படி) அல்லாஹ்வும் (அவர்கள் விஷயத்தில்) சதி செய்தான்; அல்லாஹ் சதி செய்பவர்களில் மிகச் சிறந்தவன் ஆவான்.

6:123. மேலும், இவ்வாறே ஒவ்வொரு ஊரிலும் குற்றவாளிகளின் தலைவர்களை நாம் ஏற்படுத்தியிருக்கிறோம்; அதில் அவர்கள் சூழ்ச்சி செய்வதற்காக; ஆயினும், அவர்கள் தங்களுக்கே சூழ்ச்சி செய்துகொள்கிறார்கள்; (இதை) அவர்கள் உணருவதில்லை.

6:124. அவர்களுக்கு ஏதாவது ஓர் அத்தாட்சி வந்தால் - அவர்கள், "அல்லாஹ்வின் தூதர்களுக்குக் கொடுக்கப்பட்டதுபோல் எங்களுக்கும் கொடுக்கப்படாதவரையில் நாங்கள் நம்பிக்கை கொள்ளவேமாட்டோம்" என்று கூறுகிறார்கள்; அல்லாஹ் தனது தூதை எங்கு வைக்க வேண்டும் (எவருக்குக் கொடுக்கவேண்டும்) என்பதை மிக அறிந்தவன்; குற்றம் செய்துகொண்டிருந்தோரை - அவர்கள் சதிசெய்துகொண்டிருந்த காரணத்தால் அல்லாஹ்விடமிருந்து சிறுமையும் கொடிய வேதனையும் வந்தடையும்.

7:99. அல்லாஹ்வின் சூழ்ச்சி பற்றி அவர்கள் அச்சமற்று இருக்கின்றார்களா? நஷ்டவாளிகளான கூட்டத்தாரைத் தவிர, வேறு எவரும் அல்லாஹ்வின் சூழ்ச்சியிலிருந்து அச்சமற்று இருக்கமாட்டார்கள்.

7:123. அதற்கு ஃபிர்அவ்ன் (அவர்களை நோக்கி): "உங்களுக்கு நான் அனுமதி கொடுப்பதற்கு முன்னரே நீங்கள் அவர்மீது நம்பிக்கை கொண்டு விட்டீர்களா? நிச்சயமாக இது ஒரு சூழ்ச்சியாகும்: இந்நகரத்தில் - இதில் வசிப்பவர்களை அதிலிருந்து வெளியேற்றுவதற்காக (மூஸாவுடன் சேர்ந்து) நீங்கள் சூழ்ச்சி செய்திருக்கிறீர்கள்; (இதன் விளைவை) நீங்கள் அதிசீக்கிரம் அறிந்து கொள்வீர்கள்" என்று கூறினான்.

8:30. (நபியே!) உம்மைச் சிறைப்படுத்தவோ அல்லது உம்மைக் கொலை செய்யவோ அல்லது உம்மை (ஊரைவிட்டு) வெளியேற்றிவிடவோ நிராகரிப்போர் சூழ்ச்சி செய்ததை நினைவு கூர்வீராக! அவர்களும் சூழ்ச்சி செய்கின்றனர்; அல்லாஹ்வும் (அவர்களுக்கு எதிராக) சூழ்ச்சி செய்கின்றான்; சூழ்ச்சி செய்வோரில் எல்லாம் அல்லாஹ் மிகவும் மேன்மையுடையவன்.

10:21. மனிதர்களுக்கு அவர்களுக்கு ஏற்பட்ட துன்பத்திற்குப்பின் (நம்முடைய) கிருபையை அனுபவிக்கும்படி நாம் செய்தால், உடனே நமது வசனங்களில் சூழ்ச்சி செய்வதே அவர்களுக்கு (வழக்கமாக) இருக்கின்றது; "அல்லாஹ் சூழ்ச்சி செய்வதில் மிக விரைவானவன்" என்று (நபியே!) நீர் கூறும்; நிச்சயமாக நீங்கள் சூழ்ச்சி செய்து திட்டமிடுவதையெல்லாம் எம் தூதர்கள் பதிவு செய்து கொண்டிருக்கிறார்கள்.

12:102. (நபியே!) இது (நீர் அறியாத) மறைவான செய்திகளில் உள்ளதாகும்; இதனை நாம் உமக்கு 'வஹி' மூலம் அறிவித்தோம்; அவர்கள் (கூடிச்) சதிசெய்து தம் திட்டத்தில் அவர்கள் ஒன்று சேர்ந்த பொழுது நீர் அவர்களுடன் இருக்கவில்லை.

16:26. நிச்சயமாக இவர்களுக்கு முன்னர் இருந்தார்களே அவர்களும் (இவ்வாறே) சூழ்ச்சி செய்தார்கள்; அதனால், அல்லாஹ் அவர்களுடைய கட்டடத்தை அடிப்படையோடு பெயர்த்துவிட்டான்; ஆகவே, அவர்களுக்கு மேலே இருந்து 'முகடு' அவர்கள் மீது விழுந்தது; அவர்கள் அறிந்துகொள்ள முடியாத புறத்திலிருந்து அவர்களுக்கு வேதனையும் வந்தது.

16:45. தீமைகளைச் (செய்திட) சூழ்ச்சி செய்கிறவர்கள் - அல்லாஹ் அவர்களைக் கொண்டே பூமியை விழுங்கும்படி செய்யமாட்டான் என்றோ, அல்லது அவர்கள் அறியாப்புறத்திலிருந்து அவர்களை வேதனை வந்து அடையாதென்றோ அவர்கள் அச்சம் தீர்ந்து இருக்கின்றார்களா?

16:127. (நபியே!) இன்னும், நீர் பொறுமையுடன் இருப்பீராக! எனினும், நீர் பொறுமையுடன் இருப்பது அல்லாஹ்வைக் கொண்டே தவிர இல்லை; அவர்களுக்காக நீர் கவலைப்படவும் வேண்டாம்; அவர்கள் செய்யும் சூழ்ச்சிகளைப் பற்றி நீர் (மன)நெருக்கடியில் ஆகிவிடவேண்டாம்.

25:51. மேலும், நாம் நாடியிருந்தால் ஒவ்வொரு ஊரிலும் அச்சமூட்டி எச்சரிக்கும் ஒருவரை நாம் அனுப்பியிருப்போம்.

27:50. (இவ்வாறே) அவர்கள் சூழ்ச்சி செய்தார்கள்; ஆனால், அவர்கள் அறியாதவாறு நாமும் சூழ்ச்சி செய்தோம்.

34:33. அதற்குப் பலவீனர்களாகக் கருதப்பட்டவர்கள் பெருமை தேடிக் கொண்டவர்களிடம், "அப்படியல்ல! நாங்கள் அல்லாஹ்வை நிராகரிப்பதற்கும் அவனுக்கு இணைகளை நாங்கள் கற்பிப்பதற்கும் நீங்கள் எங்களுக்கு ஏவியபொழுது (அது) இரவிலும், பகலிலும் உள்ள (உங்களுடைய) சூழ்ச்சியாகும்" என்று கூறுவார்கள்; மேலும், அவர்கள் வேதனையைப் பார்க்கும்போது இந்தக் கைசேதத்தை (ஒருவருக்கொருவர்) மறைப்பார்கள்: இன்னும், நிராகரித்தவர்களுடைய கழுத்துகளில் நாம் விலங்குகளை மாட்டுவோம்; அவர்கள் செய்து கொண்டிருந்த (தீ)வினைகளுக்கன்றி கூலி கொடுக்கப்படுவார்களா?

35:10. எவர் கண்ணியத்தை நாடுகிறாரோ கண்ணியம் யாவும் அல்லாஹ்வுக்கே உரியதாகும் (என்பதை அவர் அறிந்து கொள்ளட்டும்); தூய்மையான வாக்குகளெல்லாம் அவன் பக்கமே மேலேறிச் செல்கின்றன; நற்செயல் அதனை உயர்த்துகிறது; அன்றியும், எவர்கள் தீமைகளைச் செய்ய சதிசெய்கிறார்களோ அவர்களுக்குக் கடினமான வேதனையுண்டு; இன்னும், இவர்களுடைய சதித்திட்டம் அழிந்து போகும்.

35:43. பூமியில் பெருமையடிப்பதையும், தீய சூழ்ச்சியையும் தவிர (வேறெதையும் அவர்களுக்கு அது அதிகமாக்கவில்லை); ஆனால், தீய சூழ்ச்சி அ(ச்சூழ்ச்சி செய்த)வரைத் தவிர வேறெவரையும் சூழ்ந்துகொள்ளாது; இவர்களுக்கு முன்சென்றோர் (இறைவனுக்கு மாறு செய்து தண்டனை பெற்ற) வழியைத்தான் இவர்களும் எதிர்பார்க்கின்றனரா? அப்படியாயின், அல்லாஹ்வின் அவ்வழியில் (அதாவது பாவம் செய்தோர் தண்டனை பெறுதலில்) யாதொரு மாற்றத்தையும் நீர் காணமாட்டீர்; அல்லாஹ்வின் (அவ்)வழியில் திருப்புதலையும் நீர் காணமாட்டீர்.

40:45. ஆகவே, அவர்கள் சூழ்ச்சி செய்த தீமைகளை விட்டும் அல்லாஹ் அவரைக் காத்துக் கொண்டான்; மேலும், வேதனையின் கேடு ஃபிர்அவ்னின் கூட்டத்தாரைச் சூழ்ந்து கொண்டது.

71:22. மேலும், (எனக்கெதிராகப்) பெரும் சூழ்ச்சியாகச் சூழ்ச்சி செய்கின்றனர்.