2:258. அல்லாஹ் தனக்கு அரசாட்சி கொடுத்ததின் காரணமாக (ஆணவங்கொண்டு), இப்ராஹீமிடத்தில் அவருடைய இறைவனைப்பற்றித் தர்க்கம் செய்தவனை (நபியே!) நீர் கவனித்தீரா? இப்ராஹீம் கூறினார்: "எவன் உயிர்கொடுக்கவும், மரணம் அடையும்படியும் செய்கிறானோ, அவனே என்னுடைய இறைவன்" என்று; அதற்கவன், "நானும் உயிர்கொடுக்கிறேன்; மரணம் அடையும்படியும் செய்கிறேன்" என்று கூறினான்; (அப்பொழுது) இப்ராஹீம் கூறினார்: "திட்டமாக அல்லாஹ் சூரியனைக் கிழக்கில் உதிக்கச் செய்கிறான்; நீ அதை மேற்குத் திசையில் உதிக்கச் செய்" என்று; (அல்லாஹ்வை) நிராகரித்த அவன், வாயடைப்பட்டுப் போனான்; தவிர, அல்லாஹ் அநியாயம் செய்யும் கூட்டத்தாருக்கு நேர்வழி காண்பிப்பதில்லை.

6:76. ஆகவே, அவரை இரவு மூடிக்கொண்டபோது, அவர் ஒரு நட்சத்திரத்தைப் பார்த்தார்: "இதுதான் என் இறைவன்!" என்று கூறினார். ஆனால், அது மறைந்தபோது அவர், "நான் மறையக்கூடியவற்றை நேசிக்கமாட்டேன்" என்று சொன்னார்.

6:96. அவனே பொழுதை விடியச் செய்பவன்; அவனே இரவை அமைதியானதாகவும், சூரியனையும், சந்திரனையும் காலம் காட்டியாகவும் அமைத்தான்; இவையாவும் வல்லமையில் மிகைத்தோனும், எல்லாம் அறிந்தோனுமாகிய (இறை)வனின் ஏற்பாடாகும்.

7:54. நிச்சயமாக உங்கள் இறைவனாகிய அல்லாஹ்தான் வானங்களையும் பூமியையும் ஆறு நாட்களில் படைத்தான்; பின்னர், (தன் கண்ணியத்திற்குத் தக்கவாறும், மகத்துவத்திற்குரியவாறும் அர்ஷின் மீதிருப்பது அவனுக்கு எவ்வாறு தகுமோ அவ்வாறே) அர்ஷின் மீது அவன் நிலையானான்; அவன் இரவைக்கொண்டு பகலை மூடுகிறான்; அது வெகுவிரைவாக அதனைப் பின்தொடர்கின்றது; இன்னும் சூரியனையும், சந்திரனையும், நட்சத்திரங்களையும் தன் கட்டளைக்குக் கட்டுப்பட்டவையாக(ப் படைத்தான்); அறிந்துகொள்ளுங்கள்! படைத்தலும், கட்டளையிடுதலும் அவனுக்கே சொந்தம்; அகிலங்களுக்கெல்லாம் இறைவனாகிய (அவற்றைப் படைத்து, பரிபாலித்துப் பரிபக்குவப்படுத்தும்) அல்லாஹ் மிகவும் பாக்கியமுடையவன்.

10:5. அவன்தான் சூரியனைச் (சுடர்விடும்) பிரகாசமாகவும், சந்திரனை ஒளியுள்ளதாகவும் ஆக்கினான்; ஆண்டுகளின் எண்ணிக்கையையும், (காலக்) கணக்கையும் நீங்கள் அறிந்துகொள்ளும் பொருட்டு, (சந்திரனாகிய) அதற்கு (மாறிமாறி) வரும் பல படித்தரங்களை உண்டாக்கினான்; அல்லாஹ் உண்மை(யாக தக்க காரணம்) கொண்டேயல்லாது இவற்றைப் படைக்கவில்லை; அவன் அறியக்கூடிய சமுதாயத்திற்குத் தன் அத்தாட்சிகளை (இவ்வாறு) விவரிக்கின்றான்.

12:4. யூஸுஃப் தம் தந்தையிடம், "என் அருமைத் தந்தையே! நிச்சயமாக நான், பதினோரு நட்சத்திரங்களையும், சூரியனையும், சந்திரனையும் (கனவில்) கண்டேன்; (இவை யாவும்) எனக்குச் சிரம் பணிபவையாக அவற்றை நான் கண்டேன்" என்று கூறியபொழுது.

13:2. (இவ்வேதத்தை அருளிய) அல்லாஹ் எத்தகையவனென்றால், அவன் வானங்களைத் தூணின்றியே உயர்த்தியுள்ளான்; நீங்கள் அவற்றைப் பார்க்கிறீர்கள்; பின்னர், (தன் கண்ணியத்திற்குத் தக்கவாறும் மகத்துவத்திற்குரியவாறும் அர்ஷின் மீதிருப்பது அவனுக்கு எவ்வாறு தகுமோ அவ்வாறே) அவன் அர்ஷின் (அரியாசனத்தின்) மீது நிலையானான்; இன்னும், அவனே சூரியனையும் சந்திரனையும் (தன்) அதிகாரத்திற்குள் வைத்திருக்கின்றான்; (இவை) அனைத்தும் குறிப்பிட்ட தவணை வரை ஓடுகின்றன; அவனே, (எல்லாக்) காரியத்தையும் நிர்வகிக்கின்றான்; நீங்கள் உங்கள் இறைவனைச் சந்திப்பதை உறுதிகொள்ளும் பொருட்டு அவன் (இவ்வாறு தன்) வசனங்களை விளக்குகின்றான்.

14:33. (தவறாமல், தம் வழிகளில்) தொடர்ந்து செல்லுமாறு சூரியனையும் சந்திரனையும் அவனே உங்களுக்கு வசப்படுத்தித் தந்தான்; மேலும், அவனே இரவையும் பகலையும் உங்களுக்கு வசப்படுத்தித் தந்தான்.

16:12. இன்னும், அவனே இரவையும் பகலையும் சூரியனையும் சந்திரனையும், உங்கள் நலன்களுக்கு வசப்படுத்திக் கொடுத்துள்ளான்; அவ்வாறே நட்சத்திரங்களும் அவன் கட்டளைப்படியே வசப்படுத்தப்பட்டுள்ளன; நிச்சயமாக இதிலும் விளங்கும் கூட்டத்தாருக்குத் தக்க அத்தாட்சிகள் இருக்கின்றன.

17:78. (நபியே!) சூரியன் (உச்சியில்) சாய்ந்ததிலிருந்து இரவின் இருள் சூழும்வரை (ளுஹர், அஸர், மஃரிப், இஷா) தொழுகையை நிலைநிறுத்துவீராக! இன்னும், ஃபஜ்ருடைய தொழுகையையும் (நிலைநிறுத்துவீராக!); நிச்சயமாக ஃபஜ்ர் தொழுகை (வானவர்களின்) வருகைக்குரியதாக இருக்கிறது.

18:17. சூரியன் உதயமாகும்போது (அவர்கள்மீது படாமல்) அது, அவர்களுடைய குகையின் வலப்புறம் சாய்வதையும், அது அஸ்தமிக்கும் போது, அது அவர்களுடைய இடப்புறம் செல்வதையும் நீர் பார்ப்பீர்; அவர்கள் அதில் விசாலமான இடத்தில் இருக்கின்றனர்: இது அல்லாஹ்வின் அத்தாட்சிகளில் உள்ளதாகும்; எவரை அல்லாஹ் நேர்வழியில் செலுத்துகிறானோ, அவரே நேர்வழிபெற்றவராவார்: இன்னும், எவனை அவன் வழிகேட்டில் விடுகிறானோ, அவனுக்கு நேர்வழிகாட்டும் உதவியாளர் எவரையும் நீர் காணவேமாட்டீர்.

18:86. சூரியன் மறையும் (மேற்குத்) திசைவரை அவர்கள் சென்றடைந்தபோது, அது ஒரு சேறு கலந்த நீரில் (மூழ்குவது போல்) மறையக் கண்டார்; இன்னும், அவர் அவ்விடத்தில் ஒரு சமூகத்தினரையும் கண்டார்; "துல்கர்னைனே! நீர் இவர்களை(த் தண்டித்து) வேதனை செய்யலாம்; அல்லது அவர்களுக்கு அழகிய நன்மை செய்யலாம்" என்று நாம் கூறினோம்.

18:90. அவர் சூரியன் உதயமாகும் (கிழக்குத்) திசையை அடைந்தபோது, அது ஒரு சமூகத்தாரின் மீது உதயமாகி (அவர்கள் வெயிலில்) இருப்பதைக் கண்டார்; அதனை விட்டுக் (காத்துக் கொள்ளும்) எந்தத் தடுப்பையும் அவர்களுக்கு நாம் ஏற்படுத்தவில்லை.

20:130. ஆகவே, (நபியே!) அவர்கள் சொல்வதை (யெல்லாம்) நீர் பொறுத்துக்கொள்வீராக! இன்னும், சூரியன் உதிப்பதற்கு முன்னும், அது மறைவதற்கு முன்னும், இரவு நேரங்களிலும் உம்முடைய இறைவனின் புகழைத் துதிப்பீராக! இன்னும், பகலின் (இரு) முனைகளிலும் இவ்வாறே துதி செய்வீராக! இதனால் (நன்மைகளடைந்து) நீர் திருப்திபெறலாம்.

21:33. இன்னும், அவனே இரவையும், பகலையும், சூரியனையும், சந்திரனையும் படைத்தான்; (வானில் தத்தமக்குரிய) வட்டவரைக்குள் ஒவ்வொன்றும் நீந்துகின்றன.

22:18. வானங்களிலுள்ளவர்களும், பூமியிலுள்ளவர்களும், சூரியனும், சந்திரனும், நட்சத்திரங்களும், மலைகளும், மரங்களும், உயிரினங்களும், மனிதர்களில் பெரும்பாலானவர்களும் நிச்சயமாக அல்லாஹ்வுக்கு ஸுஜூது செய்(து வணங்கு)கின்றனர் என்பதை நீர் பார்க்கவில்லையா? இன்னும், அநேகர் மீது வேதனை விதியாகிவிட்டது. அன்றியும், எவனை அல்லாஹ் இழிவுப்படுத்துகிறானோ அவனைக் கண்ணியப்படுத்துபவன் எவனுமில்லை; நிச்சயமாக அல்லாஹ் தான் நாடியதைச் செய்கிறான்.

25:45. (நபியே!) உம்முடைய இறைவன் நிழலை எப்படி நீட்டுகின்றான் என்பதை நீர் பார்க்கவில்லையா? மேலும், அவன் நாடினால் அதனை (ஒரே நிலையில்) அசைவற்றிருக்கச் செய்யமுடியும்; (நபியே!) பின்னர், சூரியனை நாம்தாம் நிழலுக்கு ஆதாரமாக ஆக்கினோம்.

27:24. "அவளும் அவளுடைய சமூகத்தாரும் அல்லாஹ்வையன்றி, சூரியனுக்கு ஸுஜூது செய்வதை நான் கண்டேன்; அவர்களுடைய (இத்தவறான) செயல்களை அவர்களுக்கு ஷைத்தான் அழகாகக் காண்பித்து, அவர்களை நேரான வழியிலிருந்து தடுத்துள்ளான்; ஆகவே, அவர்கள் நேர்வழி பெறவில்லை."

29:61. மேலும், (நபியே!) நீர் இவர்களிடத்தில் "வானங்களையும், பூமியையும் படைத்துச் சூரியனையும், சந்திரனையும் (தன் அதிகாரத்தில்) வசப்படுத்தியிருப்பவன் யார்?" என்று கேட்டால், "அல்லாஹ்" என்றே இவர்கள் திட்டமாகக் கூறுவார்கள். அவ்வாறாயின், அவர்கள் (உண்மையை விட்டு) எங்கே திருப்பப்படுகிறார்கள்?

31:29. நிச்சயமாக அல்லாஹ் தான் இரவைப் பகலில் புகுத்துகிறான்; பகலை இரவில் புகுத்துகிறான்; இன்னும் சூரியனையும், சந்திரனையும் வசப்படுத்தினான் என்பதை நீர் பார்க்கவில்லையா? ஒவ்வொன்றும் ஒரு குறிப்பிட்ட தவணைவரை செல்கின்றன; அன்றியும், நிச்சயமாக அல்லாஹ் நீங்கள் செய்பவற்றை நன்கறிபவன்.

35:13. அவனே இரவைப் பகலில் புகுத்துகிறான்; பகலை இரவில் புகுத்துகிறான்; சூரியனையும் சந்திரனையும் (தன்) வசப்படுத்தி வைத்திருக்கின்றான்; இவை அனைத்தும் குறிப்பிட்ட காலத்தின்படியே செல்கின்றன; அவனே உங்களுடைய இறைவனாகிய அல்லாஹ்; அரசாட்சியெல்லாம் அவனுக்குரியதே! அவனையன்றி நீங்கள் எவர்களைப் பிரார்த்தி(த்து அழை)க்கின்றீர்களோ, அவர்களுக்கு அணுவளவும் அதிகாரம் இல்லை.

36:38. இன்னும், (அவர்களுக்கு அத்தாட்சி) சூரியன் - தன் வரையறைக்குள் அது சென்று கொண்டிருக்கிறது: இது யாவரையும் மிகைத்தோனும், யாவற்றையும் நன்கறிந்தோனுமாகிய (இறை)வன் விதித்ததாகும்.

36:40. சூரியன் சந்திரனை அடைய முடியாது; இரவு பகலை முந்த முடியாது; இவ்வாறே எல்லாம் (தம்) வட்ட வரைக்குள் நீந்திச் செல்கின்றன.

39:5. அவன் வானங்களையும், பூமியையும் உண்மையைக் கொண்டு படைத்திருக்கிறான்; அவனே பகலின் மீது இரவைச் சுருட்டுகிறான்; இன்னும், இரவின் மீது பகலைச் சுருட்டுகிறான்; சூரியனையும், சந்திரனையும் (தன் ஆதிக்கத்திற்குள்) வசப்படுத்தினான்; இவை ஒவ்வொன்றும் குறிப்பிட்ட தவணைப் பிரகாரம் ஓடுகிறது; (நபியே!) அறிந்து கொள்வீராக! அவன் (யாவரையும்) மிகைத்தவன்; மிக மன்னிப்பவன்.

41:37. இரவும் பகலும், சூரியனும் சந்திரனும் அவனுடைய அத்தாட்சிகளில் உள்ளவைதாம்; ஆகவே, நீங்கள் சூரியனுக்கும் சந்திரனுக்கும் ஸுஜூது செய்யாதீர்கள்; இவற்றைப் படைத்தவனாகிய அல்லாஹ்வுக்கே - அவனையே நீங்கள் வணங்குபவர்களாக இருந்தால் - ஸுஜூது செய்யுங்கள்.

50:39. எனவே, (நபியே) அவர்கள் கூறுவதைப் பற்றிப் பொறுமையோடிருப்பீராக! இன்னும், சூரிய உதயத்திற்கு முன்னரும், (அது) அஸ்தமிப்பதற்கு முன்னரும் உம்முடைய இறைவனின் புகழைக் கொண்டு நீர் துதிப்பீராக!

55:5. சூரியனும், சந்திரனும் (அவற்றிற்கு நிர்ணயிக்கப்பெற்ற) கணக்கின்படியே இருக்கின்றன.

71:16. "இன்னும், அவற்றில் சந்திரனைப் பிரகாசமாகவும், சூரியனை ஒளிவிளக்காகவும் அவனே ஆக்கியிருக்கின்றான்."

75:9. சூரியனும் சந்திரனும் ஒன்று சேர்க்கப்பட்டு விடும்போது

76:13. அவர்கள் அங்குள்ள ஆசனங்களில் சாய்ந்து (மகிழ்ந்து) இருப்பார்கள்; சூரியனையோ, கடுங்குளிரையோ அதில் அவர்கள் காணமாட்டார்கள்.

81:1. சூரியன் (ஒளியில்லாததாகச்) சுருட்டப்படும் போது,

91:1. சூரியன் மீதும் அதன் பிரகாசத்தின் மீதும் சத்தியமாக!