3:151. விரைவிலேயே நிராகரிப்பவர்களின் இதயங்களில் திகிலை உண்டாக்குவோம்; ஏனெனில், (அல்லாஹ்) எவ்விதமான ஆதாரமும் இறக்கிவைக்காமலிருக்க, அவர்கள் அல்லாஹ்வுக்கு இணைவைத்தார்கள்; தவிர, அவர்கள் தங்குமிடம் நரகம்தான்; அக்கிரமக்காரர்கள் தங்குமிடம் மிகவும் கெட்டது.

3:197. (இது) மிகவும் அற்பசுகம்; பிறகு, அவர்கள் தங்குமிடம் நரகமேயாகும்; அது மிகவும் கெட்ட தங்குமிடமுமாகும்.

7:24. (அதற்கு இறைவன், "இதிலிருந்து) நீங்கள் இறங்குங்கள்; உங்களில் ஒருவர் மற்றவருக்குப் பகைவராயிருப்பீர்கள்; உங்களுக்குப் பூமியில் தங்குமிடம் இருக்கிறது; அதில் ஒரு (குறிப்பிட்ட) காலம்வரை நீங்கள் சுகம் அனுபவித்தலும் உண்டு" என்று கூறினான்.

8:16. (எதிரிகளை) வெட்டுவதற்கு இடம் மாறுபவராகவோ அல்லது (தம்) கூட்டத்தாருடன் சேர்ந்து கொள்வதற்காகவோ அன்றி, அந்நாளில் எவரேனும் புறமுதுகுக்காட்டித் திரும்புவாரானால், நிச்சயமாக அவர் அல்லாஹ்வின் கோபத்திற்கு உள்ளாகிவிடுவார்; அவர் தங்குமிடம் நரகமே; இன்னும், அது மிகவும் கெட்ட தங்குமிடம்.

10:8. அவர்கள் சம்பாதித்துக் கொண்டிருந்த (தீய)வைகளின் காரணமாக, அவர்கள் தங்குமிடம் நரகம்தான்.

13:18. தம் இறைவனுடைய அழைப்புக்கு பதிலளிக்கிறவர்களுக்கு நன்மையுண்டு; இன்னும், எவர்கள் (அவனது கட்டளையை ஏற்று) அவனுக்கு பதிலளிக்கவில்லையோ, அவர்களுக்கு பூமியிலுள்ள பொருட்கள் யாவும் சொந்தமாக இருந்து, அத்துடன் அதைப்போன்றே (இன்னொரு) பாகமும் இருந்து (மறுமையின் வேதனையிலிருந்து தப்பித்துக்கொள்ள) அவற்றையெல்லாம் மீட்டுப் பொருட்களாகக் கொடுத்துவிட்டு நாடுவார்கள்! (ஆனால், இது பலனை அளிக்காது;) இத்தகையோர் - அவர்களுக்குக் கடினமான கேள்விக்கணக்கு உண்டு; அவர்கள் தங்குமிடம் நரகமேயாகும்; அது, மிகவும் கெட்ட புகலிடமும் ஆகும்.

16:29. ஆகவே, "நீங்கள் நரகத்தின் வாயில்களில் புகுந்து, அதில் என்றென்றும் தங்கியிருங்கள்" (என்று வானவர்கள் கூறுவார்கள்; ஆணவம் கொண்டு) பெருமையடித்துக் கொண்டிருந்த இவர்களின் தங்குமிடம் மிகவும் கெட்டது.

32:20. ஆனால், எவர்கள் (வரம்பு மீறிப்) பாவம் செய்தார்களோ, அவர்கள் தங்குமிடம் (நரக) நெருப்புத்தான்; அவர்கள் அதை விட்டு வெளியேற நாடும்போதெல்லாம், அதிலேயே மீண்டும் தள்ளப்பட்டு, "எதனை நீங்கள் பொய்ப்பித்துக்கொண்டிருந்தீர்களோ அந்த (நரக) நெருப்பின் வேதனையை அனுபவியுங்கள்" என்று அவர்களுக்குச் சொல்லப்படும்.

38:55. இது (நல்லோருக்காக); ஆனால், நிச்சயமாகத் தீயவர்களுக்கு மிகக் கெட்ட தங்குமிடம் இருக்கிறது.

38:60. அதற்கு அவர்கள்: "அப்படியல்ல, நீங்கள்தான்! உங்களுக்கும் சங்கை கிடையாது! நீங்கள்தாம் எங்களுக்கு இதை (இந்நிலையை) முற்படுத்தி வைத்தீர்கள்; (ஆதலால் நம் இருகூட்டத்தாருக்கும்) தங்குமிடம் மிகவும் கெட்டது" என்று கூறுவர்.

39:60. அன்றியும், அல்லாஹ்வின் மீது பொய்யுரைத்தார்களே அவர்களுடைய முகங்கள் மறுமை நாளில் கறுத்துப்போயிருப்பதை நீர் காண்பீர்; பெருமையடிப்பவர்களின் தங்குமிடம் நரகத்தில் இருக்கிறதல்லவா?

39:72. "நரகத்தின் வாயில்களுள், அதில் நிரந்தரமானவர்களாகத் தங்கியிருக்கும் நிலையில் நுழைந்துவிடுங்கள்" என்று (அவர்களுக்குக்) கூறப்படும்; பெருமை அடித்துக்கொண்டிருந்தோருடைய தங்குமிடம் மிகவும் கெட்டது.

40:76. "நீங்கள் நரகத்தின் வாயில்களுள் - அதில் என்றென்றும் தங்குபவர்களாகப் பிரவேசியுங்கள்" (என்று கூறப்படும்); எனவே, பெருமையடித்துக் கொண்டிருந்தவர்களின் தங்குமிடம் மிகவும் கெட்டது.

41:24. ஆகவே, அவர்கள் (வேதனையைச் சகித்துப்) பொறுமையாக இருந்தபோதிலும், அவர்களுக்கு (நரக) நெருப்புத்தான் தங்குமிடமாகும்; அன்றி (கூக்குரலிட்டு) அவர்கள் மன்னிப்புக் கேட்டபோதிலும், அவர்கள் மன்னிக்கப்பட்டோரில் உள்ளவராக மாட்டார்கள்.

45:34. இன்னும், "நீங்கள் உங்களுடைய இந்நாளின் சந்திப்பை மறந்துவிட்டது போன்றே, இன்றைய தினம் நாம் உங்களை மறக்கிறோம்; அன்றியும், உங்கள் தங்குமிடம் நரகம்தான்; மேலும், உங்களுக்கு உதவி செய்பவர் எவருமில்லை" என்று (அவர்களுக்குக்) கூறப்படும்.

57:15. ஆகவே, இன்று உங்களிடமிருந்தோ நிராகரித்தவர்களிடமிருந்தோ (உங்களுக்குரிய வேதனைக்குப் பதிலாக) எந்த வகையான நஷ்டஈடும் வாங்கப்படமாட்டாது; உங்களுடைய தங்குமிடம் நரகம்தான்; அதுதான் உங்களுக்குத் துணை; அதுவோ சென்றடையும் இடங்களிலெல்லாம் மிகக்கெட்டதாகும் (என்றும் கூறப்படும்).

75:12. அந்நாளில் உம் இறைவனிடம்தான் தங்குமிடம் உண்டு.

101:9. அவன் தங்குமிடம் "ஹாவியா" தான்.