6:6. அவர்களுக்கு முன்னர் நாம் எத்தனையோ தலைமுறையினரை அழித்திருக்கின்றோம் என்பதை அவர்கள் பார்க்கவில்லையா? நாம் உங்களுக்குச் செய்துதராத வசதிகளையெல்லாம் பூமியில் அவர்களுக்குச் செய்துகொடுத்திருந்தோம்: அவர்கள்மீது நாம் வானத்தைத் தொடர்ந்து மழை பெய்யுமாறு செய்து அவர்களுக்குக் கீழே ஆறுகள் ஓடும்படிச் செய்தோம்; பிறகு, அவர்களுடைய பாவங்களின் காரணத்தால் அவர்களை அழித்துவிட்டோம்; அவர்களுக்குப்பின் வேறு தலைமுறையினரை நாம் உண்டாக்கினோம்.

17:17. நூஹுக்குப் பின் எத்தனை தலைமுறையினரை நாம் அழித்திருக்கின்றோம்? இன்னும், தன் அடியார்களின் பாவங்களை நன்கறிந்தவனாகவும், கூர்ந்து நோக்குபவனாகவும் இருப்பதற்கு உம் இறைவன் போதுமானவன்.

19:74. இன்னும், இவர்களைவிட மிக்க அழகான தளவாடங்களையும், தோற்றத்தையும் பெற்றிருந்த எத்தனையோ தலைமுறைகளை இவர்களுக்கு முன் நாம் அழித்திருக்கிறோம்.

19:98. அவர்களுக்கு முன்னர், எத்தனையோ தலைமுறையினரை நாம் அழித்திருக்கிறோம்: அவர்களில் ஒருவரையேனும் நீர் பார்க்கிறீரா? அல்லது, அவர்களுடைய இலேசான சப்தத்தை நீர் கேட்கிறீரா?

20:51. "அப்படியென்றால், முன் சென்ற தலைமுறைகளின் நிலைமை என்ன?" என்று கேட்டான்.

20:128. இவர்களுக்கு முன் நாம் எத்தனையோ தலைமுறையினரை அழித்திருக்கிறோம் என்பது அவர்களுக்குப் படிப்பினையைத் தந்து, நேர்வழி காட்டவில்லையா? அழிந்து போன அவர்கள் குடியிருந்த இடங்களில்தானே இவர்கள் நடக்கிறார்கள்; நிச்சயமாக அதில் அறிவுடையோருக்குப் பல அத்தாட்சிகள் உள்ளன.

23:31. பின்னர், (பிரளயத்தில் மூழ்கிவிட்ட) இவர்களை அடுத்து வேறொரு தலைமுறையினரை உண்டாக்கினோம்.

23:42. அப்பால், நாம் அவர்களுக்குப் பின் வேறு தலைமுறையினரையும் உண்டாக்கினோம்.

25:38. இன்னும், ஆது, ஸமூது (கூட்டத்தாரையும்) ரஸ் (கிணறு) வாசிகளையும், இவர்களுக்கிடையில் இன்னும் அநேக தலைமுறையினரையும் (நாம் தண்டித்தோம்).

28:43. இன்னும், முந்தைய தலைமுறையினர்களை நாம் அழித்தபின் திடமாக மூஸாவுக்கு (தவ்ராத்) வேதத்தைக் கொடுத்தோம்; அது மனிதர்களுக்குப் படிப்பினைகளைத் தரக்கூடியதாகவும், நேர்வழி காட்டியாகவும், அருளாகவும் இருந்தது; அவர்கள் உபதேசம் பெறுவதற்காக.

28:45. எனினும், (அவர்களுக்குப் பின்) நாம் அநேக தலைமுறையினரை உண்டாக்கினோம்; அவர்கள் மீது காலங்கள் பல கடந்துவிட்டன; அன்றியும், நீர் மத்யன் வாசிகளிடம், அவர்களுக்கு நம் வசனங்களை ஓதிக்காண்பிக்கும் நிலையில் வசிக்கவுமில்லை; எனினும், நாம் தூதர்களை அனுப்பிவைப்போராகவே இருந்தோம்.

28:78. (அதற்கு) அவன் கூறினான்: "எனக்குள்ள அறிவின் காரணத்தால்தான் இதனைக் கொடுக்கப்பட்டிருக்கிறேன்!" இவனுக்கு முன் இவனைவிட மிக்க வலிமையுடையவர்களும், இவனைவிட அதிகப்பொருள் சேகரித்து வைத்திருந்தவர்களுமான (எத்தனையோ) தலைமுறையினரை அல்லாஹ் அழித்திருக்கின்றான் என்பதை இவன் அறியவில்லையா? ஆனால், குற்றவாளிகள் - அவர்கள் செய்த பாவங்கள்பற்றி (உடனுக்குடன்) கேள்வி கேட்கப்படமாட்டார்கள்.

32:26. இவர்களுக்கு முன்னர் நாம் எத்தனையோ தலைமுறையினரை அழித்திருப்பதும், அவர்கள் வசித்திருந்த இடங்களில் இவர்கள் நடந்துதிரிவதும் இவர்களுக்கு நேர்வழி காட்டவில்லையா? நிச்சயமாக இதில் (தக்க) அத்தாட்சிகள் இருக்கின்றன: (இதற்கு) இவர்கள் செவிசாய்க்க மாட்டார்களா?

38:3. இவர்களுக்கு முன்னர் எத்தனையோ தலைமுறையினரை நாம் அழித்திருக்கின்றோம்; அப்போது, (உதவி தேடி நம்மை) அவர்கள் அழைத்தார்கள்; அது தப்பித்துக்கொள்ளக்கூடிய நேரமாகவும் இருக்கவில்லை.

50:36. அன்றியும், (நிராகரிப்போரான) அவர்களைவிட பலசாலிகளாக இருந்த எத்தனையோ தலைமுறையினரை அவர்களுக்கு முன்னர் நாம் அழித்திருக்கின்றோம்; அவர்கள் (அழிவிலிருந்து தப்பித்துக்கொள்ள) பல ஊர்களிலும் சுற்றித்திரிந்தனர்; ஆனால், அவர்கள் தப்பித்துக் கொள்ள புகலிடம் இருந்ததா?