2:207. இன்னும், அல்லாஹ்வின் திருப்பொருத்தத்தை நாடித் தன்னையே தியாகம் செய்பவனும் மனிதர்களில் இருக்கின்றான்; அல்லாஹ் (இத்தகைய தன்) அடியார்கள் மீது அளவற்ற அன்புடையவனாக இருக்கின்றான்.

3:140. (உஹுதுப் போரில்) உங்களுக்கு ஒரு காயம் ஏற்பட்டது என்றால், அதேபோன்று அக்கூட்டத்தினருக்கும் (பத்ருப் போரில்) காயம் ஏற்பட்டுள்ளது; இத்தகைய (சோதனைக்) காலங்களை மனிதர்களிடையே நாமே மாறிமாறி வரச்செய்கின்றோம்; இதற்குக் காரணம், நம்பிக்கை கொண்டோரை அல்லாஹ் அறிவதற்கும், உங்களில் உயிர்த்தியாகம் செய்வோரை உருவாக்குவதற்குமே ஆகும்; இன்னும், அல்லாஹ் அநியாயம் செய்வோரை நேசிப்பதில்லை.

8:72. நிச்சயமாக எவர்கள் நம்பிக்கை கொண்டு, ஹிஜ்ரத் செய்து, தம் செல்வங்களாலும், தங்களது உயிர்களாலும் அல்லாஹ்வின் பாதையில் போர் செய்தார்களோ, அவர்களும்; எவர்கள் இத்தகையோருக்குப் புகலிடம் கொடுத்து உதவியும் செய்தார்களோ, அவர்களும்; அவர்களில் சிலர் சிலருக்கு உற்ற நண்பர்கள் ஆவார்கள்; எவர்கள் நம்பிக்கை கொண்டு ஹிஜ்ரத் செய்யவில்லையோ, அவர்கள் ஹிஜ்ரத் செய்யும் வரையில், நீங்கள் அவர்களுடைய எவ்விஷயத்திலும் பொறுப்பாளிகளல்ல; எனினும், அவர்கள் மார்க்க விஷயத்தில் உங்களிடம் உதவி தேடினால், உதவி புரிவது உங்கள் மீது கடமையாகும்; ஆனால், உங்களுக்கும், எவர்களுக்கும் மத்தியில் உடன்படிக்கை இருக்கிறதோ, அக்கூட்டத்தினருக்கு எதிராகத் தவிர, அல்லாஹ் நீங்கள் செய்பவற்றை நன்கு கவனித்துக் கொண்டே இருக்கிறான்.

9:20. எவர்கள் நம்பிக்கை கொண்டு ஹிஜ்ரத் செய்து, தங்களுடைய செல்வங்களாலும், தங்களுடைய உயிர்களாலும் அல்லாஹ்வின் பாதையில் அறப்போர் செய்தார்களோ, அவர்கள் அல்லாஹ்விடம் பதவியால் மகத்தானவர்கள்; மேலும், அவர்கள்தாம் வெற்றியாளர்கள்.

47:31. அன்றியும், (அல்லாஹ்வின் பாதையில்) போர் புரிவோரையும் பொறுமையாளர்களையும் நாம் அறியும் வரை, உங்களை நிச்சயமாக நாம் சோதிப்போம்; உங்கள் செய்திகளையும் நாம் சோதிப்போம்; (அவற்றின் உண்மையை வெளிப்படுத்துவதற்காக.)

49:15. நிச்சயமாக (உண்மையான) நம்பிக்கையாளர்கள் யார் என்றால், அவர்கள் அல்லாஹ்வின் மீதும், அவனுடைய தூதர் மீதும் நம்பிக்கை கொண்டு, பின்னர் (அது பற்றி அவர்கள் எத்தகைய) சந்தேகமும் கொள்ளாது, தம் செல்வங்களைக் கொண்டும், தம் உயிர்களைக் கொண்டும் அல்லாஹ்வின் பாதையில் தியாகம் செய்வார்கள்; இத்தகையவர்கள்தாம் உண்மையாளர்கள்.