2:169. நிச்சயமாக அவன் தீயவற்றையும், மானக்கேடானவற்றையும், அல்லாஹ்வைப் பற்றி நீங்கள் அறியாததைக் கூறும்படியும் உங்களை ஏவுகிறான்.

2:271. தான தர்மங்களை நீங்கள் வெளிப்படையாகச் செய்தால் அதுவும் நல்லதே; (ஏனெனில், அவ்வாறு செய்யப் பிறரையும் அது தூண்டும்;) எனினும், அவற்றை மறைத்து ஏழைகளுக்கு வழங்கினால் அது உங்களுக்கு இன்னும் நல்லது; (தர்மங்களால்) அவன் உங்கள் தீமைகளை அழித்துவிடுவான்; நீங்கள் செய்வதை(யெல்லாம்) அல்லாஹ் நன்கறிந்தவனாகவே இருக்கின்றான்.

3:30. ஒவ்வோர் ஆத்மாவும், தான் செய்த நன்மைகளும், இன்னும் தான் செய்த தீமைகளும் தன்முன் ஆஜராக்கப்பட்டதாகக் காணும் (அந்) நாளில், அது தான் செய்த தீமைக்கும் தனக்கும் இடையே வெகுதூரம் இருக்கவேண்டுமே என்று விரும்பும்; அல்லாஹ் தன்னைப்பற்றி உங்களை எச்சரிக்கின்றான்; இன்னும், அல்லாஹ் தன் அடியார்கள் மீது கருணை உடையோனாக இருக்கின்றான்.

3:120. ஏதாவது ஒரு நன்மை உங்களுக்கு ஏற்பட்டால், அது அவர்களுக்கு வருத்தத்தைக் கொடுக்கிறது; உங்களுக்கு ஏதாவது தீமை ஏற்பட்டால், அதற்காக அவர்கள் மகிழ்ச்சி அடைகிறார்கள்; நீங்கள் பொறுமையாக இருந்து (அல்லாஹ்வை) அஞ்சினால் அவர்களுடைய சூழ்ச்சி உங்களுக்கு எந்தத் தீமையும் செய்யாது; நிச்சயமாக அல்லாஹ் அவர்கள் செய்வதை (எல்லாம்) சூழ்ந்து அறிகிறவன்.

3:174. இதனால், அவர்கள் அல்லாஹ்விடமிருந்து அருளையும், மேன்மையையும் பெற்றுத் திரும்பினார்கள்; எத்தகைய தீங்கும் அவர்களைத் தீண்டவில்லை; (ஏனெனில்,) அவர்கள் அல்லாஹ்வின் பொருத்தத்தைப் பின்பற்றினார்கள்; அல்லாஹ் மகத்தான அருளுடையவனாக இருக்கிறான்.

3:193. "எங்கள் இறைவனே! 'உங்கள் இறைவன் மீது நம்பிக்கை கொள்ளுங்கள்!' என்று நம்பிக்கையின் பக்கம் அழைத்தவரின் அழைப்பை நிச்சயமாக நாங்கள் செவிமடுத்து, நாங்கள் திட்டமாக நம்பிக்கை கொண்டோம்; எங்கள் இறைவனே! எங்களுக்கு எங்கள் பாவங்களை மன்னிப்பாயாக! எங்கள் தீமைகளை எங்களை விட்டும் அகற்றி விடுவாயாக! இன்னும், எங்களை நல்லோர்களுடன் மரணிக்கச் செய்வாயாக" (என்றும்),

3:195. ஆதலால், அவர்களுடைய இறைவன் அவர்களுடைய (இப்)பிரார்த்தனையை ஏற்றுக் கொண்டான்; "உங்களில் ஆணோ, பெண்ணோ எவரது செயலையும் நிச்சயமாக நான் வீணாக்கமாட்டேன்; (ஏனெனில் ஆணாகவோ, பெண்ணாகவோ இருப்பினும்) உங்களில் சிலர் சிலரில் உள்ளவர்தாம்; எனவே, எவர்கள் ஹிஜ்ரத் செய்தார்களோ - மேலும், தங்கள் வீடுகளிலிருந்து வெளியேற்றப்பட்டார்களோ - மேலும், என் பாதையில் துன்புறுத்தப்பட்டார்களோ - மேலும், போரிட்டார்களோ - மேலும், (போரில்) கொல்லப்பட்டார்களோ, அவர்களுடைய தீமைகளை அவர்களை விட்டும் நிச்சயமாக அகற்றிவிடுவேன்; இன்னும், எவற்றின் கீழே ஆறுகள் ஓடிக் கொண்டிருக்கின்றனவோ, அந்தச் சுவனபதிகளில் நிச்சயமாக நான் அவர்களைப் புகுத்துவேன்" (என்று கூறுவான்); (இது) அல்லாஹ்விடமிருந்துள்ள கூலியாக (அவர்களுக்குக் கிடைக்கும்); இன்னும், அல்லாஹ்வாகிய அவனிடத்தில் அழகிய கூலியுண்டு.

4:17. எவர்கள் அறியாமையினால் தீமை செய்துவிட்டு பின்னர் விரைவில் மன்னிப்புத் தேடிக்கொள்கிறார்களோ அவர்களுக்குத்தான் அல்லாஹ்விடத்தில் மன்னிப்பு உண்டு; அல்லாஹ் அவர்களை மன்னிப்பான்; இன்னும், அல்லாஹ் நன்கறிந்தோனும் ஞானம் உடையோனுமாக இருக்கிறான்.

4:18. இன்னும், எவர்கள் தீவினைகளைத் (தொடர்ந்து) செய்துகொண்டேயிருந்து முடிவில் அவர்களை மரணம் வந்துவிட்ட நேரத்தில் "நிச்சயமாக இப்பொழுது நான் (பாவங்களுக்காக வருந்தி) மன்னிப்புத் தேடுகிறேன்" என்று கூறுகிறார்களோ அவர்களுக்கும், எவர்கள் நிராகரிப்பவர்களாக இருக்கும் நிலையில் மரணிக்கிறார்களோ அவர்களுக்கும் பாவமன்னிப்பு இல்லை; இத்தகையோருக்கு துன்பம் கொடுக்கும் வேதனையையே நாம் சித்தப்படுத்தி வைத்துள்ளோம்.

4:31. நீங்கள் தடுக்கப்பட்டுள்ளவற்றில் பெரும் பாவங்களைவிட்டும் விலகிக்கொண்டால், உங்களுடைய (மற்ற சிறு) பாவங்களை உங்களை விட்டும் நாம் போக்கிவிடுவோம்; உங்களை நாம் மதிப்புமிக்க இடத்தில் புகுத்துவோம்.

4:78. "நீங்கள் எங்கிருந்தபோதிலும் உங்களை மரணம் அடைந்தேதீரும்; நீங்கள், மிகவும் உறுதியாகக் கட்டப்பட்ட கோட்டைகளில் இருந்தபோதிலும் சரியே!" (போருக்குச் சென்ற நயவஞ்சகர்களான) அவர்களுக்கு ஏதேனும் ஒரு நன்மை ஏற்பட்டால், "இது அல்லாஹ்விடமிருந்து கிடைத்தது" என்று கூறுகிறார்கள்; ஆனால், அவர்களுக்கு ஏதாவது தீங்கு ஏற்பட்டாலோ "இது உம்மிடம் இருந்துதான் ஏற்பட்டது" என்று கூறுகிறார்கள்; (நபியே! அவர்களிடம்) கூறும்: "எல்லாம் அல்லாஹ்விடமிருந்தே வந்திருக்கின்றன; இந்த மக்களுக்கு என்ன நேர்ந்து விட்டது? எந்த ஒரு விஷயத்தையும் அவர்கள் விளங்கிக்கொள்வதில்லையே!"

4:79. "உனக்குக் கிடைக்கும் எந்த நன்மையும் அல்லாஹ்விடமிருந்தே கிடைக்கிறது; இன்னும், உனக்கு ஏதாவது ஒரு தீங்கு ஏற்பட்டால் அது உன்னால்தான் (ஏற்பட்டது). நபியே! நாம் உம்மை மனிதர்களுக்கு (இவற்றை எடுத்துக்கூறுவதற்காகத்) தூதராகவே அனுப்பியுள்ளோம்! (இதற்கு) அல்லாஹ்வே போதுமான சாட்சியாக இருக்கின்றான்."

4:85. எவரேனும் ஒரு நன்மைக்குப் பரிந்துரை செய்தால், அதில் ஒரு பாகம் அவருக்கும் உண்டு; (அவ்வாறே) எவரேனும் ஒரு தீமைக்குப் பரிந்துரை செய்தால், அதிலிருந்து அவருக்கும் ஒரு பாகமுண்டு; அல்லாஹ் எல்லாப் பொருட்களையும் கண்காணிப்பவனாக இருக்கின்றான்.

4:110. எவரேனும் ஒரு தீமையைச் செய்துவிட்டு, அல்லது தமக்குத்தாமே அநியாயம் செய்து பின்னர், அவர் (மனப்பூர்வமாக) அல்லாஹ்விடம் மன்னிப்புக் கேட்பாரானால், அவர் அல்லாஹ்வை மன்னிப்பவனாகவும் மிக்க கருணையுடையவனாகவும் காண்பார்.

4:123. (நம்பிக்கையாளர்களே! மறுமையில்) நீங்கள் விரும்பியபடியோ, அல்லது வேதத்தையுடையவர்கள் விரும்பியபடியோ (எதுவும் நடப்பது) இல்லை; எவன் தீமை செய்கின்றானோ, அவன் அதற்குரிய தண்டனை வழங்கப்படுவான்; இன்னும், அவன் (அங்கு) அல்லாஹ்வைத் தவிர எந்தப் பாதுகாவலனையும் உதவி செய்பவனையும் காணமாட்டான்.

4:148. அநியாயம் செய்யப்பட்டவரைத் தவிர (வேறு யாரும்) தீய வார்த்தையைப் பகிரங்கமாகக் கூறுவதை அல்லாஹ் விரும்பமாட்டான்; அல்லாஹ் நன்கு செவியுறுவோனாகவும், யாவற்றையும் அறிபவனாகவும் இருக்கின்றான்.

4:149. நீங்கள் ஒரு நன்மையை வெளிப்படையாகச் செய்தாலும், அல்லது அதனை மறைத்துக் கொண்டாலும், அல்லது (ஒருவர் உங்களுக்குச் செய்த) தீமையை நீங்கள் மன்னித்தாலும் (அது உங்களுக்கு மிகவும் நல்லது) - ஏனெனில், நிச்சயமாக அல்லாஹ் மன்னிப்பவனாகவும், பேராற்றல் உடையோனாகவும் இருக்கின்றான்.

5:65. வேதமுடையவர்கள் மெய்யாகவே நம்பிக்கை கொண்டு (அல்லாஹ்வுக்கு) அஞ்சினால், நிச்சயமாக நாம் அவர்களுடைய பாவங்களை அவர்களைவிட்டும் போக்கி, அவர்களை (நிலையான) இன்பங்கள் மிகுந்த சுவனபதிகளில் நுழையவைப்போம்.

6:54. நம் வசனங்களை நம்பியவர்கள் உம்மிடம் வந்தால், "உங்கள் மீது சாந்தி உண்டாவதாக!" என்று (நபியே!) நீர் கூறும்; உங்கள் இறைவன் கிருபை செய்வதைத் தன் மீது கடமையாக்கிக் கொண்டான்; உங்களில் எவரேனும் அறியாமையினால் (யாதொரு) தீமையைச் செய்துவிட்டு, பிறகு அதற்குப் பின், (பாவத்தை விட்டும்) வருந்தி (அதிலிருந்து விலகி) சீர்திருத்திக் கொண்டாரோ, (அவருடைய குற்றங்களை அல்லாஹ் மன்னித்து விடுவான்; ஏனென்றால்,) நிச்சயமாக அவன் மன்னிப்பவனாகவும், மிக்க கருணையுடையவனாகவும் இருக்கின்றான்.

6:160. எவர் ஒருவர் ஒரு நன்மையைச் செய்கிறாரோ அவருக்கு, அதுபோல் பத்துபங்கு நன்மை உண்டு; எவர் ஒருவர் ஒரு தீமையைச் செய்கிறாரோ அதைப்போன்ற அளவுடைய கூலியே அவர் கொடுக்கப்படுவார்; அவர்கள் அநியாயம் செய்யப்படவும் மாட்டார்கள்.

7:73. 'ஸமூது' கூட்டத்தாரிடம், அவர்கள் சகோதரராகிய ஸாலிஹை (நம் தூதராக அனுப்பி வைத்தோம்); அவர், (அவர்களை நோக்கி) "என் சமூகத்தார்களே! அல்லாஹ்வையே வணங்குங்கள்; அவனன்றி உங்களுக்கு வேறு கடவுள் இல்லை; (இதற்காக) நிச்சயமாக உங்களுக்கு உங்கள் இறைவனிடமிருந்து ஒரு தெளிவான அத்தாட்சியும் வந்துள்ளது; இது அல்லாஹ்வின் ஒட்டகமாகும்; உங்களுக்கு ஓர் அத்தாட்சியாக (இது வந்துள்ளது); எனவே, இதை அல்லாஹ்வின் பூமியில் (தடையேதுமின்றி) மேய விட்டுவிடுங்கள்; அதை எத்தகைய தீங்கும் கொண்டு தீண்டாதீர்கள்; (அப்படிச் செய்தால்) அப்போது உங்களை நோவினை செய்யும் வேதனை பிடித்துக் கொள்ளும்" என்று கூறினார்.

7:131. அவர்களுக்கு ஒரு நன்மை வருமானால் "இது எங்களுக்கு உரியது!" என்று கூறுகின்றனர்; ஆனால், அவர்களுக்கு ஒரு கெடுதி ஏற்படுமானால், அது மூஸாவினாலும், அவருடன் இருப்பவர்களாலும் வந்த பீடையென்பார்கள். அறிந்து கொள்ளுங்கள்! அவர்களுடைய இந்த துர்பாக்கியமெல்லாம் அல்லாஹ்விடமிருந்தே வந்துள்ளது. எனினும், அவர்களில் பெரும்பாலோர் இதனை அறிந்துகொள்வதில்லை.

7:153. ஆனால், எவர்கள் தீய செயல்கள் செய்து (மனந்திருந்தி) பின்னர், அதன் பிறகு (பாவங்களிலிருந்து விலகி உண்மையாக) நம்பிக்கை கொண்டனரோ, நிச்சயமாக அதன் பின் உம்முடைய இறைவன் மன்னிப்பவனாகவும், மிக்க கிருபை செய்பவனாகவும் இருக்கின்றான்.

7:165. அவர்கள் எது குறித்து உபதேசிக்கப்பட்டார்களோ, அதனை அவர்கள் மறந்துவிட்ட போது - தீமையைவிட்டு விலக்கிக்கொண்டிருந்தவர்களை நாம் காப்பாற்றினோம்; வரம்புமீறி அக்கிரமம் செய்துகொண்டிருந்தவர்களை அவர்கள் செய்துகொண்டிருந்த பாவத்தின் காரணமாக கடுமையான வேதனையைக் கொண்டு நாம் பிடித்தோம்.

7:168. அவர்களை நாம் பூமியில் பல பிரிவினராக (சிதறித் திரியுமாறு) பிரித்துவிட்டோம்; அவர்களில் நல்லவர்களும் இருக்கின்றார்கள்; அதுவல்லாத (கெட்ட)வர்களும் அவர்களில் இருக்கின்றார்கள் - அவர்கள் (நன்மையின் பால்) திரும்பும் பொருட்டு அவர்களை நன்மைகளைக் கொண்டும், தீமைகளைக் கொண்டும் சோதித்தோம்.

7:188. (நபியே!) நீர் கூறும்: "அல்லாஹ் நாடினாலன்றி நான் எனக்கே யாதொரு நன்மையோ அல்லது தீமையோ செய்துகொள்ள சக்திபெறமாட்டேன்; மறைந்திருப்பவற்றை நான் அறிபவனாக இருந்தால் நன்மைகளை அதிகமாகத் தேடிக் கொண்டிருப்பேன்; (அந்நிலையில் எவ்விதமான) தீங்கும் என்னைத் தீண்டியிராது; நம்பிக்கை கொள்ளும் கூட்டத்தினருக்கு நான் அச்சமூட்டி எச்சரிக்கை செய்பவனும், நன்மாராயம் கூறுபவனுமேயன்றி வேறில்லை".

8:29. நம்பிக்கை கொண்டவர்களே! நீங்கள் அல்லாஹ்வுக்கு அஞ்சுவீர்களானால் அவன் உங்களுக்கு (நன்மை-தீமையைப் பிரித்தறிந்து நடக்கக்கூடிய) நேர்வழியைக் காட்டுவான்; இன்னும், உங்களை விட்டும் உங்கள் பாவங்களைப் போக்கி உங்களை மன்னிப்பான்; (ஏனெனில்,) அல்லாஹ் மகத்தான அருளுடையவன்.

9:37. (போர் செய்யக்கூடாது என்று தடுக்கப்பட்ட இம்மாதங்களை அவர்கள் தங்கள் விருப்பப்படி) முன்னும் பின்னும் ஆக்குவதெல்லாம் நிராகரிப்பில் அதிகப்படுத்துவதாகும்; இதனால், நிராகரிப்பவர்களே வழிகெடுக்கப்படுகின்றனர்: ஏனெனில், ஒரு வருடத்தில் அ(ம்மாதங்களில் போர்புரிவ)தை அனுமதித்துக் கொள்கிறார்கள்; மற்றொரு வருடத்தில் அதைத் தடுத்துவிடுகின்றனர்; இதற்குக் காரணம் (தாங்கள் தடுத்துள்ள மாதங்களின் எண்ணிக்கையை) அல்லாஹ் தடுத்திருக்கும் (மாதங்களின்) எண்ணிக்கைக்குச் சரியாக்கிக்கொள்ளவும், அல்லாஹ் தடுத்தவற்றை தாங்கள் ஆகுமாக்கிக் கொள்வதற்காகவும்தான்; அவர்களின் (இத்)தீய செயல்கள் அவர்களுக்கு (ஷைத்தானால்) அழகாக்கப்பட்டுவிட்டன; அல்லாஹ் நிராகரிப்பாளர்களான கூட்டத்தை நேர்வழியில் செலுத்த மாட்டான்.

9:102. வேறு சிலர் தம் குற்றங்களை ஒப்புக்கொள்கின்றனர்; நற்செயலையும், வேறு தீமையையும் அவர்கள் கலந்துவிட்டனர்; அல்லாஹ் அவர்களை மன்னிக்கப் போதுமானவன்; நிச்சயமாக அல்லாஹ் மன்னிப்பவனாகவும் பெரும் கிருபையாளனாகவும் இருக்கின்றான்.

10:27. ஆனால், தீமைகளைச் சம்பாதிப்பவர்களுக்கு, (அவர்கள் செய்த) தீமைக்குக் கூலியாக அது போன்ற தீமையேயாகும்! அவர்களை இழிவு சூழ்ந்துகொள்ளும்; அவர்களை அல்லாஹ்விடமிருந்து காப்பாற்றுபவர் எவருமிலர்; அவர்களுடைய முகங்கள் இருளான இரவின் ஒரு பகுதியால் மூடிக்கொள்ளப்பட்டதைப் போல் இருக்கும்: அவர்கள் நரகநெருப்புக்கு உரியவர்கள்; அவர்கள் அதில் நிரந்தரமாக இருப்பார்கள்.

11:10. அவனுக்கு ஏற்பட்ட துன்பத்திற்குப் பின், நாம் அருட்கொடைகளை அவனுக்குச் சுவைக்கச் செய்தால், "என்னைவிட்டுத் தீங்குகளெல்லாம் போய்விட்டன" என்று நிச்சயமாகக் கூறுவான்; நிச்சயமாக அவன் பெருமகிழ்ச்சியும், பெருமையும் கொள்பவனாக இருக்கின்றான்.

11:54. "எங்களுடைய தெய்வங்களில் சில, கெடுதியைக் கொண்டும் உம்மைப் பிடித்துக்கொண்டன என்பதைத் தவிர நாங்கள் (வேறு எதுவும்) கூறுவதற்கில்லை" (என்றும் கூறினார்கள்; அதற்கு) அவர், "நிச்சயமாக நான் அல்லாஹ்வை சாட்சியாக்குகிறேன்: நீங்கள் இணைவைப்பவற்றை விட்டும் நிச்சயமாக நான் விலகிக்கொண்டேன் என்பதற்கு நீங்களும் சாட்சியாய் இருங்கள்" என்று கூறினார்.

11:64. "அன்றியும், என் சமூகத்தாரே! உங்களுக்கு ஓர் அத்தாட்சியாக இது அல்லாஹ்வுடைய பெண் ஒட்டகம்; ஆகவே, அல்லாஹ்வின் பூமியில் (எதேச்சையாக) அதை மேயவிட்டுவிடுங்கள்; எந்த விதமான தீங்கும் செய்யக்கருதி அதைத் தீண்டாதீர்கள்: (அப்படி நீங்கள் செய்தால்) மிகவும் சமீபத்திய வேதனை உங்களைப் பிடித்துக் கொள்ளும்" (என்றும் கூறினார்).

11:78. அவருடைய சமூகத்தார் அவரின்பால் விரைந்தவர்களாக அவரிடம் வந்தார்கள்; இன்னும், முன்னிருந்தே அவர்கள் தீயவற்றையே செய்து கொண்டிருந்தார்கள். (லூத் நபி, அவர்களை நோக்கி) "என் சமூகத்தாரே! இதோ இவர்கள் என் புதல்விகள்; இவர்கள் உங்களுக்கு(த் திருமணத்திற்கு)ப் பரிசுத்தமானவர்கள். எனவே, நீங்கள் அல்லாஹ்வுக்கு அஞ்சுங்கள். இன்னும், என் விருந்தினர் விஷயத்தில் என்னை நீங்கள் அவமானப்படுத்தாதீர்கள். நல்ல மனிதர் ஒருவர்(கூட) உங்களில் இல்லையா?" என்று கூறினார்.

11:114. பகலின் (காலை, மாலை ஆகிய) இரு முனைகளிலும், இரவின் சில பகுதிகளிலும் நீர் தொழுகையை நிலைநாட்டுவீராக! நிச்சயமாக நன்மைகள் தீமைகளைப் போக்கிவிடும்; (இறைவனை) நினைவு கூருவோருக்கு இது உபதேசமாகும்.

12:24. ஆனால், அவளோ அவரைத் திட்டமாக விரும்பினாள்; அவரும் தம் இறைவனின் ஆதாரத்தைக் கண்டிராவிட்டால் அவள்மீது விருப்பம் கொண்டே இருப்பார்; இவ்வாறு அவரைவிட்டுத் தீமையையும், மானக்கேடானவற்றையும் நாம் திருப்பிவிடுவதற்காக(ச் செய்தோம்); ஏனெனில், நிச்சயமாக அவர் தேர்ந்தெடுக்கப்பட்ட நம் அடியார்களில் ஒருவராக இருந்தார்.

12:25. (யூஸுஃப் அவளை விட்டும் தப்பிக்க அவள் அவரைப் பிடிக்க) ஒருவரை ஒருவர் முந்திக்கொள்ள, வாசலின் பக்கம் ஓடினார்கள்; அவள் அவருடைய சட்டையைப் பின்புறத்தில் கிழித்து விட்டாள்; அப்போது அவளுடைய கணவரை வாசல்பக்கம் இருவரும் கண்டனர்; (உடன் தன் குற்றத்தை மறைக்க) "உம் மனைவிக்குத் தீங்கிழைக்க நாடிய அவருக்குச் சிறையிலிடப்படுவதோ அல்லது நோவினைதரும் வேதனையோ தவிர வேறு என்ன தண்டனை இருக்கமுடியும்?" என்று கேட்டாள்.

12:51. (இவ்விவரம் அறிந்த அரசர் அப்பெண்களை அழைத்து) "நீங்கள் யூஸுஃபை அவர் விருப்பத்திற்கு மாறாக (உங்கள் விருப்பத்திற்கு இணங்குமாறு) மயக்கியழைத்தபோது, உங்களுக்கு நேர்ந்தது என்ன?" என்று கேட்டார்; (அதற்கு) அவர்கள், "அல்லாஹ் தூய்மையானவன்; நாங்கள் அவரிடத்தில் யாதொரு கெடுதியையும் அறியவில்லை" என்று கூறினார்கள்; அமைச்சரின் மனைவி, "இப்பொழுது (எல்லோருக்கும்) உண்மை வெளிப்பட்டுவிட்டது: நான்தான் அவரை அவர் விருப்பத்துக்கு மாறாக மயக்கியழைத்தேன்; நிச்சயமாக அவர் உண்மையாளர்களில் உள்ளவர்" என்று கூறினாள்.

12:53. "அன்றியும், நான் என் மனதை (பாவத்தை விட்டும்) பரிசுத்தமாக்கிவிடவும் இல்லை; ஏனெனில், மனது தீமையை அதிகம் தூண்டக்கூடியதாகவே இருக்கிறது - என் இறைவன் அருள்புரிந்தாலன்றி; நிச்சயமாக என் இறைவன் மிக்க மன்னிப்பவனாகவும், அருளாளனாகவும் இருக்கின்றான்" (என்றும் கூறினார்).

13:6. (நபியே!) நன்மைக்கு முன்னர் தீமையைக் கொண்டு (வருமாறு) உம்மிடம் இவர்கள் அவசரப்படுகிறார்கள்; நிச்சயமாக இவர்களுக்கு முன்னரும் (வேதனை மிக்க தண்டனைகள் வழங்கப்பட்ட) முன்னுதாரணங்கள் நடந்தேயிருக்கின்றன; நிச்சயமாக உம் இறைவன் மனிதர்களை அவர்களின் அநியாயத்திற்காக மன்னிப்பவனாகவும் இருக்கின்றான்; மேலும், நிச்சயமாக உம் இறைவன் வேதனைசெய்வதிலும் கடுமையானவனாக இருக்கின்றான்.

13:22. இன்னும், அவர்கள் எத்தகையோரென்றால் தங்கள் இறைவனின் பொருத்தத்தைத் தேடி, பொறுமையைக் கடைப்பிடிப்பார்கள்; தொழுகையையும் நிலைநிறுத்துவார்கள்; நாம் அவர்களுக்கு அளித்ததிலிருந்து இரகசியமாகவும், பகிரங்கமாகவும் (நன்முறையில்) செலவு செய்வார்கள்; நன்மையைக் கொண்டே தீமையைத் தடுத்துக் கொள்வார்கள்; இத்தகையோருக்கே மறுமையின் (சுவனபதி என்னும்) வீடு இருக்கிறது.

16:28. அவர்கள் தமக்குத்தாமே அநியாயம் செய்து கொண்டவர்களாக இருக்கும் நிலையில் வானவர்கள் அவர்(களுடைய உயிர்)களைக் கைப்பற்றுவார்கள்: அப்போது அவர்கள், "நாங்கள் எந்த விதமான தீமையும் செய்யவில்லையே!" என்று (கீழ்ப்படிந்தவர்களாக வானவர்களிடம்) சமாதானம் கோருவார்கள்; "அவ்வாறில்லை! நிச்சயமாக அல்லாஹ் நீங்கள் செய்துகொண்டிருந்தவற்றை நன்கறிந்தவன்" (என்று வானவர்கள் பதிலளிப்பார்கள்).

16:34. எனவே, அவர்கள் செய்துகொண்டிருந்த தீமைகளே அவர்களை வந்தடைந்தன; அன்றியும், எதை அவர்கள் பரிகாசம் செய்துகொண்டிருந்தார்களோ, அதுவே அவர்களைச் சூழ்ந்துகொண்டது.

16:45. தீமைகளைச் (செய்திட) சூழ்ச்சி செய்கிறவர்கள் - அல்லாஹ் அவர்களைக் கொண்டே பூமியை விழுங்கும்படி செய்யமாட்டான் என்றோ, அல்லது அவர்கள் அறியாப்புறத்திலிருந்து அவர்களை வேதனை வந்து அடையாதென்றோ அவர்கள் அச்சம் தீர்ந்து இருக்கின்றார்களா?

16:58. அவர்களில் ஒருவனுக்குப் பெண்குழந்தை (பிறந்திருப்பது) கொண்டு நன்மாராயம் கூறப்பட்டால் அவன் முகம் கறுத்துவிடுகிறது; அவன் கோபமுடையவனாகிறான்.

16:119. பிறகு, நிச்சயமாக உம் இறைவன், எவர்கள் அறியாமையினால் தீமைசெய்து, அதற்குப் பின்னர் (அவற்றிலிருந்து விலகி) பாவமன்னிப்புக்கோரி, தங்களை சீர்திருத்திக்கொள்கிறார்களோ அவர்களுக்(கு மன்னிப்பதற்)காகவே இருக்கிறான்; நிச்சயமாக அதன் பின்பும் உம் இறைவன் பிழை பொறுப்பவனாகவும், கிருபையுடையவனாகவும் இருக்கின்றான்.

23:96. (நபியே!) எது மிக அழகானதோ அதனைக் கொண்டு தீமையைத் தடுப்பீராக! அவர்கள் வர்ணிப்பதை நாம் நன்கறிவோம்.

25:70. ஆனால், (அவர்களில்) எவர் பாவமன்னிப்புக் கோரி நம்பிக்கை கொண்டு, நற்செயலைச் செய்தாரோ அவரைத் தவிர; அத்தகையோர் - அவர்களுடைய தீமைகளை நன்மைகளாக அல்லாஹ் மாற்றிவிடுவான்; மேலும், அல்லாஹ் மிக்க மன்னிப்போனாகவும் மிக்க கிருபையுடையோனாகவும் இருக்கிறான்.

26:156. "இன்னும் அவ்வொட்டகத்தை எவ்விதத் தீங்கைக் கொண்டும் நீங்கள் தீண்டாதீர்கள்; அவ்விதமாயின், கடினமான ஒரு நாளின் வேதனை உங்களைப் பிடித்துக்கொள்ளும்."

27:11. "ஆயினும், தீங்கிழைத்தவரைத் தவிர; அ(த்தகைய)வரும் (தாம் செய்த) தீமையை (உணர்ந்து அதை) நன்மையானதாக மாற்றிக் கொண்டால், நிச்சயமாக நான் மிக மன்னிப்பவனாகவும் மிக்க கிருபையுடையவனாகவும் இருக்கின்றேன்."

27:46. (அப்போது) அவர்: "என்னுடைய சமூகத்தாரே! நன்மைக்கு முன்னால் தீமைக்காக நீங்கள் ஏன் அவசரப்படுகிறீர்கள்? நீங்கள் கிருபை செய்யப்படும் பொருட்டு அல்லாஹ்விடம் மன்னிப்பு கேட்கமாட்டீர்களா?" எனக் கூறினார்.

27:90. இன்னும், எவர் தீமையைக் கொண்டு வருகிறாரோ அவர்களுடைய முகங்கள் (நரக) நெருப்பில் குப்புறத் தள்ளப்படும்; "நீங்கள் செய்து கொண்டிருந்தவற்றுக்கு அன்றி (வேறு) கூலி கொடுக்கப்படுவீர்களா?" (என்று கூறப்படும்.)

28:84. எவரேனும் நன்மையைக் கொண்டுவந்தால் அவருக்கு அதைவிட மேலானது உண்டு; எவன் தீமையைக் கொண்டுவருகிறானோ (அப்போது) தீமைகளைச் செய்தோர் - அவர்கள் செய்து கொண்டிருந்ததைத் தவிர (வேறெதுவும்) கூலியாக வழங்கப்படமாட்டார்கள்.

29:4. அல்லது, தீமைகளைச் செய்கிறார்களே அவர்கள் நம்மைவிட்டும் தாங்கள் தப்பித்துக்கொள்வார்கள் என்று எண்ணிக்கொண்டார்களா? அவர்கள் (அவ்வாறு) தீர்மானித்துக்கொண்டது மிகவும் கெட்டது.

29:7. ஆகவே, எவர்கள் நம்பிக்கை கொண்டு நற்செயல்கள் செய்கிறார்களோ அவர்களுடைய தீங்குகளை அவர்களை விட்டும் நிச்சயமாக நாம் நீக்கிவிடுவோம்; இன்னும், அவர்கள் செய்து கொண்டிருந்தவைகளுக்கு அழகான கூலியை, நிச்சயமாக நாம் அவர்களுக்குக் கொடுப்போம்.

30:10. பிறகு, அவர்கள் அல்லாஹ்வின் வசனங்களைப் பொய்ப்பிக்க முற்பட்டு அவற்றைப் பரிகசித்துக் கொண்டும் இருந்ததனால், தீமை செய்தவர்களின் முடிவும் தீமையாகவே ஆயிற்று.

30:36. இன்னும், நாம் மனிதர்களுக்கு அருளைச் சுவைக்கச் செய்தால், அவர்கள் அதைக் கொண்டு மகிழ்கிறார்கள்; ஆனால், அவர்களுடைய கைகள் முற்படுத்தி வைத்தவற்றின் காரணத்தால் ஒரு தீங்கு அவர்களுக்குச் சம்பவித்துவிட்டால் அவர்கள் நிராசையடைந்துவிடுகிறார்கள்.

32:17. அவர்கள் செய்துகொண்டிருந்தவற்றிற்குக் கூலியாக, அவர்களுக்காக மறைத்து வைக்கப்பட்டுள்ள கண்களின் குளிர்ச்சியை (மறுமையின் பேரின்பத்தை) எந்த ஓர் ஆன்மாவும் அறிந்துகொள்ள முடியாது.

35:8. எவனுக்கு அவனுடைய செயலின் கெடுதியும் அழகாகக் காண்பிக்கப்பட்டு, அவனும் அதை அழகாகக் காண்கிறானோ, அவனா? (நேர்வழி பெற்றவனைப் போலாவான்?) அன்றியும், நிச்சயமாக அல்லாஹ் தான் நாடியவரை வழிகேட்டில் விட்டுவிடுகிறான்; மேலும், தான் நாடியவரை நேர்வழியில் சேர்க்கிறான்; ஆகவே, (நபியே!) அவர்கள் மீதுள்ள கவலையால் உம்முடைய உயிர் போய்விடவேண்டாம்; நிச்சயமாக அல்லாஹ் அவர்கள் செய்வதை நன்கறிபவன்.

35:10. எவர் கண்ணியத்தை நாடுகிறாரோ கண்ணியம் யாவும் அல்லாஹ்வுக்கே உரியதாகும் (என்பதை அவர் அறிந்து கொள்ளட்டும்); தூய்மையான வாக்குகளெல்லாம் அவன் பக்கமே மேலேறிச் செல்கின்றன; நற்செயல் அதனை உயர்த்துகிறது; அன்றியும், எவர்கள் தீமைகளைச் செய்ய சதிசெய்கிறார்களோ அவர்களுக்குக் கடினமான வேதனையுண்டு; இன்னும், இவர்களுடைய சதித்திட்டம் அழிந்து போகும்.

35:43. பூமியில் பெருமையடிப்பதையும், தீய சூழ்ச்சியையும் தவிர (வேறெதையும் அவர்களுக்கு அது அதிகமாக்கவில்லை); ஆனால், தீய சூழ்ச்சி அ(ச்சூழ்ச்சி செய்த)வரைத் தவிர வேறெவரையும் சூழ்ந்துகொள்ளாது; இவர்களுக்கு முன்சென்றோர் (இறைவனுக்கு மாறு செய்து தண்டனை பெற்ற) வழியைத்தான் இவர்களும் எதிர்பார்க்கின்றனரா? அப்படியாயின், அல்லாஹ்வின் அவ்வழியில் (அதாவது பாவம் செய்தோர் தண்டனை பெறுதலில்) யாதொரு மாற்றத்தையும் நீர் காணமாட்டீர்; அல்லாஹ்வின் (அவ்)வழியில் திருப்புதலையும் நீர் காணமாட்டீர்.

39:59. (பதில் கூறப்படும்:) "மெய்யாகவே என்னுடைய வசனங்கள் உன்னிடம் வந்தன; ஆனால், அவற்றை நீ பொய்ப்பிக்க முற்பட்டுப் பெருமையடித்தாய்; நிராகரிப்போரில் ஒருவனாகி இருந்தாய்."

39:61. (அல்லாஹ்வை) பயந்தார்களே, அவர்களை அல்லாஹ் அவர்களுடைய வெற்றியைக் கொண்டு ஈடேற்றுகிறான். அவர்களை யாதொரு தீங்கும் தொடாது; அவர்கள் துக்கமடையவும் மாட்டார்கள்.

40:9. "இன்னும், அவர்களைத் தீமைகளிலிருந்து காப்பாயாக! அந்நாளில் நீ யாரை தீமைகளிலிருந்து காத்துக்கொள்கிறாயோ, அவருக்கு நிச்சயமாக நீ அருள் புரிந்துவிட்டாய்; அதுவே, மகத்தான வெற்றியாகும்" (என்றும் கூறுவர்).

40:37. "(ஆம்) வானங்களின் பாதைகளை அடைந்து மூஸாவுடைய இறைவனை நான் காணவேண்டும்; எனினும், அவர் பொய்சொல்கிறார் என்றே நிச்சயமாக நான் எண்ணுகிறேன்" (என ஃபிர்அவ்ன் கூறினான்); இவ்வாறே, ஃபிர்அவ்னுக்கு அவனுடைய தீயசெயல் அழகாக்கப்பட்டது; இன்னும், (நேர்) வழியிலிருந்து அவன் தடுக்கப்பட்டான்; ஃபிர்அவ்னுடைய சதி அழிவிலேயே தவிர இல்லை.

40:40. "எவர் தீமை செய்கிறாரோ, அவர் அதைப் போன்றதையே கூலியாகக் கொடுக்கப்படுவார்: எவர் ஒருவர், ஆணோ அல்லது பெண்ணோ நம்பிக்கை கொண்டவராக இருக்கும் நிலையில் நற்செயலைச் செய்கிறாரோ - அத்தகையோர் சுவர்க்கத்தில் பிரவேசிப்பர்; அதில் கணக்கில்லாது அவர்கள் உணவளிக்கப்படுவார்கள்."

40:45. ஆகவே, அவர்கள் சூழ்ச்சி செய்த தீமைகளை விட்டும் அல்லாஹ் அவரைக் காத்துக் கொண்டான்; மேலும், வேதனையின் கேடு ஃபிர்அவ்னின் கூட்டத்தாரைச் சூழ்ந்து கொண்டது.

41:34. நன்மையும் தீமையும் சமமாக மாட்டா, நீர் (தீமையை) மிக அழகியதைக் கொண்டு தடுத்துக் கொள்வீராக! அப்பொழுது, எவருக்கும் உமக்குமிடையே பகைமை இருந்ததோ, அவர் உற்ற நண்பரைப் போல் ஆகிவிடுவார்.

42:25. அவன்தான் தன் அடியார்களின் (தவ்பாவை-) பாவமன்னிப்புக் கோருதலை ஏற்றுக்கொள்கிறான்; (அவர்களின்) குற்றங்களை மன்னிக்கிறான்; இன்னும், நீங்கள் செய்வதை அவன் நன்கறிகிறான்.

42:40. இன்னும், தீமைக்குக் கூலி அதைப்போன்ற தீமையேயாகும்; ஆனால், எவர் (அதனை) மன்னித்துச் சமாதானம் செய்கிறாரோ அவருக்குரிய (நற்)கூலி அல்லாஹ்விடம் இருக்கிறது; நிச்சயமாக அவன் அநியாயம் செய்பவர்களை நேசிக்க மாட்டான்.

42:48. எனினும், (நபியே!) அவர்கள் புறக்கணித்துவிட்டால் (நீர் கவலையுறாதீர்!); நாம் உம்மை அவர்கள்மீது பாதுகாவலராக அனுப்பவில்லை; (தூதுச் செய்தியை எடுத்துக்கூறி) எத்திவைப்பதுதான் உம்மீது கடமையாகும்; இன்னும், நிச்சயமாக நம்முடைய அருளை மனிதனுக்குச் சுவைக்கும்படிச் செய்தால், அது கண்டு அவன் மகிழ்வடைகிறான்; ஆனால், அவர்களுடைய கைகள் முற்படுத்தியுள்ள (பாவத்தின் காரணத்)தால் அவர்களுக்குத் தீங்கு நேரிட்டால், நிச்சயமாக மனிதன் நன்றிகெட்டு மாறுசெய்பவனாக இருக்கின்றான்.

45:21. எவர்கள் தீமைகள் செய்கிறார்களோ அவர்களை, எவர்கள் நம்பிக்கை கொண்டு நற்செயல்கள் செய்கிறார்களோ அவர்களுக்குச் சமமாக நாம் ஆக்கிவிடுவோம் என்று அவர்கள் எண்ணுகின்றார்களா? அவர்கள் உயிருடனிருப்பதும், மரணமடைவதும் சமமே; அவர்கள் முடிவுசெய்து கொண்டது மிகவும் கெட்டதாகும்.

45:33. அவர்கள் செய்த தீமைகளெல்லாம் (அந்நாளில்) அவர்களுக்கு வெளியாகும்; எதை அவர்கள் பரிகாசம் செய்துகொண்டிருந்தார்களோ, அதுவே அவர்களைச் சூழ்ந்துகொள்ளும்.

46:16. இவர்கள் எத்தகையோரென்றால் சுவர்க்கவாசிகளில் உள்ளவர்களாக இருக்க, இவர்கள் செய்தவற்றில் அழகானவற்றை நாம் அங்கீகரித்துக் கொண்டு, இவர்களின் தீமைகளை மன்னித்து விடுவோம்; இவர்களுக்கு அளிக்கப்பட்டிருந்த வாக்குறுதி உண்மையான வாக்குறுதியாகும்.

47:2. ஆனால், எவர்கள் நம்பிக்கை கொண்டு நற்செயல்கள் செய்து, முஹம்மது மீது இறக்கி அருளப்பட்ட (வேதத்)தின் மீது - இது, அவர்களுடைய இறைவனிடமிருந்து (வந்து)ள்ள உண்மையாக இருக்கும் நிலையில் - நம்பிக்கை கொள்கிறார்களோ, அவர்களுடைய தீமைகளை அவர்களை விட்டும் போக்கி, அவர்களுடைய நிலையையும் சீராக்குகின்றான்.

47:14. எனவே, எவர் தம் இறைவனின் தெளிவான பாதையில் இருக்கிறாரோ அவர், எவனுடைய செயலின் தீமை அவனுக்கு அழகாகக் காண்பிக்கப்பட்டுள்ளதோ இன்னும், (எவர்கள்) தம் மனோ இச்சைகளைப் பின்பற்றுகிறார்களோ அத்தகையோருக்கு ஒப்பாவாரா?

48:5. நம்பிக்கை கொண்ட ஆண்களையும் நம்பிக்கை கொண்ட பெண்களையும் சுவர்க்கங்களில் பிரவேசிக்கச் செய்வதற்காக (இவ்வாறு அருளினான்); அவற்றின் கீழே ஆறுகள் ஓடிக் கொண்டிருக்கும்; அவர்கள் அவற்றில் நிரந்தரமாகத் தங்கியிருப்பார்கள்; அவர்களின் பாவங்களையும் அவர்களை விட்டு நீக்கிவிடுவான்; இதுவே, அல்லாஹ்விடத்தில் மகத்தான வெற்றியாகும்.

60:2. அவர்களுக்கு உங்கள் மீது வாய்ப்பு கிடைத்தால், அவர்கள் உங்களுக்கு விரோதிகளாகித் தம் கைகளையும், தம் நாவுகளையும் உங்களுக்குத் தீங்கிழைப்பதற்காக உங்கள் பால் நீட்டுவார்கள்; தவிர, நீங்களும் நிராகரிப்பாளர்களாக வேண்டும் என்று பிரியப்படுவார்கள்.

64:9. ஒன்று திரட்டும் (மறுமை) நாளுக்காக அவன் உங்களை ஒன்றுதிரட்டும் நாள் அதுவே, (தீயோரை) நஷ்டப்படுத்தும் நாளாகும்; ஆனால், எவர் அல்லாஹ்வின் மீது நம்பிக்கை கொண்டு நற்செயலைச் செய்கிறாரோ, அவருடைய பாவங்களை அவரைவிட்டும் நீக்கி, ஆறுகள் அவற்றின் கீழே ஓடிக்கொண்டிருக்கும் சுவர்க்கச் சோலைகளிலும் அவன் அவரை பிரவேசிக்கச் செய்வான்; அவற்றில் என்றென்றும் நிரந்தரமாக இருப்பார்கள்; இது மகத்தான வெற்றியாகும்.

65:5. இதுவே அல்லாஹ்வின் கட்டளையாகும்; இதை அவன் உங்களுக்கு இறக்கினான்; எவர் அல்லாஹ்வுக்கு அஞ்சிக் கொள்கிறாரோ, அவரை அவருடைய பாவங்களை விட்டும் நீக்கி, அவருக்கு (நற்)கூலியையும் மகத்தானதாக்குகின்றான்.

66:8. நம்பிக்கை கொண்டவர்களே! கலப்பற்ற முறையில் நீங்கள் அல்லாஹ்விடம் (தவ்பா செய்து) பாவமன்னிப்புப் பெறுங்கள்; உங்கள் இறைவன் உங்கள் பாவங்களை உங்களை விட்டுப் போக்கி, உங்களைச் சுவனச் சோலைகளில் பிரவேசிக்கச் செய்வான்; அவற்றின் கீழே ஆறுகள் (சதா) ஓடிக் கொண்டே இருக்கும்; (தன்) நபியையும் அவருடன் நம்பிக்கை கொண்டார்களே அவர்களையும் அந்நாளில் அல்லாஹ் இழிவுபடுத்தமாட்டான்; (அன்று ஈடேற்றம் பெற்ற) அவர்களுடைய பிரகாசம் அவர்களுக்கு முன்னும், அவர்களுடைய வலப்புறத்திலும் விரைந்துகொண்டிருக்கும்; அவர்கள் "எங்கள் இறைவா! எங்களுக்கு, எங்களுடைய பிரகாசத்தை நீ முழுமையாக்கி வைப்பாயாக! எங்களுக்கு மன்னிப்பும் அருள்வாயாக! நிச்சயமாக நீ எல்லாப் பொருட்கள் மீதும் பேராற்றலுடையவன்" என்று கூறி(ப் பிரார்த்தனை செய்து)கொண்டு இருப்பார்கள்.