10:22. அவனே உங்களைத் தரையிலும், கடலிலும் பயணம் செய்யவைக்கிறான்; (சில சமயம்) நீங்கள் கப்பலில் இருக்கும்போது நல்ல காற்றினால் (கப்பலிலுள்ள) அவர்களை அவை (சுமந்து) செல்கின்றன; அதனைக்கொண்டு அவர்கள் மகிழ்ச்சியடைந்திருக்கும் பொழுது, புயல் காற்று வீசி எல்லாப்பக்கங்களிலிருந்தும் அவர்கள் மீது அலைகள் மோதும்போது "நிச்சயமாக அலைகளால் சூழப்பட்டோம் (தப்ப வழியில்லையே!)" என்று அவர்கள் எண்ணுகிறார்கள், அச்சமயத்தில், "நீ எங்களை இதிலிருந்து காப்பாற்றிவிட்டால், மெய்யாகவே நாங்கள் நன்றி செலுத்துபவர்களாக இருப்போம்" என்று அல்லாஹ்வை - அவனுக்கே வணக்கத்தைக் கலப்பற்றவர்களாக ஆக்கிப் பிரார்த்திக்கின்றார்கள்.

14:18. தங்களுடைய இறைவனை நிராகரித்தவர்களுக்கு உதாரணமாவது: அவர்களுடைய செயல்கள் சாம்பல் போன்றவை; கடும் புயல்காற்று வீசும் நாளில் அச்சாம்பலைக் காற்று அடித்துக் கொண்டுபோய்விட்டது; (அவ்வாறே,) தாங்கள் சம்பாதித்ததிலிருந்து எதன்மீதும் அவர்கள் சக்தி பெறமாட்டார்கள்: இதுவே வெகுதூரமான வழிகேடாகும்.

17:69. அல்லது, அவன் மீண்டும் ஒரு தடவை (அக்கடலில்) உங்களை மீளச்செய்து, (எல்லாவற்றையும்) முறித்துத்தள்ளும் புயல்காற்றை உங்கள் மீது அனுப்பி, நீங்கள் நிராகரித்ததற்காக உங்களை மூழ்கடித்துவிடமாட்டான் என்றும் நீங்கள் அச்சம் தீர்ந்து இருக்கிறீர்களா? (அப்படி நேர்ந்தால்) நமக்கு எதிராக உங்களுக்கு உதவி செய்பவர் எவரையும் நீங்கள் காணமாட்டீர்கள்.

41:16. ஆதலினால், இவ்வுலக வாழ்வில் இழிவுதரும் வேதனையை அவர்களுக்கு நாம் சுவைக்கச் செய்வதற்காக, கெட்ட நாட்களில் அவர்கள் மீது ஒரு கொடிய புயல்காற்றை அனுப்பினோம்; மேலும், மறுமையிலுள்ள வேதனையோ மிகவும் இழிவுள்ளதாகும்; அன்றியும், அவர்கள் (எவராலும்) உதவி செய்யப்பட மாட்டார்கள்.