2:48. இன்னும், ஓர் ஆத்மா மற்றொரு ஆத்மாவிற்குச் சிறிதும் பயன்பட முடியாத (அந்த) ஒரு நாளை நீங்கள் அஞ்சுவீர்களாக! (அந்த நாளில்) எந்தப் பரிந்துரையும் அதற்காக ஏற்றுக்கொள்ளப்படமாட்டாது; அதற்காக எந்த ஈடும் பெற்றுக்கொள்ளப்படமாட்டாது; அன்றியும், அவர்கள் உதவி செய்யப்படவும் மாட்டார்கள்.

2:123. இன்னும், (வரப்போகும்) அந்நாளிலிருந்து உங்களைக் காப்பாற்றிக்கொள்ளுங்கள்; அன்று, ஓர் ஆத்மா பிறிதோர் ஆத்மாவுக்கு எவ்விதப் பலனுமளிக்காது; அதனிடமிருந்து (அதன் பாவங்களுக்குப் பரிகாரமாக) எந்த நஷ்டஈடும் ஒப்புக்கொள்ளப்படமாட்டாது; எந்தப் பரிந்துரையும் அதற்குப் பலனளிக்காது; அவர்கள் (எவர் மூலமாகவும் எந்த) உதவியும் செய்யப்பட மாட்டார்கள்.

2:233. (தங்களுடைய குழந்தைகளுக்கு, விவாகரத்து சொல்லப்பட்ட தம்மனைவியர்களைக் கொண்டே) பாலூட்டுவதைப் பூர்த்தியாக்க (கணவர்) விரும்பினால், தாய்மார்கள் தங்கள் குழந்தைகளுக்கு நிறைவான இரண்டு ஆண்டுகள் பாலூட்டுதல் வேண்டும்; (பாலூட்டும் தாய்மார்களாகிய) அவர்களுக்கு உணவும், அவர்களுக்கு உடையும் முறைப்படி கொடுத்துவருவது குழந்தையுடைய தகப்பன் மீது கடமையாகும்; எந்த ஓர் ஆத்மாவும் அதன் சக்திக்கு மேல் (எதுவும் செய்ய) சிரமம் கொடுக்கப்படமாட்டாது; தாய் தன் குழந்தையின் காரணமாகவோ இன்னும், தந்தை தன் குழந்தையின் காரணமாகவோ துன்புறுத்தப்பட மாட்டார்; (குழந்தையின் தந்தை இறந்துவிட்டால் அவருடைய) வாரிசின் மீதும் அதேபோன்று (கடமை) இருக்கிறது; இன்னும், (தாய், தந்தையர்) இருவரும் பரஸ்பரம் இணங்கி, ஆலோசித்து பாலூட்டலை நிறுத்த விரும்பினால், அது அவர்கள் இருவர் மீதும் குற்றமில்லை; மேலும், உங்களுடைய குழந்தைகளுக்கு (செவிலித்தாயைக் கொண்டு பாலூட்ட விரும்பினால்) நீங்கள் கொடுக்க வேண்டியதை முறைப்படி ஒப்படைத்துவிட்டால் உங்கள் மீது குற்றமாகாது; அல்லாஹ்வை அஞ்சிக்கொள்ளுங்கள் - நிச்சயமாக அல்லாஹ் நீங்கள் செய்வதைப் பார்ப்பவனாக இருக்கிறான் என்பதை அறிந்துகொள்ளுங்கள்.

2:281. தவிர, அந்த நாளைப் பற்றி அஞ்சிக் கொள்ளுங்கள்; நீங்கள் அனைவரும் அல்லாஹ்விடம் மீட்டப்படுவீர்கள்; பின்னர், ஒவ்வோர் ஆத்மாவுக்கும் அது சம்பாதித்தது பூரணமாகக் கொடுக்கப்படும்; மேலும், அவர்கள் அநியாயம் செய்யப்படமாட்டார்கள்.

3:25. எவ்வித சந்தேகமுமில்லாத அந்த (இறுதி) நாளில் அவர்களை நாம் ஒன்று சேர்த்து, ஒவ்வோர் ஆத்மாவுக்கும் அது சம்பாதித்ததற்கு உரியதை முழுமையாகக் கொடுக்கப்படும்போது, (அவர்களுடைய நிலை) எப்படியிருக்கும்? அவர்கள் அநியாயம் செய்யப்படமாட்டார்கள்.

3:30. ஒவ்வோர் ஆத்மாவும், தான் செய்த நன்மைகளும், இன்னும் தான் செய்த தீமைகளும் தன்முன் ஆஜராக்கப்பட்டதாகக் காணும் (அந்) நாளில், அது தான் செய்த தீமைக்கும் தனக்கும் இடையே வெகுதூரம் இருக்கவேண்டுமே என்று விரும்பும்; அல்லாஹ் தன்னைப்பற்றி உங்களை எச்சரிக்கின்றான்; இன்னும், அல்லாஹ் தன் அடியார்கள் மீது கருணை உடையோனாக இருக்கின்றான்.

3:145. மேலும், அல்லாஹ்வின் அனுமதியின்றி எந்த உயிரினமும் மரணிக்க முடியாது; இது நேரம் நிர்ணயிக்கப்பட்ட விதி; எவரேனும், இந்த உலகத்தின் நன்மையை (மட்டும்) விரும்பினால், நாம் அவருக்கு அதிலிருந்தே வழங்குவோம்; இன்னும், எவர் மறுமையின் நன்மையை விரும்புகிறாரோ, அவருக்கு அதிலிருந்து வழங்குவோம்; நன்றியுடையோருக்கு அதி சீக்கிரமாக (நற்) கூலி கொடுப்போம்.

3:161. எந்த நபிக்கும் மோசடி செய்வது தகுமானதல்ல; எவரேனும் மோசம் செய்வாராயின், அவர் மோசம் செய்ததை மறுமைநாளில் கொண்டு வருவார்; அவ்வேளையில் ஒவ்வோர் ஆத்மாவுக்கும், அது சம்பாதித்தது முழுமையாக வழங்கப்படும்; இன்னும், அவர்கள் எவ்வகையிலும் அநியாயம் செய்யப்படமாட்டார்கள்.

3:185. ஒவ்வோர் ஆத்மாவும் மரணத்தைச் சுவைத்தேதீரும்! அன்றியும், உங்கள் செய்கைகளுக்குரிய பிரதிபலன்கள் முழுமையாகக் கொடுக்கப்படுவதெல்லாம் மறுமைநாளில்தான்; எனவே, எவர் (நரக) நெருப்பிலிருந்து தூரமாக்கப்பட்டுச் சுவர்க்கத்தில் புகுத்தப்பெறுகிறாரோ, அவர் நிச்சயமாக வெற்றியடைந்துவிட்டார்; இவ்வுலக வாழ்க்கை ஏமாற்றும் (அற்ப இன்பப்) பொருளேயன்றி வேறில்லை.

4:1. மனிதர்களே! உங்கள் இறைவனுக்குப் பயந்து கொள்ளுங்கள்; அவன் உங்கள் யாவரையும் ஒரே ஆத்மாவிலிருந்து படைத்தான்; அவரிலிருந்தே அவர் மனைவியையும் படைத்தான்; பின்னர், இவ்விருவரிலிருந்து அநேக ஆண்களையும், பெண்களையும் (வெளிப்படுத்தி உலகில்) பரவச் செய்தான்; ஆகவே, அல்லாஹ்வுக்கே பயந்து கொள்ளுங்கள்; அவனைக் கொண்டே நீங்கள் ஒருவருக்கொருவர் (தமக்குரிய உரிமைகளைக்) கேட்டுக் கொள்கிறீர்கள்; மேலும், (உங்கள்) இரத்தக் கலப்புடைய உறவுகளையும் (துண்டித்து விடுவதையும் நீங்கள் பயந்து கொள்ளுங்கள்); நிச்சயமாக அல்லாஹ் உங்களைக் கண்காணிப்பவனாகவே இருக்கின்றான்.

5:32. இதன் காரணமாகவே, "நிச்சயமாக எவரொருவர் கொலைக்குப் பதிலாகவோ, அல்லது பூமியில் ஏற்படும் குழப்பத்தைத் (தடுப்பதற்காகவோ) அன்றி, மற்றொருவரைக் கொலை செய்கிறாரோ அவர் மனிதர்கள் யாவரையும் கொலை செய்தவர் போலாவார்; மேலும், எவரொருவர் அதனை (ஓர் ஆத்மாவை) வாழவைக்கிறாரோ அவர் மக்கள் யாவரையும் வாழவைத்தோரைப் போலாவார்" என்று இஸ்ராயீலின் சந்ததியினருக்கு நாம் விதித்தோம்; மேலும், நிச்சயமாக நம் தூதர்கள் அவர்களிடம் தெளிவான அத்தாட்சிகளைக் கொண்டுவந்தார்கள்; இதன் பின்னரும், அவர்களில் பெரும்பாலோர் பூமியில் வரம்புமீறியவர்களாகவே இருக்கின்றனர்.

5:45. அவர்களுக்கு நாம் அதில், "உயிருக்கு உயிர், கண்ணுக்குக் கண், மூக்குக்கு மூக்கு, காதுக்குக் காது, பல்லுக்குப் பல் ஆகவும், காயங்களுக்கு(ச் சமமான காயங்களாகவும்) பழிவாங்கப்படும்" என்று விதித்திருந்தோம்; எனினும், ஒருவர் இதனை (பழி வாங்குவதை மன்னித்து) தர்மமாக விட்டுவிட்டால், அது அவரு(டைய பாவங்களு)க்குப் பரிகாரமாகும்; எவர்கள் அல்லாஹ் இறக்கிவைத்த (வேதக் கட்டளைப்)படி தீர்ப்பு வழங்கவில்லையோ - நிச்சயமாக அவர்கள்தாம் அநியாயக்காரர்கள்.

6:70. (நபியே!) யார் தங்கள் மார்க்கத்தை விளையாட்டாகவும், வெறும் வேடிக்கையாகவும் எடுத்துக்கொண்டார்களோ; இன்னும், யாரை இவ்வுலக வாழ்க்கை ஏமாற்றிவிட்டதோ அவர்களை விட்டுவிடும்; எனினும், ஒவ்வொரு ஆத்மாவும் அது சம்பாதித்துக்கொண்ட (தீய)தின் காரணமாக (வேதனையினால்) பிடிக்கப்படாமல் இருப்பதற்காக, நீர் (குர்ஆனாகிய) இதன் மூலம் அறிவுரை கூறுவீராக! (அந்நாளில்) அதற்கு அல்லாஹ்வைத் தவிர வேறு பாதுகாவலரோ, பரிந்து பேசுபவரோ இல்லை; இன்னும், (தான் செய்த பாவத்திற்கு) ஈடாக அது (தன்னால் இயன்ற) அத்தனையும் கொடுத்தாலும், அதனிடமிருந்து பெற்றுக்கொள்ளப்பட மாட்டாது. அத்தகையோர் - அவர்கள் தாங்கள் சம்பாதித்தவைகளின் காரணமாக தண்டனையில் பிடிக்கப்பட்டுவிட்டனர். அவர்கள் நிராகரித்துக்கொண்டிருந்த காரணத்தால் அவர்களுக்குக் கொதிக்கும் பானமும், துன்புறுத்தும் வேதனையுமுண்டு.

6:98. அவனே உங்களை ஓர் ஆத்மாவிலிருந்து படைத்தான்; பிறகு (உங்களுக்கு) தங்குமிடமும், ஒப்படைக்கப்படும் இடமும் உண்டு; விளங்கிக் கொள்ளக்கூடிய மக்களுக்கு நிச்சயமாக நாம் வசனங்களை விவரித்துள்ளோம்.

6:151. வாருங்கள்! உங்கள் இறைவன் உங்கள் மீது விலக்கியிருப்பவற்றை(யும், ஏவியிருப்பவற்றையும்) நான் ஓதிக்காண்பிக்கிறேன்: எப்பொருளையும் அவனுக்கு இணையாக்காதீர்கள்; பெற்றோருக்கு நன்மைசெய்யுங்கள்; வறுமையின் காரணமாக உங்கள் குழந்தைகளைக் கொல்லாதீர்கள்; ஏனெனில், உங்களுக்கும், அவர்களுக்கும் நாமே உணவளிக்கின்றோம்; மானக்கேடான காரியங்களை அதில் வெளிப்படையானவற்றையும், இரகசியமானவற்றையும் நீங்கள் நெருங்காதீர்கள்; அல்லாஹ் தடுத்துள்ள எந்த ஓர் ஆத்மாவையும், (நியாயமான) உரிமையின்றிக் கொலை செய்யாதீர்கள்: இவற்றை நீங்கள் விளங்கிக்கொள்வதற்காக (இறைவன்) உங்களுக்கு (இவ்வாறு) ஏவுகிறான்.

6:164. "அல்லாஹ் அல்லாதவனையா இறைவனாக நான் தேடுவேன்? எல்லாப் பொருட்களுக்கும் அவனே இறைவனாக இருக்கின்றான். (பாவம் செய்யும்) ஒவ்வோர் ஆத்மாவும் தனக்குப் பாதகமாகவே அல்லாது (பாவத்தை) சம்பாதிப்பதில்லை; இன்னும், (பாவத்தை) சுமக்கக்கூடிய (ஓர் ஆத்மாவான)து மற்றொன்றின் (பாவச்) சுமையைச் சுமக்காது. பின்னர், நீங்கள் (அனைவரும்) உங்கள் இறைவன் பக்கமே திரும்பிச் செல்ல வேண்டியதிருக்கிறது; அப்போது நீங்கள் எதில் கருத்து வேற்றுமை கொண்டிருந்தீர்களோ அதனை அவன் உங்களுக்கு அறிவிப்பான்" என்று (நபியே!) நீர் கூறும்.

7:189. அவன் உங்களை ஒரே மனிதரிலிருந்து படைத்தான்; அவரிலிருந்து அவருடைய துணைவியை அவளிடம் அவர் மன அமைதி பெறுவதற்காகப் படைத்தான்: அவர் அவளை நெருங்கியபோது, அவள் இலேசான சுமையைச் சுமந்தாள்; பின்பு, அதனுடன் நடமாடிக்கொண்டிருந்தாள்; பின்பு, அது பளுவாகவே, அவர்களிருவரும் தம்மிருவரின் இறைவனிடம், "(இறைவனே!) எங்களுக்கு நீ (சந்ததியில்) நல்லதைக் கொடுத்தால், நிச்சயமாக நாங்கள் இருவரும் நன்றி உள்ளவர்களாக இருப்போம்" என்று பிரார்த்தித்தனர்.

10:30. அவ்விடத்தில் ஒவ்வோர் ஆத்மாவும் தான் முற்படுத்திவைத்ததைச் சோதித்துக்கொள்ளும்; பின்பு, அவர்கள் தங்கள் உண்மையான எஜமானனாகிய அல்லாஹ்வின் பக்கம் திருப்பப்படுவார்கள்; அவர்கள் கற்பனைசெய்து கொண்டிருந்தவை அவர்களைவிட்டு மறைந்துவிடும்.

10:54. அநியாயம் செய்த ஒவ்வோர் ஆத்மாவிற்கும் பூமியிலுள்ளவை அனைத்தும் (மறுமைநாளின் வேதனையின்போது அதனிடம்) இருந்தாலும், அதை ஈடாகக் கொடுத்துவிடும்; வேதனையை அவர்கள் பார்க்கும்போது கைசேதத்தை அவர்கள் மறைத்துக்கொள்வார்கள்; இன்னும், (அந்நாளில்) அவர்களுக்கிடையே நியாயமாகவே தீர்ப்பளிக்கப்படும்; (ஒருசிறிதும்), அவர்கள் அநியாயம் செய்யப்படமாட்டார்கள்.

10:100. எந்த ஓர் ஆத்மாவிற்கும் அல்லாஹ்வின் கட்டளையின்றி அது நம்பிக்கை கொள்ள முடியாது; மேலும், (இதனை) விளங்காதவர்கள் மீது வேதனையை அவன் ஏற்படுத்துகிறான்.

11:105. அது வரும் நாளில் அவனுடைய அனுமதி இன்றி எவரும் பேச இயலாது; இன்னும், அவர்களில் துர்பாக்கியசாலியும், நற்பாக்கியசாலியும் இருப்பர்.

12:68. அவர்கள், தம் தந்தை தங்களுக்குக் கட்டளையிட்டபடி (எகிப்திற்குள்) நுழைந்தபோது, யஃகூபுடைய மனதிலிருந்த ஒரு தேவையை - அதை அவர் நிறைவேற்றிவிட்டார் என்பதைத் தவிர, அல்லாஹ்விடமிருந்து (வரக்கூடிய) எதனையும் அவர்களைவிட்டும் அவர் தடுத்து விடுபவராக இருக்கவில்லை; நாம் அவருக்கு அறிவித்துக் கொடுத்தவற்றில் நிச்சயமாக அவர் அறிவு(த் தேர்ச்சியு)டையவராக இருக்கின்றார்; எனினும், மனிதர்களில் பெரும்பாலோர் இதை அறியமாட்டார்கள்.

13:33. ஒவ்வோர் ஆத்மாவின் மீதும் - அது சம்பாதித்தவற்றைக் கண்காணிப்பவனா? (அவர்களின் விக்கிரகங்களைப் போலாவான்?) அப்படியிருந்தும், அவர்கள் அல்லாஹ்வுக்கு இணைகளை ஏற்படுத்துகிறார்கள்; (நபியே!) நீர் கூறும்: "அவர்களின் பெயர்களைக் கூறுங்கள்; அல்லது பூமியில் அவன் அறியாதவற்றை நீங்கள் அவனுக்கு அறிவிக்கின்றீர்களா? அல்லது (நீங்கள் கூறுவது) வெளிப்படையான (வெறும்) வார்த்தைதானா?" என்று; அப்படியல்ல! நிராகரிப்பவர்களுக்கு அவர்களுடைய சூழ்ச்சிகள் அழகாகக் காண்பிக்கப்பட்டுள்ளன; (நேர்) வழியிலிருந்து அவர்கள் தடுக்கப்பட்டும் விட்டனர்; எவரை அல்லாஹ் வழிகெடுக்கிறானோ அவரை நேர்வழியில் செலுத்துபவர் எவருமில்லை.

13:42. (நபியே!) இவர்களுக்கு முன்னிருந்தவர்களும் திட்டமாக சூழ்ச்சி செய்தனர்; எனினும், எல்லா சூழ்ச்சிகளின் முடிவுகளும் அல்லாஹ்விடமே இருக்கின்றன; ஒவ்வோர் ஆத்மா சம்பாதிப்பதையும் அவன் நன்கறிவான்; மேலும், அவ்வுலகின் (நல்ல) முடிவு யாருக்கு என்பதை நிராகரிப்பாளர்கள் சீக்கிரத்தில் அறிந்து கொள்வார்கள்.

14:51. அல்லாஹ் ஒவ்வோர் ஆத்மாவுக்கும் அது சம்பாதித்ததற்கான கூலி கொடுப்பதற்காகவே (அவர்களை இவ்வாறு செய்வான்); நிச்சயமாக அல்லாஹ் கேள்வி கணக்குக் கேட்பதில் மிகவும் தீவிரமானவன்.

16:111. ஒவ்வோர் ஆத்மாவும் தனக்காக வாதாட முற்படும் அந்நாளில், ஒவ்வோர் ஆத்மாவுக்கும் அது செய்ததற்குரிய கூலி முழுமையாகக் கொடுக்கப்படும்; அவர்கள் அநியாயம் செய்யப்படவும் மாட்டார்கள்.

18:74. பின்னர், (மரக்கலத்திலிருந்து இறங்கி) இருவரும் நடக்கலானார்கள்; (வழியில்) ஒரு பையனை அவ்விருவரும் சந்தித்தபோது, அவர் அவனைக் கொன்றுவிட்டார்; (உடனே மூஸா,) "கொலைக் குற்றமின்றி பரிசுத்தமான ஒரு ஜீவனைக் கொன்றுவிட்டீர்களே? நிச்சயமாக நீங்கள் வெறுக்கத்தக்க ஒரு காரியத்தைச் செய்துவிட்டீர்கள்" என்று கூறினார்.

20:15. ஒவ்வோர் ஆத்மாவும் தான் செய்ததற்குத் தக்கபடி பிரதிபலன்கள் அளிக்கப்படும் பொருட்டே, மறுமைநாள் நிச்சயமாக வரவிருக்கிறது; ஆயினும், அதை நான் மறைத்து வைக்க நாடுகிறேன்.

21:35. ஒவ்வோர் ஆத்மாவும் மரணத்தைச் சுவைப்பதாகவே இருக்கிறது; பரீட்சைக்காகக் கெடுதியையும், நன்மையையும் கொண்டு நாம் உங்களைச் சோதிக்கிறோம்; பின்னர், நம்மிடமே நீங்கள் மீட்கப்படுவீர்கள்.

21:47. இன்னும், மறுமை நாளில் நீதியான தராசுகளையே நாம் வைப்போம்; எனவே, எந்த ஓர் ஆத்மாவுக்கும் ஒரு சிறிதும் அநியாயம் செய்யப்படமாட்டாது. மேலும், (நன்மை, தீமையில்) ஒரு கடுகளவு எடையிருப்பினும் அதனையும் நாம் (கணக்கில்) கொண்டுவருவோம்; அவ்வாறு கணக்கெடுக்க நாமே போதும்.

25:68. அன்றியும், அவர்கள் அல்லாஹ்வுடன் வேறு இறைவனைப் பிரார்த்திக்க மாட்டார்கள்; இன்னும், அல்லாஹ் தடுத்திருக்கும் எந்த உயிரையும் அவர்கள் உரிமையின்றிக் கொலை செய்து விடவும் மாட்டார்கள்; விபசாரமும் செய்ய மாட்டார்கள்: ஆகவே, எவர் இவற்றைச் செய்கிறாரோ, அவர் தண்டனையைச் சந்திப்பார்.

29:57. ஒவ்வோர் ஆத்மாவும் மரணத்தைச் சுவைக்கக் கூடியதேயாகும்; பின்னர், நீங்கள் நம்மிடமே மீள்விக்கப்படுவீர்கள்.

31:28. (மனிதர்களே!) உங்களைப் படைப்பதும், (நீங்கள் மரணித்த பின்) உங்களை (உயிர்ப்பித்து) எழுப்புவதும் ஒருவரைப் (படைத்து, அவர் மரணித்தபின் உயிர்கொடுத்து எழுப்புவது) போலன்றி வேறில்லை; நிச்சயமாக அல்லாஹ் (யாவற்றையும்) செவியேற்பவன்; உற்று நோக்குபவன்.

31:34. நிச்சயமாக அல்லாஹ், அவனிடம்தான் மறுமை நாள் பற்றிய ஞானம் இருக்கிறது. அவனே மழையையும் இறக்குகிறான். இன்னும், அவன் கர்ப்பங்களில் உள்ளவற்றையும் அறிகிறான். நாளையதினம் தாம் சம்பாதிப்பது எது என்பதை எவரும் அறிவதில்லை. தாம் எந்த பூமியில் இறப்போம் என்பதையும் எவரும் அறிவதில்லை. நிச்சயமாக அல்லாஹ்தான் நன்கறிபவன்; நுட்பம் மிக்கவன்.

32:13. "மேலும், நாம் நாடியிருந்தால், ஒவ்வோர் ஆத்மாவுக்கும் அதற்குரிய நேர்வழியை நாம் கொடுத்திருப்போம்; ஆனால், நான் நிச்சயமாக நரகத்தை - ஜின்களையும், (தீய) மனிதர்களையும் - ஆகிய யாவரையும் கொண்டு நிரப்புவேன்" என்று என்னிடமிருந்து (முன்னரே) வாக்கு வந்துள்ளது.

32:17. அவர்கள் செய்துகொண்டிருந்தவற்றிற்குக் கூலியாக, அவர்களுக்காக மறைத்து வைக்கப்பட்டுள்ள கண்களின் குளிர்ச்சியை (மறுமையின் பேரின்பத்தை) எந்த ஓர் ஆன்மாவும் அறிந்துகொள்ள முடியாது.

36:54. அன்றியும், அந்நாளில் எந்த ஓர் ஆத்மாவுக்கும் ஏதும் அநியாயம் செய்யப்படமாட்டாது; இன்னும், நீங்கள் செய்தவற்றிற்கேயன்றி (வேறு எதற்கும்) கூலி கொடுக்கப்படமாட்டீர்கள்.