103. நாங்கள் மலஜலம் கழிக்கும்போது கிப்லாவை முன்னோக்குவதையும் (பின்னால் ஆக்குவதையும்), வலக் கையால் (உறுப்பைப் பிடித்துக் கொண்டு) சுத்தம் செய்வதையும், மூன்று கற்களுக்கும் குறைவானதால் (மலஜலம் கழித்து விட்டு) சுத்தம் செய்வதையும், விட்டை(சாணம்) மற்றும் எலும்பால் சுத்தம் செய்வதையும் இறைத்தூதர்(ஸல்) தடை செய்துள்ளார்கள் என ஸல்மான்(ரலி) அறிவித்தார்.
நூல்: முஸ்லிம்

105. ``மலஜலம் கழிக்கச் செல்பவர் தன்னை மறைத்துக் கொள்ளட்டும்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: அபூ தாவூத்

107. இறைத்தூதர்(ஸல்) மலஜலம் கழிக்கச் சென்றபோது மூன்று கற்களைக் கொண்டு வருமாறு என்னைப் பணித்தார்கள். எனக்கு இரண்டு கற்கள் மட்டுமே கிடைத்தன. மூன்றாவது கல் கிடைக்கவில்லை. எனவே, (குதிரை கழுததை போன்றவற்றில்) காய்ந்த ஒரு விட்டைத் துண்டையும் கொண்டு வந்தேன். அப்போது இறைத்தூதர்(ஸல்) அந்த இரண்டு கற்களையும் எடுத்துக் கொண்டு, விட்டையை எறிந்துவிட்டு, ``இது அசுத்தமானது'' என்று கூறினார்கள் என இப்னு மஸ்வூத்(ரலி) அறிவித்தார்.
நூல்: புகாரீ
இதனைத் தவிர்த்து வேறொன்றைக் கொண்டு வா!'' என்று இறைத்தூதர்(ஸல்) கூறினார்கள் என அஹ்மத் மற்றும் தாரகுத்னீயில் அதிகப்படியாக உள்ளது.

109. ``சிறுநீர் கழித்து விட்டு சுத்தம் செய்யாமல் இருப்பதை தவிர்த்துக் கொள்ளுங்கள். ஏனெனில், மண்ணறை வேதனைகளில் பெரும்பாலனவை அதன் காரணத்தால்தான்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: தார குத்னீ.

111. ``நாங்கள் மலம் கழிக்கையில் இடக்காலில் அமர்ந்து கொண்டு, வலக் காலை நிற்க வைக்குமாறு இறைத்தூதர்(ஸல்) எங்களுக்கு கற்றுக் கொடுத்தார்கள்'' சுராக்கா இப்னு மாலிக்(ரலி) அறிவித்தார்.
நூல்: பைஹகீ
இமாம் பைஹகீ(ரஹ்) பலவீனமான அறிவிப்பாளர் தொடரில் இதனைப் பதிவிட்டுளளார்.

113. ``அல்லாஹ் உங்களைப் புகழ்கிறானே (என்ன காரணம்?)'' என குபா வாசிகளிடம் இறைத்தூதர்(ஸல்) கேட்டார்கள்.
``நாங்கள் (மலஜலம் கழித்துவிட்டு) கல்லால் சுத்தம் செய்தப் பின்னர் தண்ணீராலும் சுத்தம் செய்கிறோம்'' என்று பதிலளித்தார்கள் என இப்னு அப்பாஸ்(ரலி) அறிவித்தார்.
இது பஜ்ஜாரில் பலவீனமான தரத்தில் பதிவிடப்பட்டுள்ளது. இது அபூ தாவூதிலும் உள்ளது.

115. ``விந்து வெளியாவதால் குளிப்பு கடமையாகிறது'' என்று இறைத்தூதர்(ஸல்) கூறினார்கள் என அபூ ஸயீத் அல்குத்ரீ(ரலி) அறிவித்தார்.
நூல்கள்: புகாரீ, முஸ்லிம்
குறிப்பு: பாலுறவு கொண்டு விந்துவெளிப்படாவிட்டால் குறிப்புக் கடமை இல்லை என இந்த ஹதீஸ் தெரிவிக்கிறது. ஆனால், இச்சட்டம் பின்னர் மாற்றப்பட்டதைப் பின்வரும் ஹதீஸில் காண்க!

117. ``நீர் (விந்து) வெளிப்படாவிட்டாலும்'' எனும் வாசகம் முஸ்லிமில் கூடுதலாக இடம் பெற்றுள்ளது.

119. ``இப்படியும் ஆகுமா?'' என்று உம்மு ஸலமா (வியப்பாகக்) வினவினார்.
``ஆம்! அப்படி இல்லை என்றால் எப்படி சாயல் (தாயைக் போன்று) உண்டாகும்?'' என இறைத்தூதர்(ஸல்) கூறினார்கள் என்ற வாசகமும் முஸ்லிமில் அதிகப்படியாக உள்ளது.
பெண்ணுக்குமா விந்து வெளிப்படும் என வியப்பாக நபி(ஸல்) அவர்களிடம் கேட்டவர், அவர்களின் மனைவி உம்மு ஸலமா(ரலி).

121. சுமாமா இப்னு உஸால் குறித்துக் கூறுகையில், ``அவர் இஸ்லாமை ஏற்றபோது இறைத்தூதர்(ஸல்) குளிக்குமாறு அவருக்குக் கட்டளை இட்டார்கள் என அபூ ஹுரைரா(ரலி) அறிவித்தார்.
நூல்: அப்துர் ரஸ்ஸாக்
இதன் மூலம் புகாரீ மற்றும் முஸ்லிமில் உள்ளது.
குறிப்பு: இஸ் லாமை ஏற்கும் ஒவ்வொருவரும் கட்டாயம் குளித்தாக வேண்டும் என்ற சட்டம் கிடையாது. குளிப்புக் கடமையாகி இருப்பது தெரியவந்தால் கட்டாயம் குளிக்குமாறு ஏவ வேண்டும் என்பதே இதன் பொருள். ஏனெனில், இஸ் லாமை ஏற்ற எல்லோரையுமே குளிக்குமாறு நபி(ஸல்) பணித்தார்கள் என்பதற்கு எந்த ஆதாரமும் இல்லை.