1136. இறைத்தூதர்(ஸல்) அவர்களிடம் இன்னார் ஒருவர் வந்து, ``இறைத்தூதர் அவர்களே!'' எங்களில் ஒருவர் தன் மனைவியை மானக்கேடான செயலில் ஈடுபட்டிருக்கக் கண்டால், அவர் என்ன செய்வது?'' என வினவினார்.
இறைத்தூதர்(ஸல்) பேசினாலும், மிகப்பெரியதொரு விஷயத்திற்காகத்தான் பேசுவார்கள்; மௌனமாய் இருந்தாலும் அப்படிப்பட்டதொரு விஷயத்திற்காகத்தான் மௌனமாய் இருப்பார்கள். இறைத்தூதர்(ஸல்) அவருக்கு எந்தப் பதிலும் கூறவில்லை. அவர் மறுபடியும் வந்து, ``நான் தங்களிடம் கேட்ட விஷயத்திலே, நானே பாதிக்கப்பட்டுள்ளேன்'' எனக் கூறினார்.
ஏற்கனவே அல்லாஹ் இது தொடர்பான சூரத்துன்னூர் வசனங்களை அவருக்கு ஓதிக் காண்பித்து உபதேசம் செய்தார்கள். இன்னும், உலகத் தண்டனை மறுமைத் தண்டனையைவிட லேசானது என்றும் தெரிவித்தார்கள்.
``இல்லை தங்களைச் சத்திய மார்க்கத்துடன் அனுப்பியவன் மீது ஆணையாக! நான் அவர்களுக்கு எதிராகப் பொய்யுரைக்கவில்லை'' என அவர் கூறினார்.
பின்னர், அவரின் மனைவியை அழைத்து அவளுக்கும் அவ்வாறே உபதேசம் செய்தார்கள். அவள் ``இல்லை, தங்களை சத்திய மார்க்கத்துடன் அனுப்பியவன் மீது ஆணையாக! அவர் பொய்யர்'' எனக் கூறினாள்.
பின்னர் இறைத்தூதர்(ஸல்) முதலில் அந்த மனிதரை அழைத்து சத்தியம் செய்யச் சொன்னார்கள். அவர் நான்கு முறை அல்லாஹ்வின் மீது சத்தியம் செய்தார். பின்னர் இறைத்தூதர்(ஸல்) இரண்டாவதாக அந்தப் பெண்ணை அழைத்து சத்தியம் செய்யச் சொன்னார்கள். பின்னர், இருவரையும் பிரித்து விட்டார்கள் என இப்னு உமர்(ரலி) அறிவித்தார்.
நூல்: முஸ்லிம்.
குறிப்பு: தன் மனைவியைத் தவறான நடத்தையில் கண்ட கணவன் தன்னைத் தவிர சாட்சி யாரும் இல்லை எனில், நீதிபதி அல்லது ஆட்சியாளர் அல்லது ஜமாஅத் தலைவர் முன்னிலையில் நான்கு முறை அல்லாஹ்வின் மீது சத்தியம் செய்து ஐந்தாம் முறை அல்லாஹ்வின் சாப அழைப்பை ஏற்பதாகும்.
குறிப்பு: காண்க திருக்குர்ஆனின் 24:4-9 வசனங்களைக் காண்க!

1138. அந்தப் பெண்ணைப் பாருங்கள். அவள் கட்டழகான முழு வடிவம் கொண்ட வெண்மையான குழந்தையைப் பெற்றெடுத்தால், அது அவளின் கணவனின் பிள்ளையாகும். அவள் குட்டையான கருப்பான குழந்தையைப் பெற்று எடுத்தால், அந்தப் பிள்ளை, பழி சுமத்தப்பட்டவனின் பிள்ளையாகும்'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம்

1140. `லிஆன்' செய்த இருவரைப் பற்றிக் குறிப்பிடுகையில், அவர்கள் தம் சத்தியத்தை முடித்துக் கொண்டதும், ``இறைத்தூதர் அவர்களே! நான் அவளை (ஒட்டுமொத்தமாக) மணவிலக்குச் செய்யாமல் இனியும் வைத்திருந்தால் நான் பொய்யுரைத்தவனாய் ஆகிவிடுவேன். அவளை என்னிடம் நிறுத்திக் கொண்டால், நான் மூன்று `தலாக்' செய்தாக வேண்டும். பின்னர், இறைத்தூதர்(ஸல்) அவருக்குக் கட்டளையிடும் முன்பு மூன்று தலாக் செய்துவிட்டார் என ஸஹ்ல் இப்னு ஸஅத்(ரலி) அறிவித்தார்.
நூல்கள்: புகாரீ, முஸ்லிம்
குறிப்பு: இதன் முழுமையான விளக்கத்தை அறிவதற்கு முஸ்லிம் 2985 ஹதீஸ் எண் காண்க! இங்கு மூன்று தலாக் எனக் குறிப்பிட்டுள்ளதால் ஒரே நேரத்தில் மூன்று தலாக் கூறலாம் என்ற அர்த்தமல்ல; மாறாக லிஆன் செய்துவிட்டாலே மூன்று தலாக்கில் பிரிவது போன்று கணவன் மனைவிக்கு இடையில் நிரந்தரமான பிரிவு ஏற்பட்டுவிடும். அவர்கள் மறுபடியும் ஒன்று சேர்வதற்கு வாய்ப்பே இல்லை.

1142. `லிஆன்' செய்த இருவரையும் பற்றிய வசனம் அருளப்பட்டபோது எந்தப் பெண் ஒரு குடும்பத்தாரைச் சேராத ஒரு பிள்ளையை (தன் கணவனுக்குப் பெறாமல் தன் கள்ளக் காதலனுக்குப் பெற்ற குழந்தையைக் கணவனின்) அந்தக் குடும்பத்தாரிடையே (அவர்களின் சந்ததி எனப் பொய்யுரைத்து) புகுத்துகிறாளோ, அவளுக்கும் அல்லாஹ்விற்கும் எந்தத் தொடர்பும் இல்லை. மேலும், அவளை அல்லாஹ் ஒரு போதும் சுவர்க்கத்தில் நுழைய விடமாட்டான். இன்னும், தன் பிள்ளையைப் பார்த்துக் கொண்டே (தன் பிள்ளை என அறிந்து கொண்டே அது தன் பிள்ளை இல்லை என) மறுக்கிறப்பவனை விட்டு அல்லாஹ் தன்னைத் திரையிட்டுக் கொள்வான். இன்னும், அவனை முந்தியவர்கள் பிந்தியவர்கள் அனைவரின் முன்பாகவும் இழிவுபடுத்திவிடுவான்'' என்று இறைத்தூதர்(ஸல்) கூற தாம் செவியுற்றதாக அபூ ஹுரைரா(ரலி) அறிவித்தார்.
நூல்கள்: அபூ தாவூத், நஸயீ மற்றும் இப்னுமாஜா

1144. ``இறைத்தூதர் அவர்களே! என் மனைவி கறுப்பான பையனைப் பெற்றிருக்கிறாள்'' என ஒருவர் இறைத்தூதர்(ஸல்) அவர்களிடம் கூறினார்.
``உன்னிடம் ஒட்டகங்கள் உள்ளனவா?'' என இறைத்தூதர்(ஸல்) வினவினார்கள்.
``ஆம்'' என அவர் கூறினார்.
``அவற்றின் நிறங்கள் என்ன?'' என இறைத்தூதர்(ஸல்) வினவினார்கள்.
``சிவப்பு'' என அவர் கூறினார்.
``அவற்றில் ஏதேனும் மண் நிறம் உள்ளதா'' என இறைத்தூதர்(ஸல்) வினவினார்கள்.
``ஆம்'' என அவர் கூறினார்.
``அதற்கு அது எப்படிப் பிறந்தது?'' என இறைத்தூதர்(ஸல்) வினவினார்கள்.
``அதன் மூலப் பரம்பரை அவ்வாறு பெற்றிருக்கக் கூடும்'' என அவர் கூறினார்.
``அப்படியானால் உன் மகனும், மூலப் பரம்பரையிலுள்ள யாராவது ஒருவரின் நிறத்தால் இவ்வாறு பிறந்திருக்கலாம்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
முஸ்லிமின் மற்றோர் அறிவிப்பில், ``அவர் (தன் மகனை) மறுக்க முற்பட்டார்'' என உள்ளது. அதன் இறுதியில் அவ்வாறு ``மறுப்பதற்கு இறைத்தூதர்(ஸல்) அனுமதி அளிக்கவில்லை'' என்றும் உள்ளது.

1146. மூன்று மாதவிடாய் காலகட்டம் வரை இத்தா இருக்க வேண்டும் என பரீரா கட்டளையிடப்பட்டார் என ஆயிஷா(ரலி) அறிவித்தார்.
நூல்: இப்னு மாஜா
இதன் அறிவிப்பாளர்கள் பலமானவர்கள். ஆனால் இது `மஃலூல் எனும் குறைபாடு உள்ளதாகும்.

1148. ``இறந்துவிட்ட யாருக்காகவும், ஒரு பெண் மூன்று நாள்களுக்கு மேல் துக்கத்தைக் கடைபிடிக்க வேண்டாம். கணவன் இறந்துவிட்டால் மட்டும் மனைவி நான்கு மாதம் பத்து நாள் துக்கத்தைக் கடைபிடிக்க வேண்டும். அப்போது அவள் சாயமிடப்பட்ட ஆடைகள் அணியக் கூடாது. ஆனால், அஸ் ப் எனும் சாயமிடப்பட்ட பருத்தி ஆடைகள் அணியலாம். கண்ணுக்கு கர்மா இடக்கூடாது. நறுமணமும் பூசக் கூடாது. தூய்மையடைந்து விட்டால் ளிஃபார் எனும் இடத்தில் கிடைக்கும் குஸ் த் எனும் நறுமணக் கட்டையை சிறிதளவு பயன்படுத்தலாம்'' என்று இறைத்தூதர்(ஸல்) கூறினார்கள் என உம்மு அதிய்யா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது. அபூ தாவூத் மற்றும் நஸயீயில் ``சாயம் பூசிக் கொள்ளக் கூடாது'' என்றும் நஸயீயில் ``தலைவாரிக் கொள்ளக் கூடாது'' என்றும் உள்ளது.

1150. ``இறைத்தூதர் அவர்களே! என் மகளின் கணவர் இறந்துவிட்டார். அவளைக் கண்வலி பீடித்துள்ளது. (அதனால்) அவளுக்கு சுர்மா இடலாமா?'' என ஒரு பெண் வினாவினார்.
``கூடாது'' என்று இறைத்தூதர்(ஸல்) கூறினார்கள் என உம்மு ஸலமா(ரலி) அறிவித்தார்.
நூல்கள்: புகாரீ, முஸ்லிம்

1152. என் கணவர் தம் அடிமைகளைத் தேடிச் சென்றார். அவர்கள் அவரைக் கொலை செய்துவிட்டார்கள். நான் நபி(ஸல்) அவர்களிடம் சென்று, ``நான் என் குடும்பத்தாரிடம் செல்லட்டுமா? ஏனெனில், என் கணவர் எனக்காக அவருக்குச் சொந்தமான வீடு எதையும் கொடுக்கவில்லை. என் செலவிற்காகவும் எதையும் அவர் விட்டுச்செல்லவில்லை'' எனக் கேட்டேன்.
``ஆம்'' என்று இறைத்தூதர்(ஸல்) கூறினார்கள்.
நான் என் அறையில் இருந்தபோது மறுபடியும் என்னை அழைத்து, ``இத்தாவின் காலம் முடியும் வரை நீ உன் வீட்டிலேயே தங்கி இரு!'' என்று கூறினார்கள் நான் அந்த என் வீட்டில் நான்கு மாதம் பத்து நாள் இத்தாவைக் கழித்தேன். அதற்குப் பின்பு, இந்த என் நிகழ்வை வைத்தே உஸ் மான்(ரலி) தீர்ப்பளித்தார்கள் என ஃபுரைஆ பின்த் மாலிக்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ, இப்னு மாஜா மற்றும் துஹலி
இமாம் இப்னு ஹிப்பான், இமாம் ஹாகிம், இமாம் திர்மிதீ மற்றும் துஹ்லிய்யீ(ரஹ்) இதனை ஆதாரப்பூர்வமானது எனக் குறிப்பிட்டுள்ளனர்.

1154. நபி(ஸல்) அவர்களின் விழமுறையை எங்களுக்குக் குழப்பிவிடாதீர்கள். `உம்முல் வலத்' உடைய எஜமான் இறந்துவிட்டால் நான்கு மாதம் இறந்துவிட்டால் நான்கு மாதம் பத்து நாள் அவளின் `இத்தா' காலமாகும் என்று அம்ர் இப்னு ஆஸ்(ரலி) கூறினார்.
நூல்கள்: அஹ்மத், அபூ தாவூத் மற்றும் இப்னு மாஜா
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார். இதன் அறிவிப்புத் தொடர் விடுபட்டுள்ளதால் இதனை மஃலூல் எனும் குறையுடையது என இமாம் தாரகுத்னீ(ரஹ்) குறிப்பிட்டுள்ளார்.
``தலாக் செய்யப்பட்ட பெண்கள் (இத்தா காலமாக) மூன்று குர்வுகள் வரை எதிர்பார்த்துக் காத்திருக்கட்டும்'' (2:227) என்னும் இறைவசனத்தில் சொன்ன மூன்று குர்வுகள் என்பது மாதவிடாய்க்குப் பின்பு தூய்மை அடையும் (மூன்று) காலங்களைக் குறிக்கும்'' என ஆயிஷா(ரலி) அறிவித்தார்.
இமாம் மாலிக்(ரஹ்) ஒரு சம்பவத்தை விவரிக்கும்போது, இதனை ஸஹீஹான அறிவிப்பாளர் தொடருடன் பதிவிட்டுள்ளார்.