1329. கைபர் போரின்போது இறைத்தூதர்(ஸல்) குதிரை வீரர்களுக்கு இரண்டு பங்குகளும், வாகனம் இல்லாத வீரர்களுக்கு ஒரு பங்கும் என கனீமத் பொருளைப் பங்கிட்டார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.

1331. ``(கனீமத் பொருள்) அல்லாஹ்வுக்கும் அல்லாஹ்வின் தூதருக்கும் உரிய குமுஸ் ஐந்தில் ஒரு பங்கைக் கொடுத்தப் பின்னர் மட்டுமே அதிகப்படியாக கொடுக்க வேண்டும்'' என்று இறைத்தூதர்(ஸல்) கூற நான் செவியுற்றுள்ளேன் என மஃன் இப்னு யஸீத்(ரலி) அறிவித்தார்.
நூல்கள்: அஹ்மத், அபூ தாவூத்
இமாம் தஹாவீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1333. இறைத்தூதர்(ஸல்) படைக் குழுக்களில் தாம் அனுப்பி வைக்கும் வீரர்களில் சிலருக்கு பிரத்யேகமான முறையில் (போர்ச் செல்வங்களில்) பொதுவாகப் படைவீரர்களுக்கு எனக் கொடுக்கும் பங்கு போக அதிகப்படியாகவும் கொடுப்பார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்

1335. கைபர் போரில் எங்களுக்கு உணவுப் பொருள் கிடைத்தது. எங்களில் ஒவ்வொருவரும் வந்து, தங்களுக்குப் போதுமான அளவு எடுத்துக் கொண்டு திரும்பிச் சென்றுவிடுவர் என அப்துல்லாஹ் இப்னு அபீ அவ்ஃபா(ரலி) அறிவித்தார்.
நூல்: அபூ தாவூத்
இமாம் இப்னுல் ஜாரூத் மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

1337. ``முஸ்லிம்கள் ஒருவருக்கொருவர் அபயம் அளித்துக் கொள்ளலாம்'' என்று இறைத்தூதர்(ஸல்) கூற நான் செவியுற்றுள்ளேன் என அபூ உபைதா(ரலி) அறிவித்தார்.
நூல்கள்: இப்னு அபீ ஷைபா, அஹ்மத்
இதன் அறிவிப்பாளர் தொடர் பலவீனமானது.

1339. ``முஸ்லிம்களில் யார் பாதுகாப்பு அளித்திருந்தாலும் அது ஒன்றுக்கொன்று சமமாகும். அவர்களில் கடைசி தரத்தில் உள்ளவரும் பாதுகாப்பு அளிக்கலாம்'' என அலீ(ரலி) வாயிலாக புகாரீ முஸ்லிமில் உள்ளது.
``அவர்களில் கடைநிலையில் உள்ளவரும் பாதுகாப்பு அளிக்கலாம்'' என இப்னு மாஜாவில் அதிகப்படியாக உள்ளது.

1341. ``முஸ்லிம்களைத் தவிர்த்து வேறு யாரையும் விட்டு வைக்காத நிலை வரும் வரை யூதர்கள், கிறிஸ்தவர்கள் அனைவரையும் நான் அரபு தீபகற்பத்தை விட்டு வெளியேற்றி விடுவேன்'' என்று இறைத்தூதர்(ஸல்) கூற நான் செவுயற்றுள்ளேன் என உமர்(ரலி) அறிவித்தார்.
நூல்கள்: புகாரீ, முஸ்லிம்

1343. நாங்கள் நபி(ஸல்) அவர்களுடன் கைபர் மீது போர் தொடுத்தோம். கைபரில் எங்களுக்கு ஆடுகள் கிடைத்தன. அவற்றில் ஒரு மந்தையை எங்களிடையே பங்கிட்டுவிட்டு, மீதமிருந்ததை இறைத்தூதர்(ஸல்) கனீமத் பொருளுடன் சேர்த்தார்கள் என முஆத் இப்னு ஜபல்(ரலி) அறிவித்தார்.
நூல்: அபூ தாவூத்
இதன் அறிவிப்பாளர்கள் குறையுள்ளவர்கள் அல்ல.

1345. ``(முஸ்லிம்களே!) நீங்கள் எந்த ஊருக்குச் சென்று தங்கிவிடுகிறீர்களோ அதில்தான் உங்களுக்குப் பங்கு கிடைக்கும். இன்னும் எந்த ஊர் அல்லாஹ் மற்றும் அவனுடைய தூதருக்கு மாறுசெய்கிறதோ அதில் ஐந்தல் ஒரு பங்கு அல்லாஹ் மற்றும் அவனுடைய தூதருக்கு உரியது. பின்னர், (எஞ்சியது) உங்களுக்குரியது'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்
குறிப்பு: இது எதிர்ப்பின்றி பெற்றுக் கொள்ளப்பட்ட ஊராகும். இதில் கிடைக்கும் செல்வங்களுக்கு `ஃபய்வு' எனப் பெயர். இதில் இறைத்தூதருக்கு உரிய 'குமுஸ்' அதாவது ஐந்தில் ஒரு பங்கு கிடையாது. (அந்த ஊரில் தங்கும் முஸ்லிம்கள் அனைவருக்கும் பங்கு கிடைக்கும்.)
இரண்டாவது: எதிர்ப்பைக் காட்டி போரின் மூலம் வெற்றி கொள்ளப்பட்ட ஊராகும். அதில் கிடைக்கும் செல்வம் `கனீமத்' எனப்படும். இதில்தான் இறைவனுக்கும், இறைத்தூதருக்கும் உரிய `குமுஸ்' ஐந்தில் ஒரு பங்கு ஒதுக்கப்படும். எஞ்சியவை இஸ்லாமிய வீரர்களுக்கிடையே பங்கிடப்படும்.

1347. தூமத்துல் ஐந்தல் எனும் தேசத்தின் அரசன் உகைதிர் என்பவனிடம் இறைத்தூதர்(ஸல்) ஃகாலித் இப்னு வலீதை (ஒரு படையுடன்) அனுப்பினார்கள். அவர்கள் அவரைப் பிடித்து இறைத்தூதர்(ஸல்) அவர்களிடம் கொண்டு வந்தார்கள். இறைத்தூதர்(ஸல்) அவன் இஸ்லாமிய ஜிஸ்யா வரி செலுத்த வேண்டும் எனும் நிபந்தனையின் பேரில் அவனுடன் சமாதான ஒப்பந்தம் செய்து, இரத்தம் சிந்தவிடாமல் அவனைப் பாதுகாத்தார்கள் என அபூ சுலைமான்(ரலி) அறிவித்தார்கள்.
நூல்: அபூ தாவூத்