1348. இறைத்தூதர்(ஸல்) என்னை யமன் தேசம் அனுப்பி, ஒவ்வொரு பருவமடைந்தவரிடமும் ஒரு தீனார் அல்லது அதற்குச் சமமான யமன் நாட்டு (மஆஃபிர் நகரத்துத்) துணியை ஜிஸ்யா வரியாக வசூலிக்க வேண்டும் என எனக்குக் கட்டளையிட்டார்கள் என முஆத் இப்னு ஜபல்(ரலி) அறிவித்தார்.
நூல்கள்: அபூ தாவூத், நஸயீ மற்றும் திர்மிதீ
இமாம் இப்னு ஹிப்பான் மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

1350. ``யூதர்கள் மற்றும் கிறித்தவர்களுக்கு நீங்கள்முதலில் சலாம் (முகமன்) கூறாதீர்கள். நீங்கள் அவர்களை வழியில் சந்திக்கும்போது அவர்கள் (ஒடுங்கி நடக்கும் படி) குறுகலான பாதையில் செல்ல நிர்பந்தியுங்கள். (நீங்கள் விலகி வழிவிடாதீர்கள்)'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

1352. அதன் சில பகுதிகள் அனஸ்(ரலி) வாயிலாக முஸ்லிமில் பதிவிடப்பட்டுள்ளது. அதில், ``உங்களிடமிருந்து எங்களிடம் வருபவரை நாங்கள் திருப்பி அனுப்ப மாட்டோம். மேலும், எங்களிடமிருந்து உங்களிடம் வருபவரை நீங்கள் எங்களிடம் திருப்பி அனுப்பிவிட வேண்டும்'' என்று இருந்தது. (இதனைக் கண்ட) நபித்தோழர்கள் ``இறைத்தூதர் அவர்களே! இதனை எழுதப் போகிறீர்களா?'' எனக் கேட்டனர்.
``ஆமாம்; நம்மை விட்டு அவர்களிடம் செல்பவரை அல்லாஹ்வே தூரமாக்கி விட்டான். அவர்களில், நம்மிடம் வருபவரை, நாம் அவர்களிடமே திருப்பி அனுப்பினாலும் ஏதேனும் ஒரு வழியை அல்லாஹ் அவருக்கு ஏற்படுத்துவான்'' என்று இறைத்தூதர்(ஸல்) கூறினார்கள் என உள்ளது.

1354. ஹஃப்யா எனும் இடத்திலிருந்து ஸனிய்யத்துல் வதாஃ எனும் இடம் வரைக்கும் மெலிந்த குதிரைகளுக்கு இடையில் இறைத்தூதர்(ஸல்) பந்தயம் வைத்தார்கள். மேலும், ஸனிய்யாவிலிருந்து பனூ ஸுரைக் குலத்தாரின் இறைஇல்லம் வரை மெலியாத குதிரைகளுக்கு இடையில் பந்தயம் வைத்தார்கள். பந்தயத்தில் கலந்து கொண்டவர்களில் உமரும் ஒருவராய் இருந்தார் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்
ஹஃப்யாவிலிருந்து ஸனிய்யத்துல் வதா வரை ஐந்து அல்லது ஆறு மைல் தூரமாகும். மேலும், ஸனிய்யாவிலிருந்து பனூ ஸுரைக் இறைஇல்லம் வரை ஒரு மைல் தூரமாகும் என சுஃப்யான் வாயிலாக புகாரீயில் அதிகப்படியாக உள்ளது.

1356. ஒட்டகம் குதிரை மற்றும் அம்பு எய்வது தவிர வேறு எதிலும் பந்தயமில்லை என்று இறைத்தூதர்(ஸல்) கூறினார்கள என அபூ ஹுரைரா(ரலி) அறிவித்தார்.
நூல்கள்: அஹ்மத், அபூ தாவூத், நஸயீ மற்றும் திர்மிதீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1358. இறைத்தூதர்(ஸல்) மிம்பரின் மீது இருந்தபடி பகைவர்களை எதிர்த்துப் போரிடுவதற்காக உங்களால் முடிந்த அளவு பலத்தையும், தயார் நிலையிலுள்ள குதிரைப்படையையும் திரட்டி வையுங்கள் என்னும் (7:60) இறைவசனத்தை ஓத நான் செவியுற்றுள்ளேன்.
(பின்னர் அவர்கள்) ``அறிந்து கொள்ளுங்கள்! நிச்சயமாக சக்தி அம்பு எய்வதில்தான் உள்ளது. அறிந்த கொள்ளுங்கள்! சக்தி அம்பு எய்வதில்தான் உள்ளது. அறிந்து கொள்ளுங்கள்! சக்தி அம்பு எய்வதில்தான் உள்ளது'' என்று (மும்முறை) கூறினார்கள் என உக்பா இப்னு ஆமிர்(ரலி) அறிவித்தார்.
நூல்: முஸ்லிம்

1360. இப்னு அப்பாஸ்(ரலி) அவர்களின் ஓர் அறிவிப்பில், (தடை செய்தார்கள்) என உள்ளது. ``பறவைகளில் கால் நகங்களால் பிடித்துத் தூக்கி உண்பவை'' என்பதும் உள்ளது.

1362. இறைத்தூதர்(ஸல்) அவர்களுடன் ஏழு போர்களில் நாங்கள் பங்கெடுத்துள்ளோம். (அப்போது) நாங்கள் வெட்டுக்கிளியை உண்போம் என இப்னு அபீ அவ்ஃபா(ரலி) அறிவித்தார்.
நூல்கள்: புகாரீ, முஸ்லிம்

1364. எறும்பு, தேனீ, ஹுத்ஹுத் மற்றும் சிட்டுக்குருவி ஆகிய நான்கு உயிரினங்களைக் கொல்வதை இறைத்தூதர்(ஸல்) தடைசெய்தார்கள் என இப்னு அப்பாஸ்(ரலி) அறிவித்தார்.
நூல்கள்: அஹ்மத், அபூ தாவூத்
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1366. ``முள்ளம் பன்றியைப் பற்றி (அதைச் சாப்பிடலாமா என) இப்னு உமர்(ரலி) அவர்களிடம் கேட்கப்பட்டதற்கு, ``(நபியே!) கூறும். எனக்கு அறிவிக்கப்பட்ட வஹீயில் உண்பவர்களுக்கு எந்த உணவும் தடை செய்யப்பட்டதாக நான் காணவில்லை; ஆனால், செத்த பிராணியையும் ஓடும் இரத்தத்தையும், பன்றி இறைச்சியையும் தவிர, நிச்சயமாக இவை அசுத்தமானவை. மேலும், அல்லாஹ் அல்லாதவற்றின் பெயர் கூறி அறுக்கப்பட்ட பாவமானவற்றைத் தவிர'' என்னும் (6:145) இறை வசனத்தை அவர் ஓதினார்
அப்போது, அவருடன் இருந்த முதியவர் ஒருவர், இறைத்தூதர்(ஸல்) அவர்களிடம் முள்ளம் பன்றி பற்றிய பேச்சு வந்தது. அதற்கு, ``அது அருவருப்பானவற்றில் ஒன்று'' என்று இறைத்தூதர்(ஸல்) கூறினார்கள்'' என்று அபூ ஹுரைரா(ரலி) சொல்ல நான் செவியற்றுள்ளேன் எனக் கூறினார்.
அதைச் செவியுற்ற இப்னு உமர்(ரலி), ``இறைத்தூதர்(ஸல்) அப்படிக் கூறியிருந்தால், அவர்கள் கூறியவாயே அது ஆகும்'' எனக் கூறினார்.
நூல்கள்: அஹ்மத், அபூ தாவூத்
இதன் அறிவிப்பாளர் தொடர் பலவீனமானது.