1369. இறைத்தூதர்(ஸல்) அவர்களின் காலத்தில் நாங்கள் ஒரு குதிரையை அறுத்து அதனை (சமைத்து) உண்டோம் என அஸ்மா பின்த் அபீ பக்கர்(ரலி) அறிவித்தார்.
நூல்கள்: புகாரீ, முஸ்லிம்

1371. இறைத்தூதர்(ஸல்) அவர்களிடம், ஒரு மருத்துவர் தவளை குறித்து, ``அதை மருந்துக்காக உபயோகிக்கலாமா?'' எனக் கேட்டார்.
உடனே, அதைக் கொல்ல வேண்டாம் என இறைத்தூதர்(ஸல்) தடைசெய்தார்கள் என அப்துர் ரஹ்மான் இப்னு உஸ்மான் அல் குரஷிய்யா(ரலி) அறிவித்தார்.
நூல்கள்: அஹ்மத், அபூ தாவூத் மற்றும் நஸயீ
இமாம் ஹாகி(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1373. ``நீ உன்னுடைய நாயை (வேட்டைக்காக) அனுப்பினால் (அதை அனுப்பும் போது), `பிஸ்மில்லாஹ்' கூறி அனுப்பு! அது உன்னிடம் (எதையேனும் வேட்டையாடிக்) கொண்டுவந்து அதனை நீ உயிருடன் கண்டால் அதனை (உண்பதற்கு முன்பு) அறுத்துக் கொள்! அப்பிராணியை அது கொன்றிருந்து, அதிலிருந்து அது (நாய்) எதையும் உண்ணாதிருந்தால் அதைச் சாப்பிட்டுக் கொள்! உன்னுடைய நாயுடன் வேறு நாயைக் கண்டு அது (வேட்டைப் பிராணி) கொல்லப்பட்டிருந்தால், அதனை உண்ணாதே! ஏனெனில், அந்த இரண்டில் எது அதைக் கொன்றது என்பது உனக்குத் தெரியாது. இன்னும், நீ உன்னுடைய அம்மை எய்யும்போது அல்லாஹ்வின் பெயரைக் கூறிக் கொள். (நீ வேட்டையாடிய அப்பிராணி) உன்னைவிட்டு ஒடி உன்னுடைய அம்பின் காயத்தைத் தவிர வேறு காயம் ஏதும் இல்லாமல் அதனை நீ (மறுநாள்) கண்டால் நீ விரும்பினால், அதனைச் சாப்பிட்டுக் கொள்! அது தண்ணீரில் மூழ்கி இருக்க நீ கண்டால் அதனை நீ உண்ணாதே!'' என்று இறைத்தூதர்(ஸல்) கூறினார்கள் என அதீ இப்னு ஹாதிம்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசனம் இடம் பெற்றுள்ளது.

1375. ``நீ அம்பை எய்து, உன்னால் வேட்டையாடப்பட்ட பிராணி, உன்னை விட்டு மறைந்து பின்னர், அதனை (சில நாள்களில்) நீ கண்டால் அது துர்வாடை வீசவில்லை எனில் சாப்பிட்டுக் கொள்'' என்று இறைத்தூதர்(ஸல்) கூறினார்கள் என அபூ ஸஅலபா(ரலி) அறிவித்தார்.
நூல்: முஸ்லிம்

1377. (கூர்மையற்ற கல் போன்றவற்றை) எறிந்து வேட்டையாடுவதை இறைத்தூதர்(ஸல்) தடுத்தார்கள். இன்னும் ``அது எப்பிராணியையும் வேட்டையாடவும் செய்யாது; எதிரிக்குத் தண்டனையையும் கொடுக்காது. ஆனால், அது பல்லை உடைக்கும்; கண்ணைத் தோண்டி எடுத்துவிடும்'' என்று இறைத்தூதர்(ஸல்) கூறினார்கள் என அப்துல்லாஹ் இப்னு முகஃப்பல்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

1379. பெண்ணொருத்தி ஆடு ஒன்றைக் கல்லால் அறுத்துவிட்டாள். அது குறித்து இறைத்தூதர்(ஸல்) அவர்களிடம் (சட்டம்) கேட்கப்பட்டதற்கு, அதனை உண்ணுமாறு கட்டளையிட்டார்கள் என கஅப் இப்னு மாலிக்(ரலி) அறிவித்தார்.
நூல்: புகாரீ

1381. ``கால்நடைககைளைக் கட்டி வைத்து அதன் மீது ஏதாவது ஒன்றை எறிந்து கொல்வதை இறைத்தூதர்(ஸல்) தடைசெய்தார்கள்'' என ஜாபிர் இப்னு அப்தில்லாஹ்(ரலி) அறிவித்தார்.
நூல்: முஸ்லிம்

1383. ``(சினையாக உள்ள) தாய்ப்பிராணியை அறுத்தாலே வயிற்றிலுள்ள குட்டியையும் அறுத்தாய் ஆகிவிடும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: அஹ்மத்
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1385. இன்னும், இது `ஸஹீஹ்' எனும் தரத்திலும் `மவ்கூஃப்' எனும் தரத்திலும் இப்னு அப்பாஸ் வாயிலாக அப்துர் ரஸ்ஸாக்கில் பதவிடப்பட்டுள்ளது.

1387. இறைத்தூதர்(ஸல்) கொம்புகள் உடைய இரண்டு செம்மறியாட்டுக் கிடாய்களை அவற்றின் கழுத்தின் மீது தன் காலை வைத்து அல்லாஹ்வின் பெயர் சொல்லி, தக்பீர் கூறி; அறுத்து குர்பானீ கொடுப்பார்கள்'' என அனஸ் இப்னு மாலிக்(ரலி) அறிவிப்பில் தம் கையால் அவற்றை அறுப்பார்கள்'' என உள்ளது.
மற்றோர் அறிவிப்பில், ``கொழுத்த இரண்டு ஆடுகளை'' என உள்ளது. அபூ அவானாவின் ஸஹீஹில், ``விலை உயர்ந்த இரண்டு ஆடுகள்'' என உள்ளது. முஸ்லிமின் மற்றோர் அறிவிப்பில் ``பிஸ்மில்லாஹி அல்லாஹு அக்பர்'' என்று கூறுவார்கள் என உள்ளது.