1518. ``தனக்கு தேவையில்லாதவற்றை (தனக்கு சம்பந்தமில்லாதவற்றை) விட்டுவிடுவதே முஸ்லிமின் சிறந்த பண்பாகும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: திர்மிதீ
இமாம் திர்மிதீ(ரஹ்) இதனை ஹஸன் எனக் குறிப்பிட்டுள்ளார்.

1520. ``ஆதமின் மக்கள் அனைவரும் தவறு செய்யக் கூடியவர்களே! அவர்களில் சிறந்தவர்கள் தம் பாவங்களுக்காக மனம் வருந்தி திருந்துபவர்களே'' என்று இறைத்தூதர்(ஸல்) கூறினார்கள் என அனஸ்(ரலி) அறவிக்கிறார்.
நூல்கள்: திர்மிதீ, இப்னு மாஜா
இதன் அறிவிப்பாளர் தொடர் பலமானது.

1522. ``பொறாமை கொள்ளாது இருக்கும்படி உங்களை எச்சரிக்கிறேன். ஏனெனில், நெருப்பு விறகைத் தின்பதைப் போன்று பொறாமை நற்செயல்களைத் தின்றுவிடும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: அபூ தாவூத்

1524. ``கோபத்தில் ஆதிக்கம் செலுத்துபவன் வீரனல்ல. மாறாக கோபமூட்டப்படும்போது தன்னைத் தானே அடக்கிக் கொள்பவனே வீரன்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

1526. ``அநீதி இழைத்தலை அஞ்சுங்கள். ஏனெனில், அது மறுமை நாளில் (உங்கள் முன்பு) இருளாக வந்து நிற்கும், இன்னும், கஞ்சத்தனத்தை அஞ்சுங்கள்! ஏனெனில், அது உங்களுக்கு முன்பிருந்தோரை அழித்துள்ளது'' என்று இறைத்தூதர்(ஸல்) கூறினார்கள் என ஜாபிர்(ரலி) அறிவித்தார்.
நூல்: முஸ்லிம்

1528. ``நயவஞ்சகனின்அடையாளங்கiளை மூன்று 1. அவன் பேசினால் பொய்யே பேசுவான். 2. அவன் வாக்குறுதி கொடுத்தால் மாறு செய்வான். 3. அவனிடம் (ஒரு பொருள் அல்லது பணி தொடர்பான) பொறுப்பு ஒப்படைக்கப்பட்டால் அதில் மோசடி செய்வான்'' என்று இறைத்தூதர்(ஸல்) கூறினார்கள்'' என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

1530. ``முஸ்லிமைத் திட்டுவது பாவமாகும். அவனுடன் போரிடுதல் (கொல்லுதல்) இறைமறுப்பாகும்'' என்று இறைத்தூதர்(ஸல்)கூறினார்கள் என இப்னு மஸ்வூத்(ரலி) அறிவித்தார்.
நூல்கள்: புகாரீ, முஸ்லிம்

1532. ``குடிமக்களைப் பராமரிக்கும் பொறுப்பை ஒரு மனிதரிடம் அல்லாஹ் ஒப்படைத்திருக்க, தன் பிரஜைகளை மோசடி செய்தவனாய் அவன் மரணிக்கும் நாளில் உயிரைத் துறப்பானாயின், அவன் மீது சுவர்க்கத்தை அல்லாஹ் ஹராமாக்கி (விலக்கி) விடுகிறான்'' என்று இறைத்தூதர்(ஸல்) கூறினார்கள் என மஅகில் இப்னு யஸ்ஸார்(ரலி) அறிவித்தார்.
நூல்கள்: புகாரீ, முஸ்லிம்

1534. ``உங்களில் யாரேனும் சண்டையிட்டால் (எதிரியின்) முகத்தை (சேதப்படுத்தாமல்) தவிர்த்துக் கொள்ளுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

1536. ``நிச்சயமாக சிலர் அல்லாஹ்வின் சொத்தில் நியாயமின்றி நுழைகிறார்கள். அவர்களுக்கு மறுமையில் நரகம்தான்'' என்று இறைத்தூதர்(ஸல்) கூறினார்கள் என கவ்லா அன்ஸாரி(ரலி) அறிவித்தார்.
நூல்: புகாரீ
குறிப்பு: இஸ் லாமிய அரசில் பொது சொத்துகள் அனைத்துமே அல்லாஹ்வின் சொத்தாகும். அவ்வாறே முஸ்லிம்களின் கூட்டமைப்பின் சொத்தும் அல்லாஹ்வின் சொத்தே ஆகும். இவற்றைத் தவறான முறையில் பயன்படுத்துதல் கூடாது என்பதை அறிக!