1585. ``(லாயிலாஹா இல்லல்லாஹுவஹ்...) அல்லாஹ்வைத் தவிர வேறு கடவுள் இல்லை. அவன் தனித்தவன். அவனுக்கு இணை துணை இல்லை. அதிகாரங்கள் எல்லாம் அவனுக்கே உரியன புகழனைத்தும் அவனுக்கே உரியன. அவன் ஒவ்வொரு பொருளின் மீதும் ஆற்றல் மிக்கவன்'' என பத்துமுறை ஓதுபவர் இஸ்மாயீல்(அலை) அவர்களின் சந்ததியினரிலிருந்து நான்கு அடிமைகளை விடுவித்தவரைப் போன்றவர் ஆவார்'' என்று இறைத்தூதர்(ஸல்) கூறினார்கள் என அபூ ஹய்யூப் அன்ஸாரி(ரலி) அறிவித்தார்.
நூல்கள்: புகாரீ, முஸ்லிம்

1587. நிச்சயமாக, நான் உனக்காக நான்கு வார்த்தைகளைக் கூறியுள்ளேன். இன்று வரையில் நீ பேசியுள்ள வார்த்தைகளையும் இதனையும் எடைபோட்டால் அவை அனைத்தையும் விட இது கடுமையானதாய் இருக்கும். அது (ஹுப்ஹானல்லாஹி) அல்லாஹ் தூயவன். இன்னும், அவன் அவனுடைய படைப்பினங்கள் அளவு புகழ்பெற்றவன். இன்னும், அவனுடைய அரியணையின் கனமும் அவனுடைய வார்த்தைகளின் மையிக்கு சமமானது'' என்று இறைத்தூதர்(ஸல்) என்னிடம் கூறினார்கள் என ஜுவைரியா பின்த் அல்ஹாரிஸ்(ரலி) அறிவித்தார்.
நூல்: முஸ்லிம்

1589. ``நான்கு வார்த்தைகள் அல்லாஹ்விற்கு மிகவும் பிரியமானவை. அவற்றில் எதிலிருந்து ஆரம்பித்தாலும் சரி உனக்கு அது தீங்கிழைக்காது. அவை `சுப்ஹானல்லாஹ், அல்ஹம்து லில்லாஹ், வலா இலாஹ இல்லல்லாஹ், அல்லாஹு அக்பர்' ஆகியனவாகும்'' என்று இறைத்தூதர்(ஸல்) கூறினார்கள் என ஸமுரா இப்னு ஜுன்துப்(ரலி) அறிவித்தார்.
நூல்: முஸ்லிம்

1591. ``நிச்சயமாக துஆ (பிரார்த்தனை) வணக்கமாகும்'' என்று இறைத்தூதர்(ஸல்) கூறினார்கள் என நுஃமான் இப்னு பஷீர்(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா.
இமாம் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1593. ``அல்லாஹ்விடம் துஆவை விட கண்ணியம் வாய்ந்தது எதுவுமில்லை'' என்பது அபூ ஹுரைரா(ரலி) வாயிலாக ``மர்ஃபூஃ'' எனும் தரத்தில் திர்மிதீயில் உள்ளது.
இமாம் இப்னு ஹிப்பான் மற்றும் இமாம் ஹாகி(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

1595. நிச்சயமாக உங்கள் இரட்சகன் அதிக வெட்கமுள்ளவன். கொடையாளி, தன் அடியான் கையை ஏந்திவிட்டால், அதனை வெறுமனே திருப்பி அனுப்புவதற்கு அவன் வெட்கப்படுகிறான்'' என்று இறைத்தூதர்(ஸல்) கூறினார்கள் என ஸல்மான்(ரலி) அறிவித்தார்.
நூல்கள்: அபூ தாவூத், திர்மிதீ மற்றும் இப்னு மாஜா.
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1597. அபூ தாவூதிலும் பிறவற்றிலும், இப்னு அப்பாஸ்(ரலி) வாயிலாக ஒரு ஹதீஸ் `ஹஸன்' எனும் தரத்தில் பதிவிடப்பட்டுள்ளது.

1599. ``இறைவா! நீயே என் இரட்சகன்! உன்னைத் தவிர வேறு இறைவன் இல்லை! நீயே என்னைப் படைத்தாய்! நான் உன் அடியான்! என்னால் இயன்ற அளவு நான் உனக்கு அளித்த வாக்குறுதியில் நிலைத்திருப்பேன். நான் செய்த செயல்களின் தீங்கை விட்டு உன்னிடம் பாதுகாவல் தேடுகிறேன்! நீ என் மீது செய்துள்ள கருணையை நான் ஒப்புக் கொள்கின்றேன். மேலும், உன் முன்பு என் பாவங்களை ஒப்புக் கொள்கின்றேன். எனவே, என்னை மன்னிப்பாயாக! ஏனெனில், பாவங்களை மன்னிப்பவன் உன்னைத் தவிர வேறு யாருமில்லை'' என அடியான் ஓதுவதுதான் ஸய்யிதுல் இஸ்திக்ஃபார் எனும் பாவமன்னிப்பிற்கான பெரும் துஆ ஆகும்'' என்று இறைத்தூதர்(ஸல்) கூறினார்கள் என ஷத்தாத் இப்னு அனஸ்(ரலி) அறிவித்தார்.
நூல்: புகாரீ

1601. ``என் இரட்சகனே! உன் அருள் நீங்கி விடுவதிலிருந்தும், உன் பாதுகாப்பு மாறிவிடுவதிலிருந்தும், உன் தண்டனை மற்றும் உன் கோபத்திலிருந்தும் உன்னிடம் பாதுகாப்புத் தேடுகிறேன்'' என்று இறைத்தூதர்(ஸல்) பிரார்த்து வந்தார்கள் என இப்னு உமர்(ரலி) அறிவித்தார்.
நூல்: முஸ்லிம்

இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1603. ``என் இரட்சகனே! நிச்சயமாக நீயே அல்லாஹ்; உன்னைத் தவிர வேறு இறைவன் இல்லை!'' என நான் சாட்சி கூறுவதைக் கொண்டு உன்னிடம் நான் வேண்டுகிறேன். நீ தனித்தவன், தேவையற்றவன் (தன்னிறைவு மிக்கவன்). அவன் யாரையும் பெறவுமில்லை; அவன் யாராலும் பெறப்படவுமில்லை. அவனுக்கு நிகர் யாருமில்லை'' என ஒருவர் கூறிக் கொண்டிருந்ததை இறைத்தூதர்(ஸல்) செவியுற்று, ``அல்லாஹ்விடம் அவனுடைய பெயரைக் கொண்டு கேட்கும்போது அவன் கொடுக்கிறான். மேலும், துஆச் செய்யும்போது அங்கீகரிக்கிறான்'' என்று இறைத்தூதர்(ஸல்) கூறினார்கள் என புரைதா(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.