168. இறைத்தூதர்(ஸல்) கிழக்கு வெளுத்ததும் ஃபஜர் தொழுகையை தொழுவார்கள் (அப்போது) மக்கள் ஒருவரையொருவர் (இருளின் காரணமாக) அறிய முடியாத நிலையில் இருப்பார்கள் என அபூ மூஸா(ரலி) அறிவித்தார்.
நூல்: முஸ்லிம்

170. இரவின் பெரும் பகுதி, கழியும் அளவிற்கு இஷா தொழுகையை இறைத்தூதர்(ஸல்) பிற்படுத்தி, பின்னர் சென்று ஒரு இரவுத் தொழுகை நடத்திவிட்டு ``என் சமுதாயத்திற்குச் சிரமம் ஏற்படும என நான் அஞ்சவில்லை எனில், இதுவே இஷாவின் நேரமாகும்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: முஸ்லிம்

172. ``ஃபஜ்ரின் நேரம் வந்துவிட்டது எனத் தெளிவாகத் தெரிந்தபின்பு தொழுங்கள். ஏனெனில், நிச்சயமாக அது உங்களுக்கு மகத்தான கூலியைப் பெற்றுத்தரும்'' என்று இறைத்தூதர்(ஸல்) கூறினார்கள் என ராஃபி இப்னு கதீஜ்(ரலி) அறிவித்தார்.
நூல்கள்: அபூ தாவூத், திர்மிதீ, இப்னு மாஜா, நஸயீ மற்றும் அஹ்மத்.
இமாம் திர்மிதீ மற்றும் இப்னு ஹிப்பான்(ரஹ்) இதனை ஆதாரப்பூர்வமான ஹதீஸ் எனக் குறிப்பிட்டுள்ளார்கள்.

174. முஸ்லிமில் ஆயிஷா(ரலி) வாயிலாக இதே போன்று ஹதீஸ் இடம் பெற்றுள்ளது. ஆனால், அங்கு ரக்அத்திற்குப் பதிலாக ஸஜ்தா எனப் பதிவாகியுள்ளது. பின்னர் ஸஜ்தா என்பது ரக்அத்(தில் உள்ளது) என ஆயிஷா(ரலி) விளக்கியதாகவும் உள்ளது.

176. சூரியன் ஒளிர்ந்து கொண்டு, உதயமாகி வரும் வேளையில், அது உயரும் வரையிலும், இன்னும் சூரியன் உச்சியிலிருந்து சாயும் வரையிலும், இன்னும் சூரியன் மறைவதற்காகத் தாழும் (மறையும்) வேளையிலும் ஆகிய மூன்று நேரங்களில் நாங்கள் தொழுவதையும், எங்களில் இறந்தவர்களை அடக்கம் செய்வதையும் இறைத்தூதர்(ஸல்) தடை செய்துவந்தார்கள் என உக்பா இப்னு ஆமிர்(ரலி) அறிவித்தார்.
நூல்கள்: புகாரீ, முஸ்லிம்

178. இதே போன்று அபூ கதாதா(ரலி) வாயிலாக அபூ தாவூதிலும் பதிவாகியுள்ளது.

180. ``ஷஃபக் என்பது செவ்வானமாகும்'' என இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: தாரகுத்னீ
இமாம் இப்னு குஸைமா இதனைஆதாரப்பூர்வமான ஹதீஸ் எனக் குறிப்பிட்டுள்ளார். மற்றவர்கள் இதனை இப்னு உமர்(ரலி) அவர்களின் கருத்து எனக் கூறியுள்ளார்கள்..

182. ஜாபிர்(ரலி) வாயிலாக, இதே போன்ற ஹதீஸ் உள்ளது. அதில், `ஸஹர்' உணவு உண்பதற்குத் தடைசெய்யப்பட்ட அந்நேரம் பற்றிக் குறிப்பிடுகையில், கீழ்வானத்தில் நீளநீளமாக கோடுகள் தோன்றும் நேரம் என்றும், ஹாகிமின் மற்றோர் அறிவிப்பில், ஓநாயின் வாலைப் போல கீழ்வானம் வெள்ளையாய் இருக்கும் நேரம் என்றும் அதிகப்படியாக உள்ளது.
குறிப்பு: அந்த நேரம் என்பது கிழக்கு வெளுப்பதைக் குறிக்கிறது.

184. ``(தொழுகையின்) ஆரம்ப நேரம் அல்லாஹ்வின் திருப்தி கிடைக்கும் நேரமாகும். நடுநேரம் அல்லாஹ்வின் அருள் கிடைக்கும் நேரமாகும், இறுதி நேரம் அல்லாஹ்வின் மன்னிப்புக் கிடைக்கும் நேரமாகும்'' என்று இறைத்தூதர்(ஸல்) கூறினார்கள் என அபூ மஃக்தூரா(ரலி) அறிவித்தார்.
மிகவும் `ளயீஃப்' எனும் பலவீனமான தரத்தில் தாரகுத்னீயில் பதிவிடப்பட்டுள்ளது.

186. ``ஃபஜ்ர் உதித்தப் பின்பு, இரண்டு ஸஜ்தாக்கள் (முன் சுன்னத் மற்றும் கடமையான ஃபர்ள்) தவிர்த்து வேறு எந்தத் தொழுகையும் இல்லை'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா.
``ஃபஜ்ர் உதித்தப் பின்பு ஃபஜ்ரின் இரண்டு ரக்அத்துகள் (முன் சுன்னத் மற்றும் கடமையான ஃபர்ள்) தவிர்த்து வேறு தொழுகையே இல்லை'' என அப்துர் ரஸ்ஸாக்கில் பதிவிடப்பட்டுள்ளது.
குறிப்பு: கடமையான ஃபஜ்ர் இரண்டு ரக்அத்துக்களும், அதற்கு முன்பாக முன் சுன்னத்தான இரண்டு ரக்அத்துகளும் உள்ளன. எனவே, இவை தவிர்த்து வேறு எந்தத் தொழுகையும் இல்லை'' என்றே இதற்குப் பொருள். இந்நூலின் விளக்கவுரையான சுபுலுஸ்ஸலாம் எனும் நூலிலும் இவ்வாறே கருத்து உள்ளது.