316. தொழுகைக்காக இறைத்தூதர்(ஸல்) நிற்கும்போது, `அல்லாஹு அக்பர்' எனக் கூறுபவர்களாய் இருந்தார்கள். பின்னர் ருகூஃ செய்யும்போது `அல்லாஹு அக்பர்' எனக் கூறுவார்கள். பின்னர், தம் முதுகை ருகூஃவிலிருந்து உயர்த்தும்போது, `ஸமிஅல்லாஹு லிமன் ஹமிதா' எனக் கூறுவார்கள். பின்னர், அவர்கள் நின்ற நிலையில், `ரப்பனாவ லகல் ஹம்து' எனக் கூறுவார்கள். பின்னர், ஸஜ்தாச் செய்யும்போது `அல்லாஹு அக்பர்' எனக் கூறுவார்கள், பின்னர், (ஸஜ்தாவிலிருந்து) தன் தலையை உயர்த்தும்போது `அல்லாஹு அக்பர்' எனக் கூறுவார்கள், பின்னர், தொழுகை முழுவதும் இவ்வாறே செய்வார்கள். மேலும், இரண்டு ரக்அத்களுக்குப் பின்னர் (தஷஹ்ஹுதில்) அமர்ந்து எழும் போதும், `அல்லாஹு அக்பர்' என்று கூறுவார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

318. ``ஏழு எலும்புகளின் மீது ஸஜ்தா செய்யுமாறு நான் கட்டளையிடப்பட்டுள்ளேன்'' என்று இறைத்தூதர்(ஸல்) கூறிவிட்டு, நெற்றியின் மீது தம் மூக்கு, தம் கைகள், தம் முட்டிக் கால்கள், தம் கால்கள் (கால் விரல்கள்) ஆகியவற்றை தம் கையால் சுட்டிக் காண்பித்தார்கள் என இப்னு அப்பாஸ்(ரலி) அறிவித்தார்.
நூல்கள்: புகாரீ, முஸ்லிம்

320. ``நீ ஸஜ்தாச் செய்தால் உன் உள்ளங்கைகளைத் தரையில் வைத்து முழங்கைகளை (தரையில்படாமல்) உயர்த்திக் கொள்!'' என்று இறைத்தூதர்(ஸல்) கூறினார்கள் என பரா இப்னு ஆஸிப்(ரலி) அறிவித்தார்.
நூல்: முஸ்லிம்

322. இறைத்தூதர்(ஸல்) சம்மணமிட்டுத் தொழுததை நான் பார்த்துள்ளேன் என ஆயிஷா(ரலி) அறிவித்தார்.
நூல்: நஸயீ
இமாம் இப்னு குஸைமா(ரஹ்) இதனை ஆதாரப்பூர்வமானது எனக் குறிப்பிடுகிறார்.

324. இறைத்தூதர்(ஸல்) தொழுததை நான் பார்த்துள்ளேன். அவர்கள் ஒற்றைப் படை ரக்அத்திலிருந்து (அடுத்த ரக்அத்துக்காக) எழும்போது சரியாக அமராதவரை எழமாட்டார்கள் என மாலிக் இப்னு அல் ஹுவைரிஸ்(ரலி) அறிவித்தார்.
நூல்: புகாரீ

326. அஹ்மத் மற்றும் தாரகுத்னீயில் இவ்வாறே மற்றோர் அறிவிப்பு உள்ளது. அதில், இது நடந்தது குப்ஹுத் தொழுகையில் என்றும், இறைத்தூதர்(ஸல்) மரணிக்கும் வரை குனூத் ஓதினார்கள் என்றும் உள்ளது.

328. சஅத் இப்னு தாரிக் தம் தந்தையிடம் ``என் தந்தையே! தாங்கள், இறைத்தூதர்(ஸல்) அபூ பக்ர்(ரலி), உமர்(ரலி) உஸ்மான்(ரலி), அலீ(ரலி) ஆகியோரின் பின்னால் (நின்று) தொழுதுள்ளீர்கள். அவர்கள் ஃபஜ்ர் தொழுகையில் குனூத் ஓதினார்களா?'' என்று கேட்டதற்கு, ``என் மகனே! இது (மார்க்கத்தில்) புதிதாக உண்டாக்கப்பட்ட செயல்'' எனப் பதில் கூறினார் என சஅத் இப்னு தாரிக்(ரலி) அறிவித்தார்.
நூல்கள்: அஹ்மத், திர்மிதீ, நஸயீ மற்றும் இப்னு மாஜா.

330. இறைத்தூதர்(ஸல்) எங்களுக்கு ஒரு துஆவைக் கற்றுக் கொடுத்தார்கள். நாங்கள் அதனை ஃபஜ்ர் தொழுகையில் குனூத்தாக ஓதிக் கொண்டிருந்தோம் என இப்னு அப்பாஸ்(ரலி) அறிவித்தார்.
நூல்: பைஹகீ
இதன் அறிவிப்பாளர் தொடரில் பலவீனம் உள்ளது.

332. இறைத்தூதர்(ஸல்) ஸஜ்தாச் செய்யும்போது (தரையில்) கைகளை வைப்பதற்கு முன்னதாக தம் இரண்டு முட்டுக் கால்களையும் வைத்ததை நான் பார்த்தேன் என வாயில் இப்னு ஹுஜ்ர்(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா
இப்னு உமர்(ரலி) அவர்களின் ஒரு ஹதீஸ், இங்கு இடம் பெற்றுள்ள முதல் ஹதீஸிற்கு சான்றாக உள்ளது. இதனை இப்னு குஸைமா(ரஹ்) ஆதாரப்பூர்வமானது எனக் குறிப்பிட்டுள்ளார்.
இமாம் புகாரீ(ரஹ்) இதனை தம் பாடத் தலைப்பில் முஅல்லக், `மவ்கூஃப்' எனும் தரத்திலும் பதிவிடப்பட்டுள்ளது.

334. இறைத்தூதர்(ஸல்) எங்களை நோக்கி, ``உங்களில் ஒருவர் தொழும்போது, ``(அத்தஹிய்யாத்து....) எல்லாவிதமான காணிக்கைகளும், தொழுகைகளும், ஏனைய நல்லறங்களும் அல்லாஹ்விற்கே உரித்தானவை. நபியே! உம் மீது சாந்தியும் இறைவனின் கருணையும், அபிவிருத்தியும் உண்டாகட்டும்! இன்னும் எங்கள் மீதும் இறைவனின் ஏனைய நல்லடியார்கள் மீதும் சாந்தி உண்டாகட்டும்! `நிச்சயமாக அல்லாஹ்வைத் தவிர வேறு இறைவன் இல்லை' அவன் தனித்தவன். அவனுக்கு இணையுமில்லை, துணையுமில்லை' என நான் சாட்சி அளிக்கிறேன். இன்னும் முஹம்மத்(ஸல்), அவனுடைய நல்லடியர் மற்றும் தூதர் என்றும்' என நான் சாட்சி அளிக்கிறேன் என ஓதி, பின்னர், அவர் துஆக்களில் தான் விரும்பியதைத் தேர்ந்தெடுத்துப் பிரார்த்திக்கட்டும்'' என்று இறைத்தூதர்(ஸல்) கூறினார்கள் என அப்துல்லாஹ் இப்னு மஸ்வூத்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.
தொழுகையில் அத்திஹிய்யாத்து ஓதுவது சட்டமாய் ஆக்கப்படுவதற்கு முன்னர் நாங்கள் தொழுகையில் அத்தஹிய்யாத்து ஓதும் இடத்தில் அல்லாஹ்வின் மீது சாந்தி உண்டாகட்டும், ஜிப்ரீல் மீகாயீல் மீது சாந்தி உண்டாகட்டும் என ஓதிக் கொண்டிருந்தோம் அப்போது, இறைத்தூதர்(ஸல்) இவ்வாறு சொல்லாதீர்கள்! மாறாக, அத்தஹிய்யாத்தை இவ்வாறு (இந்த ஹதீஸில் வருவதுபோல) கூறுங்கள் என்று கூறினார் என நஸயீயின் மற்றோர் அறிவிப்பில் உள்ளது.
அப்துல்லாஹ் இப்னு மஸ் வூத்(ரலி) அவர்களுக்கு இறைத்தூதர்(ஸல்) தஷஹ்ஹுதைக் கற்றுக் கொடுத்தார்கள். இன்னும், அதை மக்களுக்குக் கற்றுத் தருமாறு கட்டளையிட்டார்கள் என அஹ்மதில் உள்ளது.