356. இறைத்தூதர்(ஸல்) தொழுது ஸலாம் கொடுத்தார்கள். ``இறைத்தூதர் அவர்களே! தொழுகையில் புதிதாக ஏதேனும் சேர்த்துள்ளீர்களா?'' என வினவப்பட்டது.
``அது என்ன?'' என நபி(ஸல்) வினவினார்கள்.
``தாங்கள் இத்தனை இத்தனை (ரக்அத்கள்) தொழ வைத்தீர்கள்'' என மக்கள் (குறிப்பிட்டுக்) கூறினார்கள்.
உடனே, தம் கால்களை திருப்பி கிப்லாவை முன்னோக்கி இரண்டு ஸஜ்தாக்கள் செய்து, ஸலாம் கொடுத்தார்கள். பின்னர் மக்களின் பக்கம் திரும்பி, ``தொழுகையில் எதுவும் அதிகப்படுத்தப்பட்டால் நான் உங்களுக்குத் தெரிவித்தே இருப்பேன். நானும் உங்களைப் போல ஒரு மனிதனே. எனவே, நீங்கள் மறப்பது போன்றே நானும் மறந்துவிடுகிறேன். நான் மறந்துவிடும்போது நீங்கள் எனக்கு நினைவூட்டுங்கள்! உங்களில் ஒருவருக்குத் தொழுகையில் ஐயம் ஏற்பட்டால் அவர் உறுதியானதை ஆராய்ந்து எடுத்துக் கொண்டு, மறதிக்காக இரண்டு ஸஜ்தாக்கள் செய்து கொள்ளட்டும்'' என்று இறைத்தூதர்(ஸல்) கூறினார்கள் என இப்னு மஸ்வூத்(ரலி) அறிவித்தார்.
நூல்கள்: புகாரீ, முஸ்லிம்

358. முஸ்லிமின் அறிவிப்பில் ஸலாம் மற்றும் பேச்சுக்களுக்குப் பின்பு, மறதிக்காக இரண்டு ஸஜ்தாக்கள் செய்தார்கள் என உள்ளது.

360. உங்களில் ஒருவர் இரண்டு ரக்அத்துகள் தொழும்போது (இரண்டாவது ரக்அத்தில்) தஷஹ்ஹுதில் அமராமல்) ஐயம் கொண்டு எழுந்திருந்தால், அவர் அப்படியே நிற்கட்டும். திரும்ப அமரவேண்டாம். இரண்டு ஸஜ்தாக்கள் (இறுதியில்) செய்யயட்டும். அவர் முழுமையாக எழுந்திருக்க வில்லை எனில், அப்படியே அமர்ந்து (தொழுகையை முடித்து) கொள்ளட்டும். அதற்காக ஸஜ்தாச் செய்ய வேண்டியதில்லை என முகீரா இப்னு ஷுஅபா(ரலி) அறிவித்தார்.
நூல்கள்: அபூ தாவூத், இப்னு மாஜா மற்றும் தாரகுத்னீ
இங்கு தாரகுத்னீயின் வாசகம் இடம் பெற்றுள்ளது. இது `ளயீஃப்' எனும் பலவீனமான அறிவிப்பாளர் தொடரில் பதிவிடப்பட்டுள்ளது.

362. ``(தொழுகையில் ஏற்படும்) ஒவ்வொரு மறதிக்காகவும் ஸலாமிற்குப் பின்பு இரண்டு ஸஜ்தாக்கள் உள்ளன'' என்று இறைத்தூதர்(ஸல்) கூறினார்கள் என ஸவ்பான்(ரலி) அறிவித்தார்.
நூல்: அபூ தாவூத், இப்னு மாஜா
இதன் அறிவிப்பாளர் தொடர் பலவீனமானது எனக் குறிப்பிட்டுள்ளனர்.
குறிப்பு: இதன் அறிவிப்பாளர் தொடரில், இஸ் மாயீல் இப்னு அய்யாஷ் இடம் பெற்றுள்ளார். அவர் ஷாம் வாசிகள் மூலம் அறிவித்தால் அது ஆதாரப்பூர்வமானதாகும். இது ஷாம் வாசிகளிடமிருந்து அறிவிக்கப்பட்டுள்ளது. எனவே, இது பலவீனமானது அல்ல என்பதே சரியாகும்.

364. `ஸாத்' எனும் அத்தியாயத்தை ஓதும்போது ஸஜ்தா அவசியமில்லை. (ஆனால்) அதில் இறைத்தூதர்(ஸல்) ஸஜ்தாச் செய்ய நான் பார்த்துள்ளேன் என இப்னு அப்பாஸ்(ரலி) அறிவித்தார்.
நூல்: புகாரீ

366. நபி(ஸல்) அவர்களிடம் சூரத்துன் நஜ்மை ஓதிக் காண்பித்தபோது, அவர்கள் அதற்காக ஸஜ்தா செய்யவில்லை என ஸைத் இப்னு ஸாபித்(ரலி) அறிவித்தார்.
நூல்கள்: புகாரீ, முஸ்லிம்

368. ``இந்த இரண்டு ஸஜ்தாக்களை (சூரத்துல் ஹஜ்ஜில்) செய்யாதவர், இந்த சூராவை ஓதவேண்டாம்'' என்று இறைத்தூதர்(ஸல்) கூறினார்கள் என உக்பா இப்னு ஆமிர்(ரலி) வாயிலாக அஹ்மத் மற்றும் திர்மிதீயில் மவ்சூல் எனும் தரத்தில் பதிவிடப்பட்டுள்ளது.
இதன் அறிவிப்பாளர் தொடர் பலவீனமானது.

370. இறைத்தூதர்(ஸல்) எங்கள் முன்பு குர்ஆன் ஓதும்போது ஸஜ்தா வசனங்களைக் கடந்து சென்றால் `அல்லாஹு அக்பர்' எனக் கூறி ஸஜ்தாச் செய்வார்கள். நாங்களும் அவர்களுடன் ஸஜ்தாச் செய்வோம் என இப்னு உமர்(ரலி) அறிவித்தார்.
நூல்: அபூ தாவூத்
இதனை இமாம் அபூ தாவூத்(ரஹ்) பலவீனமான அறிவிப்பாளர் தொடருடன் பதிவிட்டுள்ளார்.

372. இறைத்தூதர்(ஸல்) நீண்ட ஸஜ்தாச் செய்தார்கள். பின்னர், தம் தலையை உயர்த்தி ``என்னிடம் ஜிப்ரீல் வந்து எனக்கு நற்செய்தி கூறினார்'' (எனவே), அல்லாஹ்விற்கு நன்றி செலுத்தும் வண்ணமாக நான் ஸஜ்தாச் செய்தேன்'' என்று அவர்கள் கூறினார்கள் என அப்துர் ரஹ்மான் இப்னு அவ்ஃப்(ரலி) அறிவித்தார்.
நூல்: அஹ்மத்
இமாம் ஹாகிம்(ரஹ்) ஆதாரப்பூர்வமானது எனக் குறிப்பிட்டுளளார்.

374. இறைத்தூதர்(ஸல்)என்னை நோக்கி, `என்னிடம் (ஏதாவது) கேள்!'' எனக் கூறினார்கள்.
``சுவர்க்கத்தில் தங்களின் தோழமையை வேண்டுகிறேன்'' என நான் கூறினேன்.
``இதுவல்லாமல் (வேறு ஏதும் கேள்!)'' என அவர்கள் கூறினார்கள்.
``அதுவே (எனக்கு வேண்டும்)'' என நான் கூறினேன்.
``உன் நாட்டம் நிறைவேறிட அதிகம் ஸஜ்தாச் செய்து எனக்கு உதவி செய்'' என்று இறைத்தூதர்(ஸல்) கூறினார்கள் என ரபீஆ இப்னு மாலிக்(ரலி) அறிவித்தார்.
நூல்: முஸ்லிம்