371. நபி(ஸல்) அவர்களுக்கு ஒரு மகிழ்ச்சியான செய்தி வருமானால், இறைவனுக்கு நன்றி செலுத்துவதற்காக நிலத்தில் தம் தலையை வைத்து ஸஜ்தா செய்வார்கள் என அபூ பக்ரா(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா.
குறிப்பு: இந்நூலில், இங்கிருந்து ஸஜ்தா ஷுக்ர் தொடர்பான நபிமொழிகள் தொடங்குகின்றன.

373. அலீ(ரலி) அவர்களை யமன் நாட்டிற்கு இறைத்தூதர்(ஸல்) அனுப்பினார்கள். (ஹதீஸ் முழுவதும் சொல்லப்பட்டது அந்த ஹதீஸில்) அந்த மக்கள் இஸ்லாமை ஏற்ற செய்தியை, அலீ(ரலி) (நபி(ஸல்) அவர்களுக்கு) எழுதினார். இறைத்தூதர்(ஸல்) அக்கடிதத்தைப் படித்ததும் அல்லாஹ்விற்கு நன்றி செலுத்தும் முகமாக ஸஜ்தாவில் விழுந்தார்கள் என பரா இப்னு ஆஸிப்(ரலி) அறிவித்தார்.
நூல்: பைஹகீ
இதன் மூலம் புகாரீயில் உள்ளது.
உபரியான தொழுகைகள்

375. லுஹர் தொழுகைக்கு முன்பு இரண்டு ரக்அத்துக்கள், அதற்குப் பின்பு இரண்டு ரக்அத்துக்கள், இன்னும் மக்ரிப் தொழுகைக்குப் பின்பு தம் வீட்டில் இரண்டு ரக்அத்துக்கள், இஷாவிற்குப் பின்பு வீட்டில் இரண்டு ரக்அத்துகள் இன்னும் ஸுப்ஹுவிற்கு முன்பு இரண்டு ரக்அத்துக்கள் (ஆகிய சுன்னத் தொழுகைகளை தொழவேண்டும் என்பதை) நான் நபி(ஸல்) அவர்களிடமிருந்து கற்றுக் கொண்டேன் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்
புகாரீ, முஸ்லிம் மற்றோர் அறிவிப்பில், ஜுமுஆவிற்குப் பின்பு தம் வீட்டில் இரண்டு ரக்அத்துக்கள் தொழுதார்கள் என்பதும் உள்ளது.

377. `லுஹர்' தொழுகைக்கு முன்பு (இரண்டிரண்டாக) நான்கு ரக்அத்துகளையும், ஃபஜ்ர்' தொழுகைக்கு முன்பு இரண்டு ரக்அத்துக்களையும் இறைத்தூதர்(ஸல்) (தொழாமல்) விடமாட்டார்கள் என ஆயிஷா(ரலி) அறிவித்தார்.
நூல்: புகாரீ

379. ஃபஜ்ரின் (சுன்னத்) இரண்டு ரக்அத்துகள், உலகம் மற்றும் அதிலுள்ள அனைத்தையும் விடச் சிறந்தவையாகும்' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்துள்ளனர்.
நூல்: முஸ்லிம்

381. திர்மிதீயில் 380 வது ஹதீஸ் போன்றே உள்ளது. மேலும், (அந்த பனிரெண்டு ரக்அத்துகள் எவையெவை என்பதன் விள்ளமாக) லுஹருக்கு முன்பு (இரண்டிரண்டாக) நான்கு ரக்அத்துகள். அதற்குப் பின்பு இரண்டு ரக்அத்துகள். இன்னும், மக்ரிபிற்குப் பின்பு இரண்டு ரக்அத்துகள், இன்னும் இஷாவிற்குப் பின்பு இரண்டு ரக்அத்துகள், இன்னும், ஃபஜ்ர் தொழுகைக்கு முன்பு இரண்டு ரக்அத்துக்கள் என்ற செய்தி அதிகமாக உள்ளது.

383. அஸரு (தொழுகை)க்கு முன்பு நான்கு ரக்அத்துக்கள் தொழுபவருக்கு அல்லாஹ் அருள் செய்யட்டும் என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: அஹ்மத், அபூ தாவூத் மற்றும் திர்மிதீ
இது திர்மிதீயில் `ஹஸன்' எனும் தரத்திலும் இப்னு குஸைமாவில் `ஸஹீஹ்' எனும் தரத்திலும் பதிவிடப்பட்டுள்ளது.

385. இப்னு ஹிப்பானின் மற்றோர் அறிவிப்பில் மக்ரிபிற்கு முன்பு இறைத்தூதர்(ஸல்) இரண்டு ரக்அத்துக்கள் தொழுதார்கள் என உள்ளது.

387. ``சூரத்துல் ஃபாத்திஹா ஓதினார்களா (ஓதவில்லையா)?'' என நான் எண்ணும் அளவிற்கு, இறைத்தூதர்(ஸல்) சுப்ஹு தொழுகையின் முன் (சுன்னத்) இரண்டு ரக்அத்துக்களையும் மிகச் சுருக்கமாகத் தொழுவார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

389. இறைத்தூதர்(ஸல்) ஃபஜ்ரின் (சுன்னத்) இரண்டு ரக்அத்துக்கள் தொழுதுவிட்டால், வலப்பக்கமாகச் சாய்ந்து படுப்பார்கள் என ஆயிஷா(ரலி) அறிவித்தார்.
நூல்: புகாரீ