44. ``நிறைவாக `உளூ'ச் செய்யுங்கள். இன்னும் விரல்களைக் கோதிக் கழுவுங்கள். இன்னும் நோன்பாளியாய் இல்லை எனில் நாசிக்கு நன்றாக நீர் செலுத்துங்கள்'' என்று இறைத்தூதர்(ஸல்) கூறினார்கள் என லகீத் இப்னு ஸபிரா(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா.
இது ஆதரப்பூர்வமான ஹதீஸ் என இமாம் இப்னு குஸைமா(ரஹ்) குறிப்பிட்டுள்ளார்.

46. ``இறைத்தூதர்(ஸல்) `உளூ'ச் செய்கபோது, தம் தாடியைக் கோதிக் கழுவினார்கள்'' என உஸ்மான்(ரலி) அறிவித்தார்.
நூல்கள்: திர்மிதீ, இப்னு குஸைமா
இது ஆதரப்பூர்வமான ஹதீஸ் என இமாம் இப்னு குஸைமா(ரஹ்) குறிப்பிட்டுள்ளார்.

48. இறைத்தூதர்(ஸல்) `உளூ'ச் செய்தபோது காதுகள் மற்றும் தலைக்கு (மஸஹ் செய்ய) தனித்தனியாகத் தண்ணீர் எடுத்ததைத் தாம் பார்த்ததாக அப்துல்லாஹ் இப்னு ஜைத்(ரலி) அறிவித்தார்.
நூல்: பைஹகீ
இமாம் பைஹகீ, திர்மிதீ(ரஹ்) ஆகியோர் இதனை ஆதாரப்பூர்வமான ஹதீஸ் எனக் குறிப்பிட்டுள்ளார்கள்.
``இறைத்தூதர்(ஸல்) தம் கையில் எஞ்சி இருந்த தண்ணீரால் மஸஹ் செய்யாமல், பின்னர் ஒரு முறை தண்ணீரில் தம் கையை நுழைத்து ஈரமாக்கித் தம் தலைக்கு மஸஹ் செய்தார்கள்'' என முஸ்லிமின் மற்றோர் அறிவிப்பில் உள்ளது.

50. ``இறைத்தூதர்(ஸல்) செருப்பு அணியும் போதும், தலை வாரும் போதும், `உளூ'ச் செய்யும் போது, தம் காரியங்கள் அனைத்திலும் வலப் பக்கத்திலிருந்து ஆரம்பிப்பவர்களாய் இருந்தாhர்கள் என ஆயிஷா(ரலி) அறிவித்தார்.
நூல்: புகாரீ, முஸ்லிம்

52. ``இறைத்தூதர்(ஸல்) `உளூ'ச் செய்தபோது தம் நெற்றி ரோமம், தலைப்பாகை மற்றும் இரண்டு காலணிகளுக்கும் மஸஹ் செய்தார்கள்'' என முகீரா இப்னு ஷுஅபா(ரலி) அறிவித்தார்.
நூல்: முஸ்லிம்

54. ``இறைத்தூதர்(ஸல்) `உளூ'ச் செய்தபோது தம் முழங்கைகளில் தண்ணீர் ஊற்றினார்கள்'' என ஜாபிர்(ரலி) அறிவித்தார்.
இமாம் தார குத்னீ(ரஹ்) பலவீனமான அறிவிப்பாளர் தொடரில் பதிவிட்டுள்ளார்.

56. ஸயீத் இப்னு ஸைத் மற்றும் அபூ ஸயீது அல் குத்ரீ(ரலி) வாயிலாக திர்மிதீயிலும் மேற்கண்ட ஹதீஸ் உள்ளது. இது தொடர்பாக வரும் ஹதீஸ் கள் எதுவும் ஆதாரமாகக் கொள்ளத் தக்கவையற்று என இமாம் அஹ்மத்(ரஹ்) கூறியுள்ளார்.

58. நபி(ஸல்) அவர்களின் `உளூ' குறித்து அலீ(ரலி) கூறுகையில், ``இறைத்தூதர்(ஸல்) மும்முறை வாய் கொப்பளித்தார்கள். இன்னும் மும்முறை மூக்கைச் சிந்தினார்கள். (வாய் கொப்பளிக்க எடுத்த) அதே தண்ணீரால் நாசியையும் சுத்தம் செய்தார்கள்'' என கூறினார்.
நூல்கள்: அபூ தாவூத், நஸயீ.

60. தம் குதிக்காலில் நகத்தளவு மட்டும் தண்ணீர் படாத (வாறு `உளூ'ச் செய்த) ஒரு நபரைப் பார்த்த இறைத்தூதர்(ஸல்), ``திரும்பச் செல்! உன்னுடைய `உளூ'வை நல்ல முறையில் செய்!'' என்று கூறினார்கள் என அனஸ்(ரலி) அறிவித்தார்.
நூல்கள்: அபூ தாவூத், நஸயீ

62. உங்களில் நிறைவாக `உளூ'ச் செய்தப் பின்னர், ``நிச்சயமாக அல்லாஹ்வைத் தவிர வேறு கடவுள் இல்லை. அவன் தனித்தவன். அவனுக்கு இணைதுணை இல்லை என நான் சாட்சி அளிக்கிறேன். இன்னும் முஹம்மத்(ஸல்) அவனுடைய அடியார் மற்றும் தூதர் என்றும் நான் சாட்சி அளிக்கிறேன்'' எனக் கூறுபவருக்கு சுவர்க்கத்தின் எட்டு வாயில்கள் திறக்கப்படுகின்றன. அவற்றில் விரும்பிய வாயிலில் அவர் நுழைந்து கொள்ளலாம் என்று இறைத்தூதர்(ஸல்) கூறினார்கள் என உமர்(ரலி) அறிவித்தார்.
நூல்: முஸ்லிம், திர்மிதீ
``யா அல்லாஹ்! பாவமன்னிப்பு (தவ்பா) கோருபவர்களின் , குழுவிலும், தூயவர்களின் குழுவிலும் என்னைச் சேர்ப்பாயாக!'' எனும் வாசகம் திர்மிதீயில் அதிகப்படுத்தப்பட்டுள்ளது.
காலுறைகளில் மஸஹ் செய்வது விளக்கம்