63. நபி(ஸல்) அவர்களுடன் நான் இருந்தபோது, அவர்கள் `உளூ'ச் செய்தார்கள். அப்போது நான் அவர்களின் காலுறைகளைக் கழற்ற முயன்றேன். (அதற்கு) ``அவை இரண்டையும் விட்டுவிடு. ஏனெனில், தூய்மையான நிலையிலேயே அவை இரண்டையும் நான் அணிந்துள்ளேன்'' என்று இறைத்தூதர்(ஸல்) கூறி, அவற்றின் மீது மஸஹ் செய்தார்கள் என முகீரா இப்னு ஷுஅபா(ரலி) அறிவித்தார்.
நூல்கள்: புகாரீ, முஸ்லிம்
குறிப்பு: `உளூ' உடன் இருக்கும் நிலையில் காலுரைகள் அணியப்பட்டிருந்தால் மட்டுமே அதன் மீது மஸஹ் செய்து கொள்ளலாம். பின்வரும் 67 ஆம் ஹதீஸ் பார்க்க!

65. ``மார்க்கம், அறிவை (மட்டும்) அடிப்படையாகக் கொண்டிருப்பின், காலுறைகளின் கீழ்ப் பக்கம் மஸஹ் செய்வது சிறப்பானதாய் இருக்கலாம். ஆனால், பி(ஸல்) அவர்களை காலுறைகளின் மேல் பக்கம் மஸஹ் செய்யக் நான் கண்டுள்ளேன்'' என அலீ(ரலி) கூறினார்.
நூல்: அபூ தாவூத்
இமாம் அபூ தாவூத்(ரஹ்) இதனை `ஹஸன்' எனும் தரத்தில் பதிவிட்டுள்ளார்.

67. ``மூன்று பகல் மற்றும் மூன்று இரவுகள் பயணிகளுக்கும், ஒரு பகல் ஓர் இரவு பயணி அல்லாதோருக்கும் காலுறைகளில் மஸஹ் செய்து கொள்ள இறைத்தூதர்(ஸல்) அனுமதி அளித்துள்ளார்கள்'' என அலீ(ரலி) அறிவித்தார்.
நூல்: முஸ்லிம்

69. ``உங்களில் குளிப்புக் கடமையாக அல்லாத ஒருவர், காலுறைகள் அணிந்து நிலையில் `உளூ'ச் செய்தால், அவர் விரும்பினால் அவற்றின் மீது மஸஹ் செய்து, அவற்றை அணிந்தவாறே தொழட்டும்'' என்று இறைத்தூதர்(ஸல்) கூறினார்கள் என உமர்(ரலி) வாயிலாக `மவ்கூஃப்' எனும் தரத்திலும், அனஸ்(ரலி) வாயிலாக ``மர்ஃபூஃ'' எனும் தரத்திலும் தாரகுத்னீயில் பதிவிடப்பட்டுள்ளது.
இது ஹாகிமிலும் பதிவிடப்பட்டுள்ளது. இதனை இமாம் ஹாகிம்(ரஹ்) ஆதாரப்பூர்வமானது எனக் குறிப்பிட்டுள்ளார்.

71. ``இறைத்தூதர் அவர்களே! காலுறைகளில் மஸஹ் செய்து கொள்ளட்டுமா?'' என நான் கேட்டேன்.
``ஆம்!'' என இறைத்தூதர்(ஸல்) கூறினார்கள்.
``ஒரு நாள் (முழுவதும்)?'' என நான் கேட்டேன்.
``ஆம்!'' என்றார்கள்.
``இரண்டு நாள்கள்?'' என நான் கேட்டேன்.
``ஆம்!'' என்றார்கள்.
``மூன்று நாள்கள்?'' என நான் கேட்டேன்.
``ஆம்! நீ விரும்பிய வரை'' என்று கூறினார்கள் என உபை இப்னு இமாரா(ரலி) அறிவித்தார்.
நூல்: அபூ தாவூத்
இது பலமானது அல்ல என இமாம் அபூ தாவூத்(ரஹ்) கூறியுள்ளார்.
`உளூ'வை முறிக்கக் கூடியவை

73. ஃபாத்திமா பின்த் அபீஹ &பைஷ்(ரலி) நபி(ஸல்) அவர்களிடம் வந்து, ``இறைத்தூதர் அவர்களே! நான் தொடர்ந்து இரத்தப்போக்குள்ள (இஸ்திஹாளா) பெண்ணாய் இருக்கிறேன். நான் தூய்மை அடைவதே இல்லை. எனவே, நான் தொழுகையை விட்டுவிடலாமா?'' எனக் கேட்டார்.
``கூடாது! அது மாதவிடாய் இரத்தமல்ல. ஒரு நரம்பு நோய். எனவே, (வழக்கப்படி) உனக்கு மாதவிடாய் ஏற்படும்போது நீ தொழுகையை விட்டுவிடு! அது சென்றதும் இரத்தத்தைக் கழுவிவிட்டுத் தொழுது கொள்!'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

75. நான் இச்சைநீர் சுரக்கும் தன்மையுள்ளனாய் இருந்தேன். இது குறித்து நபி(ஸல்) அவர்களிடம் கேட்குமாறு மிக்தாதிற்குக் கட்டளையிட்டேன். அவரும் கேட்டார்.
``அதற்காக (இச்சைநீருக்காகக் குளிப்புக் கடமையாகாது. ஆனால்,) `உளூ'ச் செய்தல் கட்டாயமாகும்'' என்று இறைத்தூதர்(ஸல்) கூறினார்கள் என அலீ(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம்பெற்றுள்ளது.

77. ``உங்களில் ஒருவர் தன் வயிற்றினுள் ஏதேனும் (சத்தத்தை) செவியுற்று, (காற்று) ஏதும் வெளியேறியதா, இல்லையா என ஐயப்பட்டால், சத்தத்தைக் கேட்காத அல்லது நாற்றத்தை உணராத வரையில் (தொழுகையை முறித்து) இறைஇல்லத்தை விட்டு வெளியேற வேண்டாம்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

79. ``தன் மர்ம உறுப்பைத் தொட்டவர் (மீண்டும்) `உளூ'ச் செய்து கொள்ளட்டும்'' என்று இறைத்தூதர்(ஸல்) கூறினார்கள் என புஸ்ராஹ் பின்த் ஸஃப்வான்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இதனை இமாம் திர்மிதீ மற்றும் இப்னு ஹிப்பான்(ரஹ்) ஆகியோர் இதனை ஆதாரப்பூர்வமான ஹதீஸ் எனக் குறிப்பிட்டுள்ளார்கள். இமாம் புகாரீ(ரஹ்) இதுதான் இது தொடர்பாக வந்துளள ஹதீஸ் களில் சரியானதாகும் எனக் கூறியுள்ளார்.
குறிப்பு: மர்ம உறுப்பை இச்சையுடன் ஆடைக்கு மேலாகவோ அல்லது நேரடியாகவோ எப்படித் தொட்டாலும் `உளூ' முறிந்துவிடும். யதார்த்தமாகத் தொட்டால் `உளூ' முறியாது. இந்த அடிப்படையில், 78 ஆம் ஹதீஸிற்கு 79 ஆம் ஹதீஸ் எந்த வகையிலும் முரணில்லை.

81. ``நான் ஆட்டிறைச்சி உண்டால் `உளூ'ச் செய்ய வேண்டுமா?'' என நபி(ஸல்) அவர்களிடம் ஒருவர் கேட்டார்.
``நீ விரும்பினால்'' என நபி(ஸல்) பதிலளித்தார்கள்.
``நான் ஒட்டக இறைச்சி உண்டால் `உளூ'ச் செய்ய வேண்டுமா?'' என அவர் கேட்டார்.
``ஆம்'' என்று பதிலளித்தார்கள் என ஜாபிர் இப்னு ஸமுரா(ரலி) அறிவித்தார்.
நூல்: முஸ்லிம்