525. பெருநாள் தொழுகைக்கு நடந்து செல்வது சுன்னத்தாகும் என அலீ(ரலி) அறிவித்தார்.
நூல்: திர்மிதீ
இமாம் திர்மிதீ(ரஹ்) இதனை `ஹஸன்' எனக் குறிப்பிட்டுள்ளார்.

527. இறைத்தூதர்(ஸல்) அவர்களின் காலத்தில் (அவர்களின் மகன்) இப்ராஹீம் அவர்கள் மரணமடைந்த நாளன்று சூரிய கிரகணம் ஏற்பட்டது. அப்போது, ``இப்ராஹீமின் மரணத்தால் சூரிய கிரகணம் ஏற்பட்டது'' எனக் மக்கள் கூறலாயினர்.
``சூரியனும், சந்திரனும் அல்லாஹ்வின் அத்தாட்சிகளில் இரண்டு அத்தாட்சிகளாகும். யாரின் மரணத்திற்காகவும், வாழ்விற்காகவும் கிரகணம் ஏற்படுவதில்லை. அதனை நீங்கள் கண்டால், அது உங்களை விட்டுவிலக்கும் வரை அல்லாஹ்விடம் துஆச் செய்யுங்கள்; தொழுங்கள்'' என்று இறைத்தூதர்(ஸல்) கூறினார்கள் என முகீரா இப்னு ஷுஅபா (ரலி) அறிவித்தார்.
நூல்கள்: புகாரீ, முஸ்லிம்
புகாரீயின் மற்றோர் அறிவிப்பில், ``அது விலகும் வரை'' என உள்ளது.

529. இறைத்தூதர்(ஸல்) கிரகணத் தொழுகையில் சப்தமிட்டு ஓதினார்கள். இரண்டு ரக்அத்துக்களில் நான்கு ருகூஃகள் மற்றும் நான்கு ஸஜ்தாக்கள் செய்தார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது. மற்றோர் அறிவிப்பில், ``இறைத்தூதர்(ஸல்) ஓர் அழைப்பாளரை அனுப்பினார்கள். அவர் (கிரகணத்திற்காக) `ஜமாஅத் தொழுகை' உள்ளது என அழைப்பு விடுத்தார்'' என உள்ளது.

531. அலீ(ரலி) வாயிலாக 530 வது ஹதீஸ் போன்றே அறிவிக்கப்பட்டுள்ளது.

533. இறைத்தூதர்(ஸல்) ஐந்து ருகூவுடகளுடனும் நான்கு ஸஜ்தாக்களுடனும் தொழுதார்கள். இரண்டாவது ரக்அத்திலும் அவ்வாறே செய்தார்கள் என உபய் இப்னு கஅப்(ரலி) வாயிலாக அபூ தாவூதில் உள்ளது.

535. நிலநடுக்கத்தின்போது, ஆறு ருகூவுகளுடனும் நான்கு ஸஜ்தாக்களுடனும் இறைத்தூதர்(ஸல்) இரண்டு ரக்அத்துக்கள் தொழுதார்கள். இன்னும், அத்தாட்சிகளுக்கான தொழுகை இவ்வாறுதான்'' என்று கூறினார்கள் என இப்னு அப்பாஸ்(ரலி) அறிவித்தார்.
நூல்: பைஹகீ
மேற்கண்டவாறே அலீ இப்னு அபீ தாலிப்(ரலி) வாயிலாக ஷாஃபியீயில் உள்ளது. அதில் கடைசி வாசகம் மட்டும் இல்லை.

537. மழை பொழியாதிருப்பது குறித்து நபி(ஸல்) அவர்களிடம் மக்கள் முறையிட்டனர். எனவே, ஒரு மிம்பரைக் கொண்டு வருமாறு நபி(ஸல்) கட்டளையிட்டார்கள். அவ்வாறே அது கொண்டு வரப்பட்டு, (பெருநாள்) தொழுமிடத்தில் வைப்பட்டது. மக்கள் அனைவரையும் ஒரு நாளில் அங்கு ஒன்று சேர்க்குமாறு இறைத்தூதர்(ஸல்) கட்டளையிட்டார்கள். சூரியன் ஓரத்தில் வெளிப்பட்டதும், இறைத்தூதர்(ஸல்) மிம்பரில் அமர்ந்தார்கள். பின்னர், தக்பீர் கூறினார்கள். இறைவனைப் புகழ்ந்தார்கள். பின்னர்,
``மக்களே! நீங்கள் உங்கள் நகரத்தின் வறட்சி குறித்து முறையிட்டீர்கள். தன்னிடம் துஆ கேட்குமாறு உங்களுக்கு அல்லாஹ் கட்டளையிட்டுள்ளான். அவன் உங்கள் வேண்டுதலை அங்கீகரிப்பான் என்று இறைத்தூதர்(ஸல்) கூறினார்கள்.
பின்னர், ``அனைத்துப் புகழும் இறைவனுக்கே! அவன் அகிலங்களின் இரட்சகன். அளவற்ற அருளாளன். நிகரற்ற கருணையாளன். தீர்ப்பு நாளின் அதிபதி. அவனைத் தவிர வேறு இறைவன் இல்லை. அவன் நாடியதைச் செய்கிறான். எங்கள் இரட்சகனே! நீயே அல்லாஹ்! உன்னைத் தவிர வேறு இறைவன் இல்லை. நீயோ தேவையற்றவன் (தன்னிறைவு மிக்கவன்). நாங்களோ (உன்னிடம்) தேவையுடையவர்கள் (தன்னிறைவு அற்றவர்கள்). எங்கள் மீது மழையைப் பொழியச் செய்வாயாக! நீ எங்கள் மீது இறக்கக் கூடியதை எங்களுக்கு ஆற்றல் மிக்கதாகவும், முழுமையானதாகவும் ஆக்குவாயாக!'' என்றும் இறைத்தூதர்(ஸல்) கூறினார்கள்.
பின்னர், தம் இரண்டு கைகளையும் உயர்த்தினார்கள். அவர்களின் அக்குளின் வெண்மை தெரியும் அளவு அது மெதுவாக உயர்ந்து கொண்டே போனது. பின்னர். மக்களின் பால் தம் முதுமைகத் திருப்பித் தம்முடைய மேலாடையைத் திருப்பிப் போட்டார்கள். அப்போதும், அவர்கள் தம் இரண்டு கைகளையும் உயர்த்தியே வைத்திருந்தார்கள். பின்னர், மக்களின் பால் திரும்பி, மிம்பரை விட்டு இறங்கினார்கள். பின்னர், இரண்டு ரக்அத்துக்ள் தொழ வைத்தார்கள். அப்போது, வானத்தில் மேகத்தை அல்லாஹ் உண்டாக்கினான். அதில் இடியுடன் சேர்ந்த மின்னலும் இருந்தது. பின்னர், மழை பொழியத் தொடங்கியது என ஆயிஷா(ரலி) அறிவித்தார்.
நூல்: அபூ தாவூத்

539. அபூ ஜஅஃபர் அல் பாகிர்(ரலி) வாயிலாக தாரகுத்னீயில், ``அவர்கள் தம்முடைய மேலாடையை பஞ்சம் மாறவேண்டும் என்பதற்காகத் திருப்பிப் போட்டார்கள்'' என `முர்ஸல்' எனும் தரத்தில் பதிவிடப்பட்டுள்ளது.

541. உமர்(ரலி) அவர்களின் காலத்தில் பஞ்சம் ஏற்பட்டால், அப்பாஸ் இப்னு அப்தில் முத்தலிப்(ரலி) அவர்களை மழைக்கு துஆச் செய்யுமாறு உமர்(ரலி) வேண்டுவார்கள். இன்னும், ``அல்லாஹ்வே! நபி(ஸல்) (அவர்களின் காலத்தில்) அவர்களின் துஆ மூலம் உன்னிடம் மழையை வேண்டுவோம். நீ எங்களுக்கு மழை பொழிவாய்! இப்போது நாங்கள் நபி(ஸல்) அவர்களின் சிறிய தந்தையின் வாயிலாகக் வேண்டுகிறோம் எங்கள் மீது மழையைப் பொழிவாயாக!'' என்றும் கூறுவார்கள். ``அப்போது எங்கள் மீது மழை பொழியப்படும்'' என அனஸ்(ரலி) அறிவித்தார்.
நூல்: புகாரீ

543. இறைத்தூதர்(ஸல்) மழை பொழிவதைக் கண்டால், ``அல்லாஹ்வே! எங்களுக்குப் பலன் தரக்கூடிய மழையைப் பொழிவாயாக!'' என்று கூறுவார்கள் என ஆயிஷா(ரலி) அறிவித்தார்கள்.
நூல்கள்: புகாரீ, முஸ்லிம்