828. முஹாகலா, முஃகாளரா, முலாமஸா, முனாபதா மற்றும் முஸாபனா ஆகிய வியாபார முறைகளை இறைத்தூதர்(ஸல்) தடை செய்தார்கள் என அனஸ் (ரலி) அறிவித்தார்.
நூல்: புகாரீ
குறிப்பு: கனிகள், உணவு தானியங்கள் விளைந்து, அவற்றின் பலன் உறுதி செய்யப்படும் முன்பே அவற்றை விற்பது முஃகாளரா எனப்படும்.
ஒரு துணியைத் தொடுவதற்கு மட்டும் அனுமதிக்கப்படும். அது சரியாய் இருக்கிறதா இல்லையா என சோதிப்பதற்கு இரவாக இருப்பினும் அனுமதிப்பதில்லை இந்த வகை வியாபாரம் முலாமஸா எனப்படும்.
ஒருவர் தன்னுடைய துணியை மற்றவரை நோக்கி தூக்கி எறிதல், அவ்வாறே அவரும் தன்னுடைய துணியை இவரை நோக்கி தூக்கி எறிதல், பின்னர் இருவரும் இதற்கு பகரமாய் அது அதற்கு பகரமாய் இது என வியாபாரம் செய்து கொள்ளுதல் முனாபதா எனப்படும்.
ஒரு பொருளை வாங்குபவர் அதைச் சோதித்துப் பார்ப்பதற்கும், அதில் ஏதேனும் குறை இருப்பின் அதைத் திரும்பத் தருவதற்கும் தடையாக இருக்கும் வியாபார முறைகள் அனைத்தும் தடைசெய்யப்பட்டதாகும்.

830. தானியம் (வணிகப் பொருட்களை) கொண்டு வருவோரை (வியாபாரச் சந்தைக்கு வருமுன்) இடைமறித்துச் சந்திக்காதீர்கள். அப்படியே ஒருவர் சந்தித்தாலும், அவர் சந்தைக்கு வரும் வரை வியாபாரம் செய்ய வேண்டாம். அதுவும் அவரின் விருப்பத்திலேயே உள்ளது'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

832. தாய்க்கும், பிள்ளைக்கும் இடையில் (இந்த உலகில்) பிரிவினையை ஏற்படுத்துபவருக்கும், அவருக்குப் பிரியமானவர்களுக்கும் இடையில் அல்லாஹ் மறுமை நாளில் பிரிவினையை ஏற்படுத்துவான் என்று இறைத்தூதர்(ஸல்) கூறினார்கள் என அபூ அய்யூப் அல் அன்ஸாரி(ரலி) அறிவித்தார்.
நூல்: அஹ்மத்
இமாம் திர்மிதீ மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள். எனினும், இதன் அறிவிப்பாளர் தொடரில், சில பிரச்னைகள் உள்ளன. அதற்கு ஆதாரமும் உள்ளது.

834. இறைத்தூதர்(ஸல்) அவர்களின் காலத்தில் பொருட்களின் விலைவாசி உயர்ந்துவிட்டது. எனவே, மக்கள் இறைத்தூதர்(ஸல்) அவர்களிடம், ``இறைத்தூதர் அவர்களே! விலைவாசிகள் உயர்ந்துவிட்டன. எனவே, மக்களுக்காக விலை நிர்ணயம் செய்யுங்கள்'' எனக் கேட்டுக் கொண்டனர்.
``விலைவாசிகளை உயர்த்துவதும், குறைப்பதும், (உணவில்) நெருக்கடி ஏற்படுத்துவதும், விசாலமாக்குவதும், தேவையானதைக் கொடுத்து உணவளிப்பதும் அல்லாஹ்தான். இன்னும், அல்லாஹ்வை நான் சந்திக்கும்போது, பிறர் என்னிடம் தங்களின் இரத்தம் மற்றும் சொத்துக்களின் உரிமையைத் தேடுவதை நான் விரும்பவில்லை'' என்று இறைத்தூதர்(ஸல்) கூறினார்கள் என அனஸ் இப்னு மாலிக்(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

836. ஒட்டகம் மற்றும் ஆடு (போன்ற) கால் நடைகளில் விற்பதற்காக அதன் பாலை (கறக்காது) தடுத்து நிறுத்தி (அவற்றின் மடுயை கனக்கச் செய்து அதிகமாக பால் தருவது போன்று) காண்பிக்காதீர்கள்! இவ்வாறுள்ள கால்நடைகளை வாங்கியவர் (பாலைக் கறந்து) நன்கு ஆய்வு செய்த பின்பு, அவர் விரும்பியதைச் செய்யும் உரிமை பெறுகிறார். அதாவது, அவர் விரும்பினால் அதனை வைத்துக் கொள்ளலாம். அல்லது ஒரு ஸாவு பேரீச்சம் பழத்துடன் அதைத் திருப்பிக் கொடுத்துவிடலாம்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
``அந்த உரிமை அவருக்கு மூன்று நாள்கள் வரை (மட்டுமே) உள்ளது'' என முஸ்லிமில் உள்ளது.
``ஒரு ஸாவு உணவுப் பொருளுடன் அதைத் திரும்பத் தரவேண்டும். (விளையாத) வெள்ளைக் கோதுமையாக அது இருக்கக் கூடாது'' என புகாரீயின் மற்றோர் அறிவிப்பில் முஅல்லக் எனும் தரத்தில் உள்ளது.
``அறிவிப்புகளில் பேரீச்சம்பழம்தான் அதிகமாக சொல்லப்பட்டுள்ளது'' என இமாம் புகாரீ(ரஹ்) குறிப்பிட்டுள்ளார்.

838. இறைத்தூதர்(ஸல்) ஓர் உணவுக் குவியலைக் கடந்து சென்றார்கள். அப்போது, அதனுள் தம் கையை நுழைத்தார்கள். அவர்களின் கையில் ஈரம் தட்டுப்பட்டதால், ``உணவுக்காரரே! இது என்ன?'' எனக் கேட்டார்கள்.
``இறைத்தூதர் அவர்களே! மழை பொழிந்துவிட்டது'' என அவர் கூறினார்.
``மக்கள் பார்க்கும் விதமாக அதனை நீ மேலே போட்டிருக்க வேண்டமா? (எனக் கூறி) ``ஏமாற்றுபவர் நம்மைச் சார்ந்தவர் அல்லர்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

840. ``வாங்கிய பொருளைப் பயன்படுத்தி, அதன் மூலம் பெற்ற பலன் பொறுப்பாளரையே (பொருளை வாங்கியவரையே) சாரும்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இமாம் புகாரீ மற்றும் இமாம் அபூ தாவூத்(ரஹ்) இதனை பலவீனமானது எனக் குறிப்பிட்டுள்ளார்கள்.
இமாம் திர்மிதீ, இமாம் இப்னு குஸைமா, இமாம் இப்னுல் ஜாரூத், இமாம் இப்னு ஹிப்பான், இமாம் ஹாகிம் மற்றும் இமாம் இப்னுல் கத்தா(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.
குறிப்பு: விற்பனையாளரால் உத்திரவாதம் அளிக்கப்பட்டு விற்கப்பட்ட பொருள், உத்திரவாதம் அளிக்கப்பட்ட காலத்திற்குள் கெட்டுவிடுமாயின், அந்த இடைப்பட்ட காலங்களில் பயன்படுத்தி பெறப்பட்ட பலன் பொருளை வாங்கியவருக்கே உரியது. இந்தப் பலனில் விற்றவருக்கு எவ்விதப் பங்கும் இல்லை. உத்திரவாதம் என்பது ழுரயசயவேநந மற்றும் றுயசசயவேல ஆகியவற்றைக் குறிக்கிறது.

842. மேற்கண்ட ஹதீஸிற்குச் சான்றாக ஹகீம் இப்னு ஹிஸாம் அவர்களின் ஒரு ஹதீஸ் திர்மிதீயில் பதிவிடப்பட்டுள்ளது.

844. ``தண்ணீரில் இருக்கும் மீனை விலை பேசாதீர்கள்'' ஏனெனில், அது ஏமாற்றுவதாகும்'' என்று இறைத்தூதர்(ஸல்) கூறினார்கள் என இப்னு மஸ்வூத்(ரலி) அறிவித்தார்.
நூல்: அஹ்மத்
இதனை, ``மவ்கூஃப்'' எனும் தரம் என்றும் இமாம் அஹ்மத்(ரஹ்) சுட்டியுள்ளார்.

846. ``ஒரு முஸ்லிமுடன், தான் செய்துகொண்ட வியாபாரத்தை `இகாலா' செய்பவர் (செய்து முடிக்கப்பட்ட வியாபார ஒப்பந்தத்திற்குப் பின்பு விற்பவரோ அல்லது வாங்குபவரோ ஏதேனும் சிக்கலின் காரணமாக அவ்வொப்பந்தத்தைத் திரும்பப் பெறும்படி கோருதலாகும்) இவ்வாறு கோரியதால், அதனைத் திரும்பப் பெறுகிறவரின் சிக்கலை அல்லாஹ் (மறுமையில்) நீக்குகிறான்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், இப்னு மாஜா
இமாம் இப்னு ஹிப்பான் மற்றும் இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.