சூழ்ந்து மூடிக்கொள்வதின் (கியாம நாளின்) செய்தி உமக்கு வந்ததா?

(நபியே! அனைவரையும்) சூழ்ந்து கொள்ளக்கூடிய (மறுமையைப் பற்றிய) செய்தி உமக்குக் கிடைத்ததா?

சூழ்ந்து கொள்ளக் கூடிய துன்பம் (அதாவது மறுமை) பற்றிய செய்தி உமக்கு வந்ததா?

(நபியே!) சூழ்ந்து கொள்ளக்கூடியதின் மறுமைநாளின்) செய்தி உமக்கு வந்ததா?

Has there reached you the report of the Overwhelming [event]?

அந்நாளில் சில முகங்கள் இழிவுபட்டிருக்கும்.

அந்நாளில், சில முகங்கள் இழிவடைந்து இருக்கும்.

அந்நாளில் சில முகங்கள் பீதியுற்றிருக்கும்;

அந்நாளில் (பல) முகங்கள் இழிவினால் வாடி பணிவுடையனவாயிருக்கும்.

[Some] faces, that Day, will be humbled,

அவை (தவறான காரியங்களை நல்லவை என கருதி) செயல்பட்டவையும் (அதிலேயே) உறுதியாக நின்றவையுமாகும்.

அவை (தவறான வழியில்) அமல் செய்து (அதிலேயே) நிலைத்திருந்தவை.

கடுமையான சிரமத்தை மேற் கொண்டிருக்கும்; களைத்துப் போயிருக்கும்;

அவை (தவறானவற்றை நல்லவை என நினைத்து) செயல்பட்டவையும் (அதற்காக) உறுதியாக நின்றவையுமாகும்.

Working [hard] and exhausted.

கொழுந்து விட்டெறியும் நெருப்பில் அவை புகும்.

கொழுந்துவிட்டு எரியும் நெருப்பிற்கே அவை செல்லும்.

கனன்றெழும் நெருப்பில் கருகிக் கொண்டிருக்கும்;

கொழுந்துவிட்டெரியும் நெருப்பில் அவை பிரவேசிக்கும்.

They will [enter to] burn in an intensely hot Fire.

கொதிக்கும் ஊற்றிலிருந்து, (அவர்களுக்கு) நீர் புகட்டப்படும்.

(அவை) கொதிக்கின்ற ஓர் ஊற்றிலிருந்து நீர் புகட்டப்படும்.

கொதிக்கும் ஊற்றுநீர் அவர்களுக்கு அருந்தக் கொடுக்கப்படும்;

கொதிக்கும் ஊற்றிலிருந்து (அவர்களுக்கு நீர்) புகட்டப்படும்.

They will be given drink from a boiling spring.

அவர்களுக்கு விஷச் செடிகளைத் தவிர, வேறு உணவில்லை.

அதில் அவர்களுக்கு(க் கருவேல) முட்களைத் தவிர, வேறொன்றும் உணவாகக் கிடைக்காது.

முட்கள் நிறைந்த காய்ந்துபோன புற்பூண்டைத் தவிர வேறெந்த உணவும் அவர்களுக்குக் கிடைக்காது.

(அதில்) அவர்களுக்கு (கசப்பான) முட்செடிகளிலிருந்தே தவிர (வேறொன்றும்) உணவுமில்லை.

For them there will be no food except from a poisonous, thorny plant

அது அவர்களைக் கொழு(த்துச் செழி)க்கவும் வைக்காது; அன்றியும் பசியையும் தணிக்காது.

(அது அவர்களுடைய உடலைக்) கொழுக்கவும் வைக்காது; (அவர்களுடைய) பசியையும் தீர்த்து வைக்காது.

அது ஊட்டமும் தராது; பசியையும் போக்காது!

அது கொழுக்கவும் வைக்காது, அவர்களுடைய பசியையும் தீர்க்காது.

Which neither nourishes nor avails against hunger.

அந்நாளில் சில முகங்கள் செழுமையாக இருக்கும்.

எனினும், அந்நாளில் வேறு சில முகங்களோ, மிக்க செழிப்பாக இருக்கும்.

வேறு சில முகங்கள் அந்நாளில் பொலிவுற்றிருக்கும்;

(எனினும்) அந்நாளில் (வேறு) சில முகங்கள் மிக்க மலர்ச்சியுடையனவாக இருக்கும்.

[Other] faces, that Day, will show pleasure.

தம் முயற்சி (நற்பயன் அடைந்தது) பற்றி திருப்தியுடன் இருக்கும்.

(இம்மையில்) தாங்கள் செய்த (நல்ல) காரியங்களைப் பற்றித் திருப்தியடையும்.

தன் செயல்கள் குறித்து திருப்தியடைந்திருக்கும்;

(இம்மையில்) நாங்கள் செய்த முயற்சி (நற்பயனைத் தந்தது) பற்றி திருப்தியுடையனவாக இருக்கும்.

With their effort [they are] satisfied

உன்னதமான சுவர்க்கச் சோலையில்-

(அவை) மேலான சொர்க்கத்தில் இருக்கும்.

உன்னதமான சுவனத்தில் இருக்கும்;

மேலான சுவனபதியில் (அவை) இருக்கும்.

In an elevated garden,

அதில் யாதொரு பயனற்ற சொல்லையும் அவை செவியுறுவதில்லை.

அதில் வீண் வார்த்தையை அவை செவியுறாது.

அவை அங்கு வீணானவற்றைச் செவியுற மாட்டா.

அதில் யாதொரு வீண் வார்த்தையையும் (அவை) செவியுறாது.

Wherein they will hear no unsuitable speech.

அதில் ஓடிக் கொண்டிருக்கும் நீரூற்று உண்டு.

அதில் (இவர்கள் அருந்துவதற்கு) தொடர்ந்து ஓடிக் கொண்டிருக்கின்ற (தெளிவான) ஒரு சுனையுண்டு.

ஓடிக்கொண்டிருக்கும் நீரூற்று அங்கு உண்டு;

அதில் (இவர்கள் பருகுவதற்கு) ஓடிக்கொண்டிருக்கும் ஒரு சுனையுண்டு.

Within it is a flowing spring.

அதில் உயர்ந்த ஆசனங்கள் உண்டு.

அதில் (இவர்கள் அமருவதற்கு) உயர்ந்த இருக்கைகளுண்டு.

உயர்ந்த கட்டில்கள் அங்கு இருக்கும்;

அதில் உயர்ந்த ஆசனங்களுண்டு.

Within it are couches raised high

(அருந்தக்) குவளைகளும் வைக்கப் பட்டிருக்கும்.

(பல வகை இன்பமான பானங்கள் நிறைந்த) கெண்டிகள் (இவர்கள் முன்) வைக்கப்பட்டிருக்கும்.

மேலும், கிண்ணங்களும் வைக்கப்பட்டிருக்கும்.

(அதன் பானங்களையருந்த) வைக்கப்பட்ட குவளைகளும் (உண்டு) –

And cups put in place

மேலும், அணி அணியாக்கப்பட்டுள்ள திண்டுகளும்-

(இவர்கள் சாய்ந்து கொள்வதற்காகத்) திண்டு தலையணைகள் வரிசையாக வைக்கப்பட்டிருக்கும்.

தலையணைகள் வரிசையாக வைக்கப்பட்டிருக்கும்;

வரிசையாக வைக்கப்பட்ட தலையணைகளும் -

And cushions lined up

விரிக்கப்பட்ட உயர்ந்த கம்பளங்களும் உண்டு.

உயர்ந்த விரிப்புகள் இவர்களின் கீழ் விரிக்கப்பட்டிருக்கும். (இத்தகைய சுகபோகத்தில் நல்லடியார்கள் இருப்பார்கள்.)

எழிலான விரிப்புகளும் விரிக்கப்பட்டிருக்கும்.

விரிக்கப்பட்ட உயர்ந்த கம்பளங்களும் (உண்டு.)

And carpets spread around.

(நபியே!) ஒட்டகத்தை அவர்கள் கவனிக்க வேண்டாமா? அது எவ்வாறு படைக்கப்பட்டிருக்கிறது என்று-

(நபியே! இந்நிராகரிப்பவர்கள் தங்களிடமுள்ள) ஒட்டகத்தையேனும் அவர்கள் கவனிக்க வேண்டாமா? அது எவ்வாறு படைக்கப்பட்டுள்ளது?

(இம்மக்கள் நம்பிக்கை கொள்வதில்லை எனில்,) ஒட்டகங்களை இவர்கள் பார்க்கவில்லையா, அவை எவ்வாறு படைக்கப்பட்டுள்ளன என்று!

ஓட்டகத்தை – அது எவ்வாறு படைக்கப்பட்டிருக்கிறது? என்பதை அவர்கள் (கவனித்துப்) பார்க்க மாட்டார்களா?

Then do they not look at the camels - how they are created?

மேலும் வானத்தை அது எவ்வாறு உயர்த்தப்பட்டிருக்கிறது? என்றும்,

(அவர்களுக்கு மேல் உள்ள) வானத்தையும் (அவர்கள் கவனிக்க வேண்டாமா?) அது எவ்வாறு உயர்த்தப்பட்டுள்ளது?

மேலும், வானத்தைப் பார்க்க வில்லையா, அது எவ்வாறு உயர்த்தப்பட்டுள்ளது என்று!

மேலும், வானத்தின் பால்_ அது எவ்வாறு உயர்த்தப்பட்டிருக்கிறது? (என்பதையும்)

And at the sky - how it is raised?

இன்னும் மலைகளையும் அவை எப்படி நாட்டப்பட்டிருக்கின்றன? என்றும்,

(அவர்கள் கண்முன் தோன்றும்) மலைகளையும் அவர்கள் (கவனிக்க வேண்டாமா?) அவை எவ்வாறு நிறுத்தப்பட்டுள்ளன?

மேலும், மலைகளைப் பார்க்கவில்லையா, அவை எவ்வாறு ஊன்றப்பட்டுள்ளன என்று!

(அசையாது ஸ்திரப்படுத்தப்பட்ட) மலைகள் பால் அவை எவ்வாறு நடப்பட்டுள்ளன? (என்பதையும்)-

And at the mountains - how they are erected?

இன்னும் பூமி அது எப்படி விரிக்கப்பட்டிருக்கிறது? (என்றும் அவர்கள் கவனிக்க வேண்டாமா?)

(அவர்கள் வசிக்கும்) பூமியையும் (அவர்கள் கவனிக்க வேண்டாமா?) அது எவ்வாறு விரிக்கப்பட்டுள்ளது?

மேலும், பூமியைப் பார்க்கவில்லையா, அது எவ்வாறு விரிக்கப்பட்டுள்ளது என்று!

இன்னும், (அவர்கள் வசிக்கும்) பூமியின் பால் - அது எவ்வாறு விரிக்கப்பட்டுள்ளது? (என்பதையும் அவர்கள் கவனிக்கமாட்டார்களா?)

And at the earth - how it is spread out?

ஆகவே, (நபியே! இவற்றைக் கொண்டு) நீர் நல்லுபதேசம் செய்வீராக; நிச்சயமாக நீர் நல்லுபதேசம் செய்பவர் தாம்.

(ஆகவே, நபியே!) இவற்றை அவர்களுக்கு எடுத்துக் காண்பித்து, இவற்றைப் படைத்தவனின் அருள்களை, அவர்களுக்கு நீர் கூறி) நல்லுபதேசம் செய்வீராக! (இவற்றைக்கொண்டு அவர்கள் நல்லுணர்ச்சி பெறாவிடில் அதற்காக நீர் கவலைப்படாதீர். ஏனென்றால்,) நீர் அவர்களுக்கு நல்லுபதேசம் செய்பவர்தான்,

சரி (நபியே!) நீர் அறிவுரை புரிந்தவண்ணம் இருப்பீராக! திண்ணமாக, நீர் அறிவுரை புரிபவர் மட்டுமே ஆவீர்!

ஆகவே, நபியே! நல்லுபதேசம் செய்வீராக! நிச்சயமாக நீர் அவர்களுக்கு நல்லுபதேசம் செய்பவர்தாம்.

So remind, [O Muhammad]; you are only a reminder.

அவர்கள் மீது பொறுப்புச் சாட்டப்பட்டவர் அல்லர்.

(அவ்வாறே நடக்கும்படி) அவர்களை நீர் நிர்ப்பந்திக்கக்கூடியவர் அல்ல.

அவர்களை நீர் நிர்ப்பந்திப்பவர் அல்லர்.

அவ்வாறே நடக்கும்படி அவர்கள் மீது நீர் பொறுப்புச்சாட்டப்பட்டவரல்லர்.

You are not over them a controller.

ஆயினும், எவன் (சத்தியத்தைப்) புறக்கணித்து, மேலும் நிராகரிக்கின்றானோ-

எனினும், எவர்கள் புறக்கணித்து நிராகரிக்கிறார்களோ,

ஆனால், எவன் புறக்கணித்தானோ மேலும், நிராகரித்தானோ

ஆயினும் எவர் புறக்கணித்து நிராகரிக்கின்றாரோ –

However, he who turns away and disbelieves

அவனை அல்லாஹ் மிகப் பெரும் வேதனையைக் கொண்டு வேதனைப்படுத்துவான்.

அவர்களை அல்லாஹ் பெரும் வேதனை செய்வான்.

அவனுக்கு அல்லாஹ் கடினமான தண்டனை அளிப்பான்.

அவரை அல்லாஹ் மிகப் பெரும் வேதனையாக வேதனை செய்வான்.

Then Allah will punish him with the greatest punishment.

நிச்சயமாக, நம்மிடமே அவர்களுடைய மீளுதல் இருக்கிறது.

நிச்சயமாக அவர்கள் அனைவரும் நம்மிடம்தான் வர வேண்டும்.

திண்ணமாக, இவர்கள் நம் பக்கமே திரும்பி வர வேண்டியுள்ளது.

நிச்சயமாக அவர்களின் மீட்சி நம் பக்கமேயாகும்.

Indeed, to Us is their return.

பின்னர், நிச்சயமாக நம்மிடமே அவர்களைக் கேள்வி கணக்கு கேட்பதும் இருக்கிறது.

நிச்சயமாக அவர்களைக் கேள்வி கணக்குக் கேட்பதும் நம் மீதுதான் கடமையாகும்.

பிறகு, இவர்களிடம் கணக்கு வாங்கும் பொறுப்பு நம்மீதே உள்ளது.

பின்னர், நிச்சயமாக அவர்களைக் கேள்வி கணக்கு கேட்பது நம்மீதேயாகும்.

Then indeed, upon Us is their account.