4:3. அநாதைப் பெண்களைத் திருமணம் செய்து அவர்களிடம் நீங்கள் நீதமாக நடக்க முடியாது என்று பயந்தீர்களானால், உங்களுக்குப் பிடித்தமான பெண்களை இரண்டிரண்டாகவோ, மும்மூன்றாகவோ, நன்னான்காகவோ மணந்துகொள்ளுங்கள்; ஆனால், நீங்கள் (இவர்களிடையே) நீதமாக நடக்க முடியாது என்று பயந்தால் ஒரு பெண்ணையே (மணந்துகொள்ளுங்கள்); அல்லது, உங்கள் வலக்கரங்கள் சொந்தமாக்கிக்கொண்ட (அடிமைப் பெண்ணான) வளை(க் கொண்டு போதுமாக்கிக்கொள்ளுங்கள்); இதுவே, நீங்கள் அநீதி செய்யாமலிருப்பதற்கு நெருக்கமான வழியாகும்.

23:27. அதற்கு, "நீர் நம் கண்காணிப்பிலும் நம்முடைய 'வஹீ' அறிவிப்பின்படியும் கப்பலைக் கட்டுவீராக! பிறகு, நம்முடைய கட்டளை வந்து, அடுப்புப் பொங்கும்போது, (உயிரினங்கள்) ஒவ்வொன்றிலும் (ஆண், பெண்) இரண்டிரண்டு சேர்ந்த ஜோடியையும், அவர்களில் எவர் மீது நம் (தண்டனைப் பற்றிய) வாக்கு ஏற்பட்டுவிட்டதோ அவரைத் தவிர்த்து(ள்ள) உம்முடைய குடும்பத்தினரையும் அதில் ஏற்றிக்கொள்ளும்: இன்னும், அநியாயம் செய்தார்களே அவர்களைப்பற்றி நீர் என்னிடம் பரிந்துபேச வேண்டாம்; நிச்சயமாக அவர்கள் மூழ்கடிக்கப்படுவார்கள்" என்று அவருக்கு நாம் அறிவித்தோம்.

34:46. "நான் உங்களுக்கு உபதேசிப்பது ஒரே ஒரு விஷயத்தைப் பற்றித்தான்; நீங்கள் இரண்டிரண்டு பேர்களாகவோ, தனித்தனியாகவோ அல்லாஹ்வுக்காக எழுந்து (நின்று) பின்னர் சிந்தித்துப் பாருங்கள்" என்று (நபியே!) நீர் கூறும்; "உங்கள் தோழருக்குப் பைத்தியம் எதுவுமில்லை; உங்களுக்குக் கடினமான வேதனை வருவதற்கு முன்னர் அச்சமூட்டி எச்சரிக்கை செய்பவரல்லாமல் அவர் வேறில்லை."

35:1. எல்லாப் புகழும் அல்லாஹ்வுக்கே; வானங்களையும், பூமியையும் படைத்தவன்; இரண்டிரண்டும், மும்மூன்றும், நான்நான்கும் இறக்கை உள்ளவர்களாக வானவர்களைத் தன் தூதை எடுத்துச்செல்வோராக ஆக்கினான்; தான் நாடியதைப் படைப்பிலே மிகுதிப்படுத்துவான்; நிச்சயமாக அல்லாஹ் அனைத்துப் பொருட்களின் மீதும் பேராற்றலுடையவன்.