2:214. உங்களுக்கு முன்னே சென்றவர்களுக்கு ஏற்பட்டதுபோல் (சோதனைகள்), உங்களுக்கு வராமலேயே சுவர்க்கத்தில் நீங்கள் நுழைந்துவிடலாம் என்று எண்ணுகிறீர்களா? அவர்களை (வறுமை, பிணி போன்ற) கஷ்டங்களும் துன்பங்களும் பீடித்தன; "அல்லாஹ்வின் உதவி எப்பொழுது (வரும்)?" என்று தூதரும், அவரோடு நம்பிக்கை கொண்டவர்களும் கூறும் அளவுக்கு அவர்கள் அலைகழிக்கப்பட்டார்கள்; அறிந்து கொள்ளுங்கள்! "நிச்சயமாக அல்லாஹ்வின் உதவி சமீபத்திலேயே இருக்கிறது" (என்று நாம் ஆறுதல் கூறினோம்).

3:13. (பத்ரு களத்தில்) சந்தித்த இரு சேனைகளிலும் உங்களுக்கு ஓர் அத்தாட்சி நிச்சயமாக உள்ளது; ஒரு சேனை அல்லாஹ்வின் பாதையில் போரிட்டது; பிறிதொன்று நிராகரிக்கக்கூடியதாக இருந்தது; (நிராகரிப்போர்) தம்மைப்போல், (முஸ்லிம்களான) அவர்களை இரு மடங்காகத் தம் கண்களால் கண்டனர்; இன்னும், அல்லாஹ் தான் நாடியவர்களுக்குத் தன் உதவியைக்கொண்டு பலப்படுத்துகிறான்; நிச்சயமாக (அகப்) பார்வையுடையோருக்கு இதில் திட்டமாக ஒரு படிப்பினை இருக்கிறது.

3:126. உங்களுக்கு ஒரு நற்செய்தியாகவும், உங்கள் இதயங்கள் இதன் மூலம் அமைதி பெறுவதற்காகவுமேயன்றி அல்லாஹ் அதை ஆக்கவில்லை; மிகைத்தவனும், ஞானமிக்கவனுமாகிய அல்லாஹ்விடத்திலல்லாமல் வேறு உதவி இல்லை.

6:34. உமக்கு முன்னிருந்த (நம்) தூதர்களும் பொய்ப்பிக்கப்பட்டனர்; அவர்களுக்கு நம் உதவி வரும்வரை, தாம் பொய்ப்பிக்கப்பட்டதையும், துன்புறுத்தப்பட்டதையும் அவர்கள் பொறுத்துக் கொண்டனர்: அல்லாஹ்வின் வார்த்தைகளை மாற்றுகிறவர் எவரும் இல்லை: (உங்களுக்கு முன்னிருந்த) தூதர்களின் (இத்தகைய) செய்தி உம்மிடம் வந்தேயிருக்கின்றது.

7:192. அவர்கள் இவர்களுக்கு எத்தகைய உதவியும் செய்ய சக்திபெற மாட்டார்கள்; (அது மாத்திரமல்ல) அவர்கள் தமக்குத்தாமே உதவி செய்துகொள்ளவும் சக்தியற்றவர்கள்.

7:197. அவனையன்றி நீங்கள் யாரைப் பிரார்த்திக்கிறீர்களோ, அவர்கள் உங்களுக்கு உதவி செய்ய சக்தி பெற மாட்டார்கள்; இன்னும், அவர்கள் தங்களுக்குத் தாங்களே உதவி செய்து கொள்ளவும் மாட்டார்கள்.

8:10. உங்கள் இதயங்கள் திருப்தியடைவதற்காகவும், ஒரு நன்மாராயமாகவும் இதை (இந்த வெற்றியை) அல்லாஹ் ஆக்கினான்; அல்லாஹ்விடமிருந்தே தவிர உதவி இல்லை; நிச்சயமாக அல்லாஹ் மிகைத்தவனாகவும், ஞானமுடையவனாகவும் இருக்கின்றான்.

8:26. நீங்கள் பூமியில் (மக்காவில்) சிறு தொகையினராகவும், பலவீனமானவர்களாகவும் இருந்த நிலையில், உங்களை (எந்த நேரத்திலும்) மனிதர்கள் இறாஞ்சிக்கொண்டு சென்றுவிடுவார்கள் என்று நீங்கள் பயப்பட்டுக் கொண்டிருந்தபோது, அவன் உங்களுக்கு (மதீனாவில்) புகலிடம் அளித்துத் தன் உதவியைக்கொண்டு உங்களைப் பலப்படுத்தினான்; இன்னும், நல்லவற்றிலிருந்து உங்களுக்கு உணவளித்ததையும் நினைவு கூருங்கள்; நீங்கள் (அவனுக்கு) நன்றி செலுத்துவதற்காக.

8:62. அவர்கள் உம்மை ஏமாற்ற எண்ணினால் நிச்சயமாக அல்லாஹ் உமக்குப் போதுமானவன்; அவன்தான் உம்மைத் தன் உதவியைக் கொண்டும், நம்பிக்கையாளர்களைக் கொண்டும் பலப்படுத்தினான்.

8:72. நிச்சயமாக எவர்கள் நம்பிக்கை கொண்டு, ஹிஜ்ரத் செய்து, தம் செல்வங்களாலும், தங்களது உயிர்களாலும் அல்லாஹ்வின் பாதையில் போர் செய்தார்களோ, அவர்களும்; எவர்கள் இத்தகையோருக்குப் புகலிடம் கொடுத்து உதவியும் செய்தார்களோ, அவர்களும்; அவர்களில் சிலர் சிலருக்கு உற்ற நண்பர்கள் ஆவார்கள்; எவர்கள் நம்பிக்கை கொண்டு ஹிஜ்ரத் செய்யவில்லையோ, அவர்கள் ஹிஜ்ரத் செய்யும் வரையில், நீங்கள் அவர்களுடைய எவ்விஷயத்திலும் பொறுப்பாளிகளல்ல; எனினும், அவர்கள் மார்க்க விஷயத்தில் உங்களிடம் உதவி தேடினால், உதவி புரிவது உங்கள் மீது கடமையாகும்; ஆனால், உங்களுக்கும், எவர்களுக்கும் மத்தியில் உடன்படிக்கை இருக்கிறதோ, அக்கூட்டத்தினருக்கு எதிராகத் தவிர, அல்லாஹ் நீங்கள் செய்பவற்றை நன்கு கவனித்துக் கொண்டே இருக்கிறான்.

12:110. (நம்) தூதர்கள் நிச்சயமாகப் பொய்ப்படுத்தப்பட்டு விட்டார்கள் என்று எண்ணி, நம்பிக்கை இழந்து விடும்பொழுது நமது உதவி அவர்களுக்கு வந்தது; நாம் நாடியவர்கள் காப்பாற்றப்பட்டனர்; நமது தண்டனை குற்றவாளிகளான கூட்டத்தாரை விட்டும் நீக்கப்படாது.

21:43. அல்லது, (நம்முடைய வேதனையிலிருந்து) நம்மையன்றி அவர்களைக் காப்பாற்றும் தெய்வங்கள் அவர்களுக்கு இருக்கின்றனவா? அவர்கள் தமக்குத்தாமே உதவி செய்ய சக்தியற்றவர்கள்; மேலும், அவர்கள் நம்மிடமிருந்து காப்பாற்றப்படுபவர்களும் அல்லர்.

22:29. பின்னர் அவர்கள் (தலைமுடி இறக்கி, நகம் வெட்டி, குளித்துத்) தம் அழுக்குகளை நீக்கி, தங்கள் நேர்ச்சைகளை நிறைவேற்றி (அந்தப் புனிதமான) பூர்வீக ஆலயத்தைத் தவாஃபும் செய்யவேண்டும்.

25:19. "நீங்கள் சொல்லியதையெல்லாம் திட்டமாக இவர்கள் பொய்யாக்கிவிட்டனர்; ஆகவே, (இப்போது வேதனையைத்) தடுத்துக்கொள்ளவோ, உதவி பெற்றுக்கொள்ளவோ நீங்கள் சக்தி பெறமாட்டீர்கள்; மேலும், உங்களில் எவன் அநியாயம் செய்துகொண்டிருந்தானோ அவனை நாம் பெரியதொரு வேதனையைச் சுவைக்கச் செய்வோம்" (என்று இறைவன் கூறுவான்).

29:10. மேலும், மனிதர்களில் சிலர் "நாங்கள் அல்லாஹ்வின் மீது நம்பிக்கை கொண்டுள்ளோம்" என்று சொல்கிறார்கள்; எனினும், அவர்களுக்கு அல்லாஹ்வின் பாதையில் துன்பம் உண்டானால், மனிதர்களால் ஏற்படும் அந்த இம்சையை அல்லாஹ்வின் வேதனைபோல் கருதி (உம்மை விட்டும் நீங்க முனைந்து) விடுகிறார்கள். ஆனால், உம் இறைவனிடத்திலிருந்து உதவி வந்தால் "நிச்சயமாக நாங்கள் உங்களுடனேதான் இருந்தோம்" என்று கூறுகிறார்கள். அல்லாஹ் அகிலத்தாரின் இதயங்களில் இருப்பவற்றை நன்கறிபவனாக இல்லையா?

30:5. அல்லாஹ்வின் உதவியினால் (வெற்றி கிடைக்கும்); அவன் தான் நாடியவர்களுக்கு உதவி புரிகிறான்; மேலும், (யாவரையும்) அவன் மிகைத்தவன், மிக்க கிருபையுடையவன்.

30:48. அல்லாஹ்தான் காற்றுகளை அனுப்பி, (அவற்றால்) மேகத்தை ஒட்டி, பிறகு அதைத் தான் நாடியபடி வானத்தில் பரப்பி, பல துண்டுகளாகவும் ஆக்கிவிடுகிறான்; அதன் மத்தியிலிருந்து மழை வெளியாவதை நீர் பார்க்கிறீர்; பிறகு, அதைத் தன் அடியார்களில், தான் நாடியவர் மீது வந்தடையும்படி அவன் செய்துவிட்டால் அப்போது அவர்கள் மகிழ்கிறார்கள்.

36:75. ஆனால், அவை அவர்களுக்கு உதவி செய்யும் சக்தி பெறமாட்டா; ஆயினும், அவையே இவர்களுக்கு (எதிரான) படையாகக் கொண்டுவரப்படும்.

48:3. மேலும், அல்லாஹ் ஒரு வலிமைமிக்க உதவியாக உமக்கு உதவி செய்வதற்காகவும் (தெளிவான இவ்வெற்றியை அவன் அளித்தான்).

61:13. அன்றியும், வேறொன்றும் உண்டு; அதனை நீங்கள் விரும்புகிறீர்கள்; (அதுதான்) அல்லாஹ்விடமிருந்து உதவியும், நெருங்கிவரும் வெற்றியுமாகும்; எனவே, நம்பிக்கையாளர்களுக்கு (இதைக்கொண்டு) நன்மாராயம் கூறுவீராக!

110:1. அல்லாஹ்வுடைய உதவியும், வெற்றியும் வரும்போதும்.