7:26. ஆதமுடைய மக்களே! மெய்யாகவே, உங்களுக்கு உங்களுடைய மானத்தை மறைக்கக்கூடிய ஆடையையும், அலங்காரத்தையும் திட்டமாக நாம் இறக்கியுள்ளோம்; இன்னும், 'இறையச்சம்' எனும் ஆடை - அதுவே மிக மேலானது; இது அல்லாஹ்வுடைய அடையாளங்களில் உள்ளதாகும்; (இதைக் கொண்டு) அவர்கள் நல்லுணர்வு பெறுவார்களாக!

11:56. "நிச்சயமாக நான், என்னுடைய இறைவனும், உங்களுடைய இறைவனுமாகிய அல்லாஹ்வையே சார்ந்துள்ளேன்; எந்த உயிரினமாயினும் அதன் முன்நெற்றி ரோமத்தை அவன் பிடித்தவனாகவே இருக்கிறான்; நிச்சயமாக என் இறைவன் நேரான வழியிலிருக்கின்றான்" (என்றும்),

16:80. அல்லாஹ் உங்களுக்கு உங்கள் இல்லங்களை அமைதித் தளமாக ஏற்படுத்தியுள்ளான்; உங்கள் பயண நாளிலும் (பயன்படுத்த) உங்களுக்கு எளிதாக இருக்கும் (ஆடு, மாடு, ஒட்டகம் போன்ற) கால்நடைகளின் தோல்களிலிருந்தும் வீடுகளை உங்களுக்கு ஆக்கினான்; வெள்ளாட்டின் உரோமங்கள், செம்மறியாட்டின் உரோமங்கள், ஒட்டகத்தின் உரோமங்கள் ஆகியவற்றிலிருந்தும் உங்களுக்கு ஆடைகளையும் குறிப்பிட்ட காலம் வரை (அவற்றில்) சுகத்தையும் (அமைத்துத் தந்திருக்கிறான்).

55:41. குற்றவாளிகள், அவர்களுடைய (முகக்குறி) அடையாளங்களைக் கொண்டே அறியப்படுவார்கள்; அப்போது (அவர்களுடைய) முன் நெற்றி உரோமங்களும், கால்களும் கொண்டு பிடிக்கப்படுவார்கள்.