7:160. (மூஸாவின் கூட்டத்தாராகிய) அவர்களை நாம் பன்னிரண்டு பிரிவினர்களாக - கூட்டங்களாகப் பிரித்தோம்; மூஸாவுக்கு, அவருடைய சமூகத்தினர் அவரிடம் அவர்கள் தண்ணீர் கேட்டபோது, "உம்முடைய கைத்தடியால் அக்கல்லை அடிப்பீராக!" என்று நாம் 'வஹீ' அறிவித்தோம்; (அவர் அவ்வாறு அடித்ததும்) அதிலிருந்து பன்னிரண்டு ஊற்றுகள் பொங்கிவந்தன; அவர்களில் ஒவ்வொரு வகுப்பாரும் தாம் (நீர்) அருந்தும் ஊற்றை அறிந்துகொண்டார்கள்; மேலும், அவர்கள் மீது மேகம் நிழலிடும்படிச் செய்தோம்; அவர்களுக்கு 'மன்னு ஸல்வா'வையும் (மேலான உணவாக) இறக்கிவைத்து, "நாம் உங்களுக்கு அளித்துள்ள தூயவற்றிலிருந்து புசியுங்கள்!" (என்று சொன்னோம்; அவ்வாறிருந்தும், அவர்கள் அல்லாஹ்வுக்கு மாறுசெய்தார்கள்); அவர்கள் நமக்கு அநியாயம் செய்யவில்லை; எனினும், அவர்கள் தமக்குத்தாமே அநியாயம் செய்துகொண்டிருந்தனர்.

15:45. நிச்சயமாக இறையச்சமுடையவர்கள் சுவர்க்கபதிகளிலும், நீரூற்றுகளிலும் (சுகம் பெற்று) இருப்பார்கள்.

18:86. சூரியன் மறையும் (மேற்குத்) திசைவரை அவர்கள் சென்றடைந்தபோது, அது ஒரு சேறு கலந்த நீரில் (மூழ்குவது போல்) மறையக் கண்டார்; இன்னும், அவர் அவ்விடத்தில் ஒரு சமூகத்தினரையும் கண்டார்; "துல்கர்னைனே! நீர் இவர்களை(த் தண்டித்து) வேதனை செய்யலாம்; அல்லது அவர்களுக்கு அழகிய நன்மை செய்யலாம்" என்று நாம் கூறினோம்.

19:26. "ஆகவே, (அவற்றை) உண்டு, (ஆற்றுநீரைப்) பருகி, கண் குளிர்ந்து இருப்பீராக! பின்னர், மனிதர்களில் எவரையேனும் நீர் பார்க்க நேரிட்டால், 'மெய்யாக அளவற்ற அருளாளனுக்காக நான் நோன்பிருப்பதாக நேர்ந்திருக்கின்றேன்; ஆதலின், இன்றைய தினம் எந்த மனிதருடனும் பேசவே மாட்டேன்' என்று கூறும்" (என்றும் கூறினார்).

22:50. எனவே, எவர்கள் நம்பிக்கை கொண்டு, நற்செயல்களைச் செய்கிறார்களோ அவர்களுக்கு மன்னிப்பும், கண்ணியமான உணவும் உண்டு.

26:57. அப்போது நாம், அவர்களைத் தோட்டங்களை விட்டும் நீரூற்றுக்களை விட்டும் வெளியேற்றி விட்டோம்.

26:147. "தோட்டங்களிலும், நீரூற்றுகளிலும்"

36:34. மேலும், அதில் நாம் பேரீச்ச மரங்களினாலும், திராட்சை (க் கொடி)களினாலும் தோட்டங்களை உண்டாக்குகிறோம்; இன்னும், அதில் நீரூற்றுக்களைப் பீறிட்டு ஓடச் செய்கின்றோம்.

44:25. எத்தனையோ தோட்டங்களையும், நீரூற்றுகளையும் அவர்கள் விட்டுச் சென்றார்கள்.

44:52. சுவனச்சோலைகளிலும், நீரூற்றுகளிலும் (இருப்பார்கள்).

51:15. நிச்சயமாக இறையச்சமுடையவர்கள் (சுவர்க்கத்தின்) சோலைகளிலும், நீரூற்றுகளிலும் இருப்பார்கள்.

55:50. அவ்விரண்டிலும் இரண்டு ஊற்றுகள் (உதித்து) ஓடிக் கொண்டே இருக்கும்.

55:66. அவ்விரண்டிலும் இரு ஊற்றுகள் (சதா) பொங்கிக் கொண்டேயிருக்கும்.

76:6. (அது) ஒரு நீரூற்று; அதிலிருந்து அல்லாஹ்வின் அடியார்கள் அருந்துவார்கள்; அதை (அவர்கள் விரும்பும் இடங்களுக்கெல்லாம்) ஓடையாக ஓடச் செய்வார்கள்.

76:18. 'ஸல்ஸபீல்' என்ற பெயருடைய ஓர் ஊற்றும் அங்கு இருக்கிறது.

77:41. நிச்சயமாக இறையச்சமுடையவர்கள் (குளிர்) நிழல்களிலும், நீரூற்றுகளிலும் இருப்பார்கள்.

83:27. இன்னும், அதனுடைய கலவை (உயரத்திலிருந்து ஊற்றப்படும் சிறந்த நீரூற்றான) தஸ்னீமில் இருந்துள்ளதாகும்.

88:5. கொதிக்கும் ஊற்றிலிருந்து (அவர்களுக்கு நீர்) புகட்டப்படும்.