2:239. ஆயினும், (பகைவர்களையோ அல்லது வேறெதையுமோ கொண்டு) நீங்கள் பயந்தால், நடந்துகொண்டோ அல்லது சவாரிசெய்துகொண்டோ (தொழுதுகொள்ளுங்கள்); பின்னர், நீங்கள் அச்சம் தீர்ந்ததும், நீங்கள் அறியாமல் இருந்ததை அவன் உங்களுக்குக் கற்றுக் கொடுத்ததைப்போன்று அல்லாஹ்வை நினைவு கூருங்கள்.

6:138. மேலும், (தம் தெய்வங்களுக்கென ஒதுக்கிய சிலவற்றைக் குறித்து,) "இவை (புசிப்பதற்கு) தடுக்கப்பட்டுள்ள கால்நடைகளும், விவசாயமாகும்; இவற்றை நாங்கள் விரும்புகின்றவர்களைத் தவிர (வேறு எவரும்) சாப்பிடக்கூடாது" என்று தங்கள் எண்ணப்படி அவர்கள் கூறுகின்றனர்; மேலும், சில கால்நடைகளின் முதுகுகள் (சவாரிக்காக) தடை செய்யப்பட்டுள்ளன (என்றும்) இன்னும், சில கால்நடைகள் (அவற்றை அறுக்கும்போது) அவற்றின் மீது அல்லாஹ்வின் பெயரைக் கூறக்கூடாதென்றும் அவன்மீது கற்பனையாகக் கூறுகின்றனர்; அவர்கள் இட்டுக்கட்டிக் கொண்டிருந்த காரணத்தால், அவர்களுக்கு அவன் தண்டனை வழங்குவான்.

36:72. மேலும், அவற்றை அவர்களுக்குக் கீழ்ப்படியுமாறு செய்துள்ளோம்; ஆகவே, அவற்றிலிருந்து அவர்களுடைய வாகனங்களும் உள்ளன; இன்னும், அவற்றிலிருந்து சிலவற்றைப் புசிக்கிறார்கள்.

40:79. அல்லாஹ்தான் கால்நடைகளை உங்களுக்காக உண்டாக்கியிருக்கிறான்; அவற்றில் சிலவற்றின் மீது நீங்கள் சவாரி செய்கிறீர்கள்; இன்னும், அவற்றில் (சிலவற்றிலிருந்து) நீங்கள் புசிக்கிறீர்கள்.

43:12. அவன்தான் ஜோடிகள் யாவையும் படைத்தான்; உங்களுக்காகக் கப்பல்களையும், நீங்கள் சவாரி செய்யும் கால்நடைகளையும் உண்டாக்கினான்.