2:197. ஹஜ்ஜுக்குரிய காலம் குறிப்பிடப்பட்ட மாதங்களாகும்; எனவே, அவற்றில் எவரேனும் (இஹ்ராம் அணிந்து) ஹஜ்ஜை (தம்மீது) கடமையாக்கிக் கொண்டால், ஹஜ்ஜி(ன் காலத்தி)ல் உடலுறவு கொள்ளுதல், கெட்டவார்த்தைகள் பேசுதல், சச்சரவு செய்தல் கூடாது; நீங்கள் எந்த நன்மையைச் செய்தாலும் அதனை அல்லாஹ் அறிந்தவனாக இருக்கிறான்; மேலும், (ஹஜ்ஜுக்குத் தேவையானவற்றை) சித்தப்படுத்தி வைத்துக்கொள்ளுங்கள்; நிச்சயமாக இவ்வாறு சித்தப்படுத்தி வைப்பவற்றுள் மிகச்சிறந்தது இறையச்சமே ஆகும்; எனவே அறிவுடையோரே! என்னையே பயந்துகொள்ளுங்கள்.

4:65. உம் இறைவன் மேல் சத்தியமாக, அவர்கள் தங்களிடையே எழுந்த சச்சரவுகளில் உம்மை நீதிபதியாக ஏற்று, பின்னர் நீர் தீர்ப்புச் செய்தது பற்றி எத்தகைய அதிருப்தியையும் தம் மனங்களில் கொள்ளாது - (அத்தீர்ப்பை) முற்றிலும் ஏற்றுக் கொள்ளாதவரையில், அவர்கள் நம்பிக்கை கொண்டவர்களாக மாட்டார்கள்.

27:45. தவிர, நாம் நிச்சயமாக ஸமூது சமூகத்தாரிடம், அவர்களுடைய சகோதரர் ஸாலிஹை: 'நீங்கள் அல்லாஹ்வையே வணங்குங்கள்' (என்று போதிக்குமாறு) அனுப்பினோம். ஆனால், அவர்கள் இரு பிரிவினராகப் பிரிந்து தம்மிடையே சச்சரவு செய்துகொள்ளலானார்கள்.