6:99. அவனே வானத்திலிருந்து மழையை இறக்கினான். அதைக்கொண்டு எல்லா வகையான புற்பூண்டுகளையும் நாம் வெளியாக்கினோம்; அதிலிருந்து பசுமையானதை வெளிப்படுத்தி, அதிலிருந்து அடுக்கடுக்கான தானியங்களையும் நாம் வெளிப்படுத்துகிறோம்; பேரீச்சமரத்தின் பாளையிலிருந்து வளைந்து தொங்கும் பழக்குலைகளும் இருக்கின்றன; திராட்சைத் தோட்டங்களையும் (பார்வைக்கு) ஒன்று போலவும் (சுவைக்கு) வெவ்வேறாகவும் உள்ள ஒலிவத்தையும் (ஜைத்தூனையும்), மாதுளையையும் (நாம் வெளிப்படுத்துகின்றோம்); அவற்றின் கனிகளை - அவை (பூத்துக்) காய்ப்பதையும் பின்னர், கனிந்து பழமாவதையும் நீங்கள் உற்றுநோக்குவீர்களாக! நம்பிக்கை கொள்ளும் சமூகத்தினருக்கு நிச்சயமாக இவற்றில் அத்தாட்சிகள் அமைந்துள்ளன.